ਪ੍ਰਧਾਨ ਮੰਤਰੀ ਯੂੰ ਫ਼ਰਮਾਇਆ...
ਧਰਤੀ ਹਿਲਦੀ ਹੈ
ਰੁੱਖ ਡਿੱਗਦਾ ਹੈ ਜੇ ਕੋਈ ਵੱਡਾ.... ਧਰਤੀ ਹਿੱਲੀ ਤਾਂ ਗ਼ਲ ਵਿਚ ਟਾਇਰ
ਧਰਤੀ ਹਿੱਲੀ ਤਾਂ ਟਾਇਰ ਤੇ ਤੇਲ
ਧਰਤੀ ਹਿੱਲੀ ਤਾਂ ਤੀਲੀ ਮੱਚ ਗਈ
ਫਿਰ ਭਾਂਬੜ ਮੱਚ ਗਿਆ ਢੇਰ ਇਕ ਨਹੀਂ....
ਦੋ ਨਹੀਂ.....
ਸੌ ਨਹੀਂ...
ਹਜ਼ਾਰਾਂ ਦੀ ਤਦਾਦ ਲਾਸ਼ਾਂ ਵਿਛੀਆਂ ਵਿਚ ਸ਼ਹਿਰ
ਮਹਾਂਨਗਰ ਬਣਿਆ ਹੈ ਸ਼ਮਸ਼ਾਨ
ਜਮਨਾ ਹੋ ਗਈ ਲਾਲੋ ਲਾਲ ਗ੍ਰਹਿ ਮੰਤਰੀ ਯੂੰ ਫ਼ਰਮਾਇਆ....
ਸ਼ਹਿਰ ਵਿਚ ਹੈ ਕਰਫ਼ਿਊ ਲਾਇਆ
ਫੌਜ ਨੂੰ ਹੈ ਸ਼ਹਿਰ ਬੁਲਾਇਆ
ਮਾਰੋ ਗੋਲੀ ਜੇ ਕੋਈ ਕਰੇ ਦੰਗਾ... ਤਾਂਡਵ ਨਾਚ ਨੱਚਦੇ ਲੋਕ
ਵਿਚ ਚੌਂਕ ਕਿਲਕਾਰੀਆਂ ਪਾਉਂਦੇ
ਗੁਰਧਾਮਾਂ ਨੂੰ ਅੱਗਾਂ ਲਾਉਂਦੇ
ਸਿੱਖਾਂ ਨੂੰ ਸਾੜਿਆ ਵਿਚ ਚੁਰਾਹੇ
ਅਕਾਸ਼ਵਾਣੀ ਮੁੜ-ਮੁੜ ਉਚਾਰੇ
ਸ਼ਹਿਰ ਵਿਚ ਅਮਨ ਅਮਾਨ ਹੈ ਸਾਰੇ ਹੂਣ ਅਤੇ ਅਬਦਾਲੀ ਦੇ ਵਾਰਿਸ
ਆਦਮ ਬੋ ਆਦਮ ਬੋ ਕਰਦੇ ਆਉਂਦੇ,
ਉੱਚੀ ਉੱਚੀ ਬੋਲਦੇ ਜਾਂਦੇ
“ਇਕ ਦੇਸ਼ ਇਕ ਧਰਮ ਚਲੇਗਾ
ਹੋਰ ਧਰਮ ਦੀ ਲੋੜ ਕੋਈ ਨਹੀਂ
ਸਿੰਧ ਘਾਟੀ ਨੂੰ ਕੀਤਾ ਸੀ ਅਲੋਪ
ਬੋਧੀਆਂ ਦਾ ਕੀਤਾ ਸੀ ਵਿਨਾਸ਼
ਉਵੇਂ ਹੀ ਹੋਵੇਗਾ ਹੁਣ
ਬਾਕੀਆਂ ਦਾ ਸਰਵਨਾਸ਼”... ਫਿਰ ਉਹੀ ਗਰਦਨਾਂ...
ਫਿਰ ਉਹੀ ਟਾਇਰ....
ਫਿਰ ਉਹੀ ਮੱਚਦੀ ਤੀਲੀ....
ਲਾਸ਼ਾਂ ਵਿਛੀਆਂ ਵਿਚ ਸ਼ਹਿਰ...
ਮਹਾਂਨਗਰ ਬਣਿਆ ਸ਼ਮਸ਼ਾਨ
ਜਮਨਾ ਹੋ ਗਈ ਲਾਲੋ ਲਾਲ ਪ੍ਰਧਾਨ ਮੰਤਰੀ ਮੁੜ ਫ਼ਰਮਾਇਆ...
“ਸਾਨੂੰ ਜਾਣੇ ਕੁੱਲ ਜਹਾਨ
ਸਾਡਾ ਦੇਸ਼ ਹੈ ਬੜਾ ਮਹਾਨ
ਅਸੀਂ ਵਾਰਿਸ ਹਾਂ ਬਾਪੂ ਦੇ
ਅਸੀਂ ਅਹਿੰਸਾ ਦੇ ਪੁਜਾਰੀ
ਅਸੀਂ ਨਾ ਕਰਦੇ ਕੋਈ ਮੰਦਾ” ਸਰਕਾਰ ਸਾਡੀ ਹੈ ਸੈਕੂਲਰ ਪੂਰੀ
ਇਨਸਾਫ਼ ਕਰੇਗੀ ਪੂਰੋ ਪੂਰੀ
ਥਾਪ ਦਿੱਤਾ ਹੈ ਇਕ ਕਮਿਸ਼ਨ
ਇਨਸਾਫ਼ ਕਰੇਗਾ ਬਹੁਤ ਹੀ ਚੰਗਾ” ਕਮਿਸ਼ਨ ਨੇ ਖਾਧਾ ਕਮਿਸ਼ਨ
ਇਨਸਾਫ਼ ਨੂੰ ਕੀਤਾ ਬਦਰੰਗ
ਦਿੱਤਾ ਫਤਵਾ.... “ਗਵਾਹੀ ਦੇਣ ਨਹੀਂ ਕੋਈ ਆਇਆ
ਠੋਸ ਸਬੂਤ ਨਹੀਂ ਕੋਈ ਲਿਆਇਆ
ਇਹ ਤਾਂ ਅਲੌਕਿਕ ਸੀ ਵਰਤਾਰਾ
ਕਿਸੇ ਨਹੀਂ ਕੀਤਾ ਸੀ ਇਹ ਕਾਰਾ” ਸੁੱਤੇ ਇਨਸਾਫ਼ ਦੇ ਵਣਜਾਰੇ
ਸੁੱਤੀ ਸਰਕਾਰ ਮਾਰ ਘੁਰਾੜੇ
ਸੁੱਤੀ ਸੰਸਦ ਮਤਾ ਪਾਇਆ
ਸਭ ਕੁਝ ਹੈ ਸੁਪਨੇ ਦਾ ਸਾਇਆ.... ਸੁੱਤੇ ਕਲਮਾਂ ਦੇ ਵਣਜਾਰੇ
ਮਾਰਦੇ ਸਨ ਜੋ ਵਾਰਿਸ ਸ਼ਾਹ ਨੂੰ ਕੂਕਾਂ
ਹੁਣ ਕਿਉਂ ਮਾਰਨ ਸਿਵਿਆਂ ਨੂੰ ਫੂਕਾਂ
ਹੁਣ ਕੌਣ ਵਾਰਿਸ ਹੈ ਇਸ ਧਰਤ ਦਾ?
ਕੌਣ ਵਾਰਿਸ ਹੈ ਇਸ ਧਰਤ ਦਾ? | 
