ਪੰਜਾਬੀ ਹੈ ਜ਼ਬਾਨ ਮੇਰੀ, ਰੂਹ ਮੇਰੀ ਜਾਨ ਮੇਰੀ।
ਉੱਚੀ ਕਰੇ ਸ਼ਾਨ ਮੇਰੀ, ਸ਼ਬਦਾਂ ਦੀ ਖਾਨ ਮੇਰੀ।
ਇਸੇ ਲਈ ਸਦਾ ਇਹਦਾ ਕਰਾਂ ਸਤਿਕਾਰ ਮੈਂ। ਦੁੱਧ ਦੀ ਮਿਠਾਸ ਇਹੋ, ਪਿਆਸੇ ਦੀ ਪਿਆਸ ਇਹੋ।
ਜਿਸਮ ’ਚ ਸਾਸ ਇਹੋ, ਜੀਵਨ ਦੀ ਆਸ ਇਹੋ।
ਧੁਰ ਅੰਦਰ ਤੋਂ ਦਿੰਦਾ ਰਹਾਂ ਇਹਨੂੰ ਪਿਆਰ ਮੈਂ। ਗੁਰੂਆਂ ਦੇ ਬੋਲ ਮਿੱਠੇ, ਸ਼ਹਿਦ ਰਹੇ ਘੋਲ ਮਿੱਠੇ।
ਭਗਤੀ ਰੰਗ ਫੋਲ ਮਿੱਠੇ, ਸ਼ਬਦਾਂ ਦੇ ਝੋਲ ਮਿੱਠੇ।
ਮਿੱਠਤ ਦੇ ਨਾਲ ਤਾਹੀਓਂ ਹੋਇਆ ਸਰਸ਼ਾਰ ਮੈਂ। ਬਜ਼ੁਰਗਾਂ ਦੇ ਵਿਹੜੇ ਵੀ, ਬੱਚਿਆਂ ਦੇ ਨੇੜੇ ਵੀ।
ਜਜ਼ਬਿਆਂ ਨੂੰ ਛੇੜੇ ਵੀ, ਪਿਆਰ ਵੀ ਤੇ ਝੇੜੇ ਵੀ।
ਦਿਲ ਧੜਕਾਏ ਮੇਰਾ ਜਾਵਾਂ ਬਲਿਹਾਰ ਮੈਂ। ਮਾਂ ਦੇ ਦੁੱਧ ਦਾ ਕਰਜ਼ ਹੈ, ਸਭ ਨੂੰ ਇਹੋ ਅਰਜ਼ ਹੈ।
ਕਰਜ਼ ਲਾਹੀਏ ਫਰਜ਼ ਹੈ, ਵੱਡੀ ਇਹੋ ਗਰਜ਼ ਹੈ।
ਜਸਵਿੰਦਰ ਸਿੰਘਾ ਕਰਜ਼ ਤਾਰਨੇ ਨੂੰ ਜਾਨ ਦੇਵਾਂ ਵਾਰ ਮੈਂ। ਪੰਜਾਬੀ ਹੈ ਜ਼ਬਾਨ ਮੇਰੀ, ਰੂਹ ਮੇਰੀ ਜਾਨ ਮੇਰੀ।
ਉੱਚੀ ਕਰੇ ਸ਼ਾਨ ਮੇਰੀ, ਸ਼ਬਦਾਂ ਦੀ ਖਾਨ ਮੇਰੀ।
ਇਸੇ ਲਈ ਸਦਾ ਇਹਦਾ ਕਰਾਂ ਸਤਿਕਾਰ ਮੈਂ। | 
