ਜੋ ਸੱਚ ਦੀ ਜੋਤ ਜਗਾਉਂਦਾ ਗਿਆ।
ਭੁੱਲਿਆਂ ਨੂੰ ਰਾਹੇ ਪਾਉਂਦਾ ਗਿਆ।
ਦੱਸੋ ਬੱਚਿਓ ਕੌਣ ਸੀ? ਉਹ ਪਾਣੀ ਸੀ ਜਾਂ ਪੌਣ ਸੀ ?
ਬਾਬਾ ਨਾਨਕ ਸੀ. . . ਉਹੋ ਬਾਬਾ ਨਾਨਕ ਸੀ। ਜਿਸ ਨੂੰ ਲੋਕੀਂ ਪੈਰ ਦੀ ਜੁੱਤੀ ਕਹਿੰਦੇ ਸੀ।
ਸੱਥਾਂ ਦੇ ਵਿਚ ਖੜ੍ਹ ਕੇ ਨਿੰਦਦੇ ਰਹਿੰਦੇ ਸੀ।
ਉਹਨੂੰ ਬਣਦਾ ਮਾਣ ਦਿਵਾਉਂਦਾ ਗਿਆ।
“ਜਿਤੁ ਜੰਮਹਿ ਰਾਜਾਨ” ਗਾਉਂਦਾ ਗਿਆ।
ਦੱਸੋ ਬੱਚਿਓ ਕੌਣ ਸੀ? ਉਹ ਪਾਣੀ ਸੀ ਜਾਂ ਪੌਣ ਸੀ ?
ਬਾਬਾ ਨਾਨਕ ਸੀ. . . ਉਹੋ ਬਾਬਾ ਨਾਨਕ ਸੀ। ਜਦ ਮਰਦਾਨਾ ਪਾਣੀ ਪੀਣ ਲਈ ਆਇਆ ਸੀ।
ਉਸ ਨੂੰ ਜ਼ਾਲਮ ਪਾਪੀ ਨੇ ਠੁਕਰਾਇਆ ਸੀ।
ਪੱਥਰਾਂ ’ਚੋਂ ਨੀਰ ਵਹਾਉਂਦਾ ਗਿਆ।
ਪਿਆਸਿਆਂ ਦੀ ਪਿਆਸ ਬੁਝਾਉਂਦਾ ਗਿਆ।
ਦੱਸੋ ਬੱਚਿਓ ਕੌਣ ਸੀ? ਉਹ ਪਾਣੀ ਸੀ ਜਾਂ ਪੌਣ ਸੀ ?
ਬਾਬਾ ਨਾਨਕ ਸੀ. . . ਉਹੋ ਬਾਬਾ ਨਾਨਕ ਸੀ। ਸੱਚੀ-ਸੁੱਚੀ ਕਿਰਤ ਦਾ ਸੁੱਚਾ ਰਾਹੀ ਸੀ।
ਜੀਹਦੇ ਚਿਹਰੇ ਉੱਪਰੋਂ ਦਿਸਦਾ ਨੂਰ ਇਲਾਹੀ ਸੀ।
ਜੋ ਤੇਰਾ-ਤੇਰਾ ਗਾਉਂਦਾ ਗਿਆ।
ਜੋ ਨੇਰ੍ਹਿਆਂ ਨੂੰ ਰੁਸ਼ਨਾਉਂਦਾ ਗਿਆ।
ਦੱਸੋ ਬੱਚਿਓ ਕੌਣ ਸੀ? ਉਹ ਪਾਣੀ ਸੀ ਜਾਂ ਪੌਣ ਸੀ ?
ਬਾਬਾ ਨਾਨਕ ਸੀ. . . ਉਹੋ ਬਾਬਾ ਨਾਨਕ ਸੀ। ਕਹਿਣੀ ਤੇ ਕਰਨੀ ਦਾ ਬਿਲਕੁਲ ਪੂਰਾ ਸੀ।
ਜਿਸਦੇ ਸਾਹਮਣੇ ਨ ਕੋਈ ਸ਼ਬਦ ਅਧੂਰਾ ਸੀ।
ਬਾਬਰ ਨਾਲ ਮੱਥਾ ਲਾਉਂਦਾ ਗਿਆ।
ਮੂੰਹ ’ਤੇ ਸੱਚ ਸੁਣਾਉਂਦਾ ਗਿਆ।
ਦੱਸੋ ਬੱਚਿਓ ਕੌਣ ਸੀ? ਉਹ ਪਾਣੀ ਸੀ ਜਾਂ ਪੌਣ ਸੀ ?
ਬਾਬਾ ਨਾਨਕ ਸੀ. . . ਉਹੋ ਬਾਬਾ ਨਾਨਕ ਸੀ। | 
