ਮਚਾਉਂਦੀ ਰਹੀ ਤੂੰ ਬੜਾ ਕਹਿਰ ਦਿੱਲੀਏ,
ਮੁਗ਼ਲਾਂ ਤੋਂ ਨਹੀਂ ਸੀ ਤੇਰੀ ਖ਼ੈਰ ਦਿੱਲੀਏ,
ਕੀਤੇ ਭੁੱਲ ਗਈ ਗੁਰਾਂ ਦੇ ਉਪਕਾਰ ਦਿੱਲੀਏ,
ਦਿੱਤੇ ਟਾਇਰ ਗਲਾਂ ਵਿਚ ਪਾ ਕੇ ਸਿੰਘ ਸਾੜ ਦਿੱਲੀਏ।

ਨੌਵੇਂ ਗੁਰਾਂ ਸੀਸ ਦੇ ਕੇ, ਤੈਨੂੰ ਬਚਾਇਆ ਸੀ,
ਭਗਤ ਸਿੰਘ ਹੋਰਾਂ ਮੱਥਾ ਗੋਰਿਆਂ ਨਾ ਲਾਇਆ ਸੀ,
ਅੱਗੋਂ ਉਨ੍ਹਾਂ ਨਾਲ ਹੀ ਕੀਤੇ ਹੱਥ ਚਾਰ ਦਿੱਲੀਏ,
ਦਿੱਤੇ ਟਾਇਰ ਗਲਾਂ ਵਿਚ ਪਾ ਕੇ ਸਿੰਘ ਸਾੜ ਦਿੱਲੀਏ।

ਹਰਿਮੰਦਰ ਸਾਹਿਬ ਜਦੋਂ ਘੇਰਾ ਵੈਰੀਆਂ ਨੇ ਪਾਇਆ ਸੀ,
ਇਸ ਦਾ ਵੀ ਆਰਡਰ ਦਿੱਲੀ ਤੋਂ ਹੀ ਆਇਆ ਸੀ।
ਜਿਹੜੇ ਸਿੱਖਾਂ ਨੂੰ ਮੁਕਾਉਣਾ ਚਾਹੁੰਦੀ ਤੂੰ,
ਓਹੀ ਵੈਰੀ ਅੱਗੇ ਬਣਨ ਦੀਵਾਰ ਦਿੱਲੀਏ,
ਦਿੱਤੇ ਟਾਇਰ ਗਲਾਂ ਵਿਚ ਪਾ ਕੇ ਸਿੰਘ ਸਾੜ ਦਿੱਲੀਏ।

ਲੇਖੇ ਸਾਰੇ ਏਹ ਦੇਣੇ ਪੈਣਗੇ,
ਤੈਨੂੰ ਵੀ ਦੁੱਖ ਸਭ ਸਹਿਣੇ ਪੈਣਗੇ,
ਸੱਚ ਕਹਿਣੋਂ ਅਸੀਂ ਝੁਕਦੇ ਨਹੀਂ,
ਕਰ ਚੱਲਿਆਂ ਹਾਂ ਗੱਲਾਂ ਚਾਰ ਦਿੱਲੀਏ,
ਦਿੱਤੇ ਟਾਇਰ ਗਲਾਂ ਵਿਚ ਪਾ ਕੇ ਸਿੰਘ ਸਾੜ ਦਿੱਲੀਏ।