ਵੇਖੋ ਮੰਮੀ ਵੇਖੋ ਮੰਮੀ
ਕਿੰਨੀ ਸੋਹਣੀ ਪੱਗ ਮੈਂ ਬੰਨੀਂ।
ਦਸਤਾਰਾਂ ਦਾ ਕੈਂਪ ਸੀ ਲੱਗਿਆ,
ਮੈਨੂੰ ਮੇਰੇ ਦੋਸਤ ਦੱਸਿਆ।
ਮੈਂ ਫਿਰ ਗੱਲ ਉਸ ਦੀ ਮੰਨੀਂ,
ਵੇਖੋ ਮੰਮੀ ਵੇਖੋ ਮੰਮੀ।
ਕਿੰਨੀ ਸੋਹਣੀ ਪੱਗ...

ਸੋਹਣੇ ਸੋਹਣੇ ਲੜ ਬਣਾਏ,
ਵੇਖੋ ਚਿਣ ਚਿਣ ਕਿਵੇਂ ਸਜਾਏ।
ਪੋਚ ਪੋਚ ਟਿਕਾਈ ਕੰਨੀਂ,
ਵੇਖੋ ਮੰਮੀ ਵੇਖੋ ਮੰਮੀ।
ਕਿੰਨੀ ਸੋਹਣੀ ਪੱਗ...

ਕਈ ਸੀ ਬੰਨ੍ਹਦੇ ਪਏ ਦੁਮਾਲੇ,
ਨੌਜਵਾਨ ਤੇ ਬੱਚੇ ਹਾਲੇ।
ਵੱਡਿਆਂ ਦਾਹੜੀ ਰੱਖੀ ਲੰਮੀ,
ਵੇਖੋ ਮੰਮੀ ਵੇਖੋ ਮੰਮੀ।
ਕਿੰਨੀ ਸੋਹਣੀ ਪੱਗ . . .

ਥੋੜ੍ਹੇ ਦਿਨਾਂ ਤਾਈਂ ਫੇਰ ਆਉਣਗੇ,
ਦੁਮਾਲੇ ਪੱਗਾਂ ਫੇਰ ਸਿਖਾਉਣਗੇ।
ਵੇਖੋ ਮੰਮੀ ਵੇਖੋ ਮੰਮੀ।
ਕਿੰਨੀ ਸੋਹਣੀ ਪੱਗ ਮੈਂ ਬੰਨੀਂ।