ਕਿਉਂ ਬੰਦਿਆ ਤੂੰ ਭੁੱਲਦਾ ਜਾਨੈਂ
ਬਾਬੇ ਦਾ ਫ਼ੁਰਮਾਨ
ਸੋ ਕਿਉ ਮੰਦਾ ਆਖੀਐ
ਜਿਤੁ ਜੰਮਹਿ ਰਾਜਾਨ ਜੋ ਔਰਤ ਨੂੰ ਮੰਦਾ ਬੋਲਣ
ਗਲਤੀ ਕਰਦੇ ਭਾਰੀ
ਉਨ੍ਹਾਂ ਨੇ ਕਿਉਂ ਬਹਿਕੇ
ਕਿਧਰੇ ਇਹ ਨਾ ਗੱਲ ਵਿਚਾਰੀ
ਜਿਸਦੀ ਕੁੱਖ ’ਚੋਂ ਪੈਦਾ ਹੋਵੇ
ਉਸ ਦਾ ਕਰਨ ਅਪਮਾਨ
ਸੋ ਕਿਉ ਮੰਦਾ ਆਖੀਐ
ਜਿਤੁ ਜੰਮਹਿ ਰਾਜਾਨ ਕਦੇ ਫੋਲ ਕੇ ਦੇਖਣ ਤਾਂ ਸਈ
ਉਹ ਇਤਿਹਾਸ ਦੇ ਵਰਕੇ
ਇਸ ਨੇ ਕਿੰਨਾ ਸਾਥ ਨਿਭਾਇਆ
ਹਰ ਮੁਸ਼ਕਲ ਵਿਚ ਖੜ੍ਹਕੇ
ਲੋੜ ਪਈ ਤਾਂ ਇਸ ਤੋਂ ਵੱਧ ਕੇ
ਹੋ ਗਈ ਖ਼ੁਦ ਕੁਰਬਾਨ
ਸੋ ਕਿਉ ਮੰਦਾ ਆਖੀਐ
ਜਿਤੁ ਜੰਮਹਿ ਰਾਜਾਨ ਜਿੰਨੇ ਵੀ ਨੇ ਰਿਸ਼ਤੇ ਸਾਰੇ
ਸਿੱਦਕ ਦੇ ਨਾਲ ਨਿਭਾਏ
ਤੁਰਦਿਆਂ ਭਾਵੇਂ ਰਾਹਾਂ ਦੇ ਵਿਚ
ਕਠਿਨ ਸਮੇਂ ਸੀ ਆਏ
ਕਿੰਨੇ ਆਏ ਆ ਕੇ ਤੁਰ ਗਏ
ਜ਼ਿੰਦਗੀ ਵਿਚ ਤੂਫ਼ਾਨ
ਸੋ ਕਿਉ ਮੰਦਾ ਆਖੀਐ
ਜਿਤੁ ਜੰਮਹਿ ਰਾਜਾਨ ਜਿਹੜੇ ਲੋਕੀਂ ਆਪਣੀ ਜਣਨੀ
ਮਾਂ ਦੀ ਕਦਰ ਨਹੀਂ ਪਾਉਂਦੇ
ਆਉਣ ਵਾਲੀਆਂ ਪੀੜੀਆਂ ਕੋਲੋਂ
ਉਹ ਭਲਾ ਕੀ ਚਾਹੁੰਦੇ
ਜਿਹੋ ਜਿਹਾ ਬੀਜਣਗੇ
ਤੇਹਾ ਵੱਡਣਗੇ ਨਾਦਾਨ
ਸੋ ਕਿਉ ਮੰਦਾ ਆਖੀਐ
ਜਿਤੁ ਜੰਮਹਿ ਰਾਜਾਨ | 
