ਮੈਨੂੰ ਦੇ ਵਿੱਦਿਆ ਦਾ ਦਾਨ ਅੰਮੜੀਏ ਮੇਰੀਏ,
ਮੇਰੇ ਪੂਰੇ ਕਰ ਅਰਮਾਨ ਅੰਮੜੀਏ ਮੇਰੀਏ।

ਪੜ੍ਹ-ਲਿਖ ਕੇ ਮੈਂ ਅਫ਼ਸਰ ਅੰਮੀਏ ਬਣਨਾ ਏਂ,
ਚੰਨ-ਤਾਰਿਆਂ ਵਾਂਗੂੰ ਅੰਬਰਾਂ ਤੀਕਰ ਚੜ੍ਹਨਾ ਏਂ।

ਤੇਰੀ ਉੱਚੀ ਹੋ ਜਾਊ ਸ਼ਾਨ, ਅੰਮੜੀਏ ਮੇਰੀਏ,
ਮੈਨੂੰ ਦੇ ਵਿੱਦਿਆ ਦਾ ਦਾਨ, ਅੰਮੜੀਏ ਮੇਰੀਏ।

ਜੁਗ-ਜੁਗ ਜੀਵੇਂ ਕਰਾਂ ਤੇਰੀਆਂ ਦੁਆਵਾਂ ਮਾਂ,
ਸਦਾ ਮਹਿਕਣ ਤੇਰੇ ਵਿਹੜੇ ਦੀਆਂ ਛਾਂਵਾਂ ਮਾਂ,

ਸੱਚੀਂ ਪੁੱਛੇਂ ਤੂੰ ਮੇਰੀ ਜਾਨ, ਅੰਮੜੀਏ ਮੇਰੀਏ,
ਮੈਨੂੰ ਦੇ ਵਿੱਦਿਆ ਦਾ ਦਾਨ ਅੰਮੜੀਏ ਮੇਰੀਏ

ਬੇਸ਼ੱਕ ਮੈਨੂੰ ਦਾਜ ਨਾ ਦੇਵੀਂ,
ਅੱਖਰ ਚਾਰ ਪੜ੍ਹਾ ਦੇ ਮਾਂ,

‘ਹਰਗੋਬਿੰਦਪੁਰ’ ਵਾਲੀ ਦੇ ਵਿੱਦਿਆ ਝੋਲੀ ਪਾ ਦੇ ਮਾਂ,
‘ਕੋਮਲ’ ਪੂਜੂ ਸਮਝ ਤੈਨੂੰ ਭਗਵਾਨ,
ਅੰਮੜੀਏ ਮੇਰੀਏ।

ਮੈਨੂੰ ਦੇ ਵਿੱਦਿਆ ਦਾ ਦਾਨ ਅੰਮੜੀਏ ਮੇਰੀਏ,
ਮੇਰੇ ਪੂਰੇ ਕਰ ਅਰਮਾਨ ਅੰਮੜੀਏ ਮੇਰੀਏ।