ਮੇਰਾ ਦਿਲ ਕਰਦਾ ਮੈਂ ਥੋਡੇ ਲਈ ਇੱਕ ਗੀਤ ਲਿਖਾਂ।
ਮੁੱਦਤਾਂ ਬਾਅਦ ਨਿਭਾਈ ਤੁਸਾਂ ਜੋ ਪੁਰਖਿਆਂ ਦੀ ਉਹ ਰੀਤ ਲਿਖਾਂ।
ਦੇ ਥਾਪੜਾ ਕਲਗੀਆਂ ਵਾਲੇ ਨੇ ਥੋਨੂੰ ਬੜਾ ਈ ਨਿਡਰ ਬਣਾਇਆ ਸੀ।
ਉਸ ਐਸੀ ਕਿਰਪਾ ਕੀਤੀ ਸੀ, ਚਿੜੀਆਂ ਨਾਲ ਬਾਜ਼ ਲੜਾਇਆ ਸੀ।
ਓਸ ਅਨੰਦਪੁਰ ਵਾਲੀ ਸ਼ਕਤੀ ਦਾ, ਕੋਈ ਹੋਇਆ ਅੰਸ਼ ਸੁਰਜੀਤ ਲਿਖਾਂ।
ਮੇਰਾ ਦਿਲ ਕਰਦਾ ਮੈਂ ਥੋਡੇ ਲਈ. . .

ਲੱਦਾਖ ਤੋਂ ਲੈ ਕੇ ਖੈਬਰ ਤਕ ਇੱਕ ਵਾਰੀ ਜਦ ਤੁਸੀਂ ਗੱਜੇ ਸੀ।
ਇੱਕ ਵਾਰੀ ਨਹੀਂ ਤੁਸੀਂ ਕਈ ਵਾਰੀ ਦਿੱਲੀ ਵਿਚ ਝੰਡੇ ਗੱਡੇ ਸੀ।
ਤੁਸੀਂ ਹੀ ਸੀ ਬਾਬਾ ਬੋਤਾ ਗਰਜਾ, ਨਲੂਆ ਤੇ ਸਿੰਘ ਰਣਜੀਤ ਲਿਖਾਂ।
ਮੇਰਾ ਦਿਲ ਕਰਦਾ ਮੈਂ ਥੋਡੇ ਲਈ . . .

ਜੋ ਓਸ ਮਰਦ ਅਗੰਮੜੇ ਦਿੱਤੀ ਜੋ ਸਿੱਖਿਆ ਨੂੰ ਤੁਸੀਂ ਵਿਸਾਰੋ ਨਾ।
ਸੂਰਤ ਸੀਰਤ ਰੰਗ ਦਿੱਤਾ, ਤੁਸੀਂ ਉਸ ਨੂੰ ਕਦੇ ਵਿਗਾੜੋ ਨਾ।
ਗੁਰੂ ਕਹੇ ਜੇ ਖਾਲਸ ਬਣ ਜੋ, ਜਿੱਥੇ ਕਹੋ ਤੁਹਾਡੀ ਜੀਤ ਲਿਖਾਂ।
ਮੇਰਾ ਦਿਲ ਕਰਦਾ ਮੈਂ ਥੋਡੇ ਲਈ ਇੱਕ ਗੀਤ ਲਿਖਾਂ।
ਮੁੱਦਤਾਂ ਬਾਅਦ ਨਿਭਾਈ ਤੁਸਾਂ ਜੋ ਪੁਰਖਿਆਂ ਦੀ ਉਹ ਰੀਤ ਲਿਖਾਂ।