ਵਾਤਾਵਰਨ ਕਦੇ ਵੀ ਨਾ ਦੁਸ਼ਿਤ ਕਰੀਏ,
ਕਾਦਰ ਦੀ ਉਸ ਕੁਦਰਤ ਤੋਂ ਡਰੀਏ।
ਐਵੇਂ ਸਮਝੋ ਨਾ ਇਹ ਕੰਮ ਗਵਾਰਾ,
‘ਵਾਤਾਵਰਨ ਲਹਿਰ’ ਨੂੰ ਤੁਸੀਂ ਦੇਵੋ ਹੁਲਾਰਾ,
ਰੁੱਖਾਂ ਤਾਈਂ ਲਗਾਉਣ ਦਾ ਹੈ ਕੰਮ ਨਿਆਰਾ। ਸਾਫ਼-ਸੁਥਰਾ ਚੌਗਿਰਦਾ ਜੋ ਬੜ੍ਹਾ ਜ਼ਰੂਰੀ,
ਹੱਥੀਂ ਕਰ ਕੇ ਦੇਖੀਏ ਮਿਹਨਤ-ਮਜ਼ਦੂਰੀ।
ਵਿਹਲਪੁਣੇ ਨੂੰ ਛੱਡ ਕੇ ਕਰੋ ਕਿਨਾਰਾ,
‘ਵਾਤਾਵਰਨ ਲਹਿਰ’ ਨੂੰ ਤੁਸੀਂ ਦੇਵੋ ਹੁਲਾਰਾ,
ਰੁੱਖਾਂ ਤਾਈਂ ਲਗਾਉਣ ਦਾ ਹੈ ਕੰਮ ਨਿਆਰਾ। ਰੁੱਖਾਂ ਤੇ ਕੁੱਖਾਂ ਦੇ ਅਨਮੋਲ ਖ਼ਜ਼ਾਨੇ,
ਮਾਰ ਕੇ ਧੀਆਂ ਪੇਟ ਵਿੱਚੋਂ ਕਿਉਂ ਬਣੇ ਬੇਗਾਨੇ।
ਧੀਆਂ ਤਾਈਂ ਜਿਊਣ ਦਾ ਬਣੋ ਸਹਾਰਾ,
‘ਵਾਤਾਵਰਨ ਲਹਿਰ’ ਨੂੰ ਤੁਸੀਂ ਦੇਵੋ ਹੁਲਾਰਾ,
ਰੁੱਖਾਂ ਤਾਈਂ ਲਗਾਉਣ ਦਾ ਹੈ ਕੰਮ ਨਿਆਰਾ। ‘ਬੁਤਾਲੇ ਵਾਲਾ’ ਆਖੇ ਧੀਆਂ ਤੇ ਰੁੱਖ ਬਚਾਓ,
ਘਰ-ਘਰ ਵਿਚ ਇਸ ਲਹਿਰ ਦਾ ਸੰਦੇਸ਼ ਪਹੁੰਚਾਓ।
ਰੁੱਖਾਂ ਕਰ ਕੇ ਲੱਗਦਾ ਸੰਸਾਰ ਪਿਆਰਾ,
‘ਵਾਤਾਵਰਨ ਲਹਿਰ’ ਨੂੰ ਤੁਸੀਂ ਦੇਵੋ ਹੁਲਾਰਾ,
ਰੁੱਖਾਂ ਤਾਈਂ ਲਗਾਉਣ ਦਾ ਹੈ ਕੰਮ ਨਿਆਰਾ। |
