ਮਾਂ, ਭੈਣ, ਬੇਟੀ, ਪਤਨੀ, ਔਰਤ ਦੇ ਰੂਪ ਚਾਰ।
ਔਰਤ ਜਣਨੀ ਤੋਂ ਵਧਦਾ ਏ, ਸੰਸਾਰ ਤੇ ਪਰਵਾਰ।
ਨਾ ਮਾਰੋ ਧੀਆਂ ਆਪਣੀਆਂ, ਨਾ ਲਵੋ ਇਨ੍ਹਾਂ ਦਾ ਸਰਾਪ!
ਔਰਤ ਜਣਨੀ ਹੈ ਮਹਾਂਪੁਰਸ਼ਾਂ, ਬੀਰਾਂ ਰਾਜੇ ਰਾਣਿਆਂ ਦੀ,
ਲਿਖ ਗਏ ਜਗਤ-ਗੁਰੂ, ਗੁਰੂ ਨਾਨਕ ਦੇਵ।
ਉਨ੍ਹਾਂ ਦਾ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਵਿਚ ਹੈ ਪਵਿੱਤਰ ਫ਼ਰਮਾਨ।
“ਸੋ ਕਿਉ ਮੰਦਾ ਆਖੀਐ ਜਿਤੁ ਜੰਮਹਿ ਰਾਜਾਨ॥”
ਕਿਉਂ ਕਹਿੰਦੇ ਹੋ ਅਸੀਂ ਪੂਜਦੇ ਹਾਂ ਲਛਮੀ
ਜੇ ਮਾਰਨੀਆਂ ਨੇ ਇੱਦਾਂ ਧੀਆਂ ਕੁੱਖ ਵਿਚ?
ਓਏ ਲੋਭੀਓ ਮੂਰਖੋ ਅਗਿਆਨੀਓ! ਕਿਉਂ ਮਾਰਦੇ ਓ ਨੂੰਹਾਂ ਨੂੰ ਬੇਦਰਦੀ ਬਣ ਕੇ?
ਜੀਓ ਤੇ ਜੀਉਣ ਦਿਓ ਲੋਕੋ, ਨੂੰਹਾਂ ਨੇ ਤੁਹਾਡੇ ਪਰਵਾਰ ਦਾ ਅਸਲ ਆਧਾਰ।
ਨੂੰਹਾਂ ਨਾਲ ਹੀ ਹੋ ਸਕਦਾ ਏ, ਇਕ ਖਿੜਿਆ ਘਰ ਪਰਵਾਰ।
ਸ਼ਾਇਰ ‘ਗੁਰਦੀਪ ਸਿੰਘ’ ਦੀ ਸੁਣੋ ਪੁਕਾਰ,
ਨੂੰਹਾਂ ਨੂੰ ਮਾਰਨ ਵਾਲਿਓ ਲੋਕੋ, ਕਰਦੇ ਨਹੀਂ ਕਿਉਂ ਵਿਚਾਰ
ਕਿ ਆਖਰ ਨੂੰ ਸਭ ਨੂੰ ਛੱਡਣਾ ਪੈਣਾ ਇਹ ਸੰਸਾਰ?