ਪੱਗ ਸਾਡੀ ਆਨ ਅਤੇ ਸ਼ਾਨ ਹੈ ਪੰਜਾਬੀਓ।
ਇਹ ਸਾਡੀ ਜਿੰਦ ਅਤੇ ਜਾਨ ਹੈ ਪੰਜਾਬੀਓ।
ਪੱਗ ਨਾਲ ਸਾਨੂੰ ਮਿਲ ਗਈਆਂ ਸਰਦਾਰੀਆਂ।
ਇਸ ਦੇ ਸਹਾਰੇ ਅਸੀਂ ਮੱਲਾਂ ਕਈ ਮਾਰੀਆਂ।
ਜੱਗ ਵਿਚ ਸਾਡੀ ਪਹਿਚਾਣ ਹੈ ਪੰਜਾਬੀਓ।
ਇਹ ਸਾਡੀ ਜਿੰਦ... ਪੀਰਾਂ ਤੇ ਫਕੀਰਾਂ ਸਰਦਾਰਾਂ ਸਿਰ ਸੱਜਦੀ।
ਸਾਰੇ ਸੰਸਾਰ ਵਿਚ ਗੱਲ ਹੁੰਦੀ ਪੱਗ ਦੀ।
ਚੜ੍ਹਦੀ ਕਲਾ ਦਾ ਨਿਸ਼ਾਨ ਹੈ ਪੰਜਾਬੀਓ।
ਇਹ ਸਾਡੀ ਜਿੰਦ... ਰਜ਼ਾ ਵਿਚ ਰਹਿਣ ਦਾ ਸਿਖਾਉਂਦੀ ਪੱਗ ਢੰਗ ਹੈ।
ਗੁਰੂਆਂ ਦੀ ਮਿਹਰ ਹੁੰਦੀ ਫਤਿਹ ਵਿਚ ਜੰਗ ਹੈ।
ਸਾਨੂੰ ਸਾਡੀ ਪੱਗ ਉੱਤੇ ਮਾਣ ਹੈ ਪੰਜਾਬੀਓ।
ਇਹ ਸਾਡੀ ਜਿੰਦ... ਪੱਗ ਸੱਜੇ ਸਿਰ ਠਾਠਾਂ ਮਾਰਦਾ ਜਲਾਲ ਹੈ।
ਸ਼ਕਤੀ ਦਾ ਰੂਪ ਇਹ ਕਰਦੀ ਕਮਾਲ ਹੈ।
ਖਿੱਚ ਲੈਂਦੀ ਸਭ ਦਾ ਧਿਆਨ ਹੈ ਪੰਜਾਬੀਓ।
ਇਹ ਸਾਡੀ ਜਿੰਦ... ਰੱਖਿਓ ਸੰਭਾਲ ਸੋਹਣੀ ਪਗੜੀ ਦੀ ਲਾਜ ਨੂੰ।
ਐਵੇਂ ਨਾ ਗਵਾਇਉ ਇਸ ਸਿਰ ਸਜੇ ਤਾਜ ਨੂੰ।
ਸਭ ਨਾਲੋਂ ਉੱਚਾ ਸਨਮਾਨ ਹੈ ਪੰਜਾਬੀਓ।
ਇਹ ਸਾਡੀ ਜਿੰਦ... ਕਹੇ ਪ੍ਰਤਾਪ ਪੱਗ ਲਗਦੀ ਪਿਆਰੀ ਹੈ।
ਸੋਹਣੇ ਰੰਗਾਂ ਨਾਲ ਸੱਜੀ ਕੌਮ ਦੀ ਕਿਆਰੀ ਹੈ।
ਸਾਡਾ ਇਹ ਵਿਰਸਾ ਮਹਾਨ ਹੈ ਪੰਜਾਬੀਓ।
ਇਹ ਸਾਡੀ ਜਿੰਦ... | 
