ਬਾਬੇ ਨਾਨਕ ਦੇ, ਸਾਢੇ ਪੰਜ ਸੌ ਸਾਲਾ ਗੁਰਪੁਰਬ
ਦੀਆਂ,
ਸਭਨਾਂ ਸੰਗਤਾਂ ਨੂੰ, ਲੱਖ-ਲੱਖ ਹੋਣ ਮੁਬਾਰਕਾਂ।
ਹਿੰਦੂ, ਮੁਸਲਿਮ ਅਤੇ ਇਸਾਈ, ਸਮੂਹ ਸਿੱਖ,
ਗੁਰੂ ਦੇ ਧਾਰਕਾਂ।
ਬਾਬੇ ਨਾਨਕ ਦੇ. . .

ਕਲਯੁੱਗ ਵਿਚ ਬਾਬੇ ਪ੍ਰਕਾਸ਼ ਧਾਰ ਕੇ, ਸਤਯੁਗ
ਦੀ ਲਹਿਰ ਚਲਾਈ।
ਸਤਿਨਾਮ, ਵਾਹਿਗੁਰੂ ਦਾ ਪੜ੍ਹ ਮੰਤਰ, ਬਾਬੇ
ਸਿੱਖੀ ਦੀ ਨੀਂਵ ਰਖਾਈ।
ਓਅੰਕਾਰ ਤੋਂ ਉਪਜਿਆ ਸਭ ਕੁਝ, ਅੰਬਰੀਂ
ਚੰਦ, ਸੂਰਜ, ਤਾਰੇ,
ਧਰਤੀ ਉੱਪਰ ਬਾਗ਼-ਬਗ਼ੀਚੇ, ਫ਼ਲ ਬੂਟੇ ਤੇ
ਧਾਰਕਾਂ।
ਬਾਬੇ ਨਾਨਕ ਦੇ. . .

ਸੁਲਤਾਨਪੁਰ ਲੋਧੀ ਤੇਰਾ-ਤੇਰਾ ਤੋਲ ਬਾਬੇ
ਨੇ, ਕੀਤੀ ਨੇਕ ਕਮਾਈ।
ਆਪਣੇ ਦਰ ਤੋਂ ਨਹੀਂ ਕੋਈ ਖਾਲੀ ਮੋੜੇ,
ਗਰੀਬ-ਗੁਰਬੇ, ਮਾਈ-ਭਾਈ।
ਸਭਨਾਂ ਦੀ ਝੋਲੀ ਭਰ-ਭਰ ਭੇਜੇ, ਨਉ ਨਿਧ
ਨਾਮ ਪਦਾਰਥਾਂ।
ਬਾਬੇ ਨਾਨਕ ਦੇ. . .

ਜ਼ੁਲਮੀ ਬਾਬਰ ਦੇ ਨਾਲ ਬਾਬੇ ਸਿੱਧੀ ਟੱਕਰ ਲਾਈ।
ਹਾਏ-ਹਾਏ ਕਰਦੀ, ਤੜਫ ਰਹੀ ਸੀ, ਜਿਸ
ਦਮ ਕੁੱਲ ਲੋਕਾਈ।
ਰਾਜੇ, ਸੀਂਹ ਸੀ ਬਣੇ ਮੁਕੱਦਮ ਕੁੱਤੇ, ਦੁਨੀਆ
ਦੇ ਸਭ ਸੰਸਾਰਕਾਂ।
ਬਾਬੇ ਨਾਨਕ ਦੇ. . .

ਹੱਸੂ ਵਾਲੇ ਜਸਪਾਲ ਸਿੰਘ ’ਤੇ ਰਹਿਮਤ
ਬਾਬੇ ਦੀ ਭਾਰੀ।
ਗੁਰੂ ਬਾਬੇ ਦੀ ਕਿਰਪਾ ਸਦਕਾ, ਜੰਗ ਕੋਈ
ਨਹੀਂ ਹਾਰੀ।
ਚੰਗੇ ਕੰਮਾਂ ਵਿਚ ਜੋੜੇ ਸੁਰਤੀ, ਨਹੀਂ ਫੱਸਦਾ
ਵਿਚ ਵਿਭਚਾਰਕਾਂ।
ਬਾਬੇ ਨਾਨਕ ਦੇ, ਸਾਢੇ ਪੰਜ ਸੌ ਸਾਲਾ ਗੁਰਪੁਰਬ
ਦੀਆਂ,
ਸਭਨਾਂ ਸੰਗਤਾਂ ਨੂੰ, ਲੱਖ-ਲੱਖ ਹੋਣ ਮੁਬਾਰਕਾਂ