ਸਾਰੇ ਧਰਮਾਂ ਦਾ ਲੰਗਰ ਇਹ ਹੈ ਸਾਂਝਾ ਗਰੀਬ ਗੁਰਬੇ ਦੇ ਖਿੜਦੇ ਹੈਨ ਖੇੜੇ।
ਸੱਤਾ ਅਤੇ ਬਲਵੰਡ ਅਲਾਪਦੇ ਨੇ ਮਾਤਾ ਖੀਵੀ ਜੀ ਕੀਤੇ ਉਪਕਾਰ ਜਿਹੜੇ।
ਸੁਮੇਰ ਪਰਬਤ ਵਾਂਗਰ ਉੱਚੀ ਸੁਰਤਿ ਵਿਚ ਗੁਰਮਤਿ ਦੇ ਅੱਖਰ ਤਿਆਰ ਕੀਤੇ।
ਚੌਦਾਂ ਰਤਨਾਂ ਦੇ ਵਿੱਚੋਂ ਇਹ ਹੈਨ ਵੱਡੇ, ਨਾਲ ਸੰਗਤਾਂ ਗੁਰਾਂ ਵਿਚਾਰ ਕੀਤੇ।
ਸਿੱਖ ਧਰਮ ਦਾ ਜੀਵਨ ਜੁਗਤ ਵੱਖਰਾ ਘੋਖ ਕਰੋ ਤੇ ਹੋਣਗੇ ਪਾਰ ਬੇੜੇ।... ਸਦਾਚਾਰ ਰਹੋ ਗੁਰੂ ਦੀ ਹੋਊ ਕਿਰਪਾ, ਮਾਤਾ ਖੀਵੀ ਜੀ ਮੁੱਖੋਂ ਫਰਮਾਂਵਦੇ ਨੇ।
ਰੱਬੀ ਨੂਰ ਦੀਆਂ ਡਲਕਾਂ ਹੋਣ ਪ੍ਰਗਟ, ਸਿੱਧੇ ਵਿਚ ਬੈਕੁੰਠ ਦੇ ਜਾਣਦੇ ਨੇ।
ਮਨ ਨੀਵਾਂ ਤੇ ਜਿਸ ਦੀ ਮੱਤ ਉੱਚੀ, ਦੈਵੀ ਗੁਣ ਨੇ ਆਂਵਦੇ ਉਸ ਵਿਹੜੇ।... ਮਾਤਾ ਖੀਵੀ ਦੀ ਸਫਲੀ ਕੁੱਖ ਹੋਈ, ਬੀਬੀ ਅਮਰੋ ਨੂੰ ਗੁਰ-ਗਿਆਨ ਹੋਇਆ।
ਬਾਣੀ ਅਮਰੋ ਤੋਂ ਅਮਰਦਾਸ ਸੁਣ ਕੇ, ਬਿਰਧ ਅਵਸਥਾ ਦੇ ਵਿਚ ਜਵਾਨ ਹੋਇਆ।
ਨਾਲ ਲੈ ਉਨ੍ਹਾਂ ਨੂੰ ਆਪ ਆਈ, ਕੁੜਮਾਚਾਰੀ ਦੇ ਉਸ ਮੁਕਾਏ ਝੇੜੇ।... ਸੇਵਾਦਾਰ ਬਣ ਕੇ ਸੇਵਾ ਕਰਨ ਲੱਗੇ, ਕਠਨ ਸੇਵਾ ਦੀ ਗਿਣਤੀ ਨਾ ਗਿਣੀ ਜਾਵੇ।
ਸੂਰਜ ਚੰਦ ਦੀਆਂ ਕਿਰਨਾਂ ਨਾ ਜਾਣ ਗਿਣੀਆਂ, ਏਦਾਂ ਸੇਵਾ ਦੀ ਮਿਣਤੀ ਨਾ ਮਿਣੀ ਜਾਵੇ।
ਕੁਲ ਭੱਲਿਆਂ ਦੀ ਵੇਖੋ ਸਿਰਮੌਰ ਹੋਈ, ਜਨਮ ਮਰਨ ਦੇ ਕੱਟਦੀ ਇਹ ਗੇੜੇ।... ਹਰ ਵੇਲੇ ਰਸੋਈ ਤਿਆਰ ਹੁੰਦੀ, ਭਾਂਤ-ਭਾਂਤ ਦੇ ਖਾਣੇ ਬਣਾਵਦੇਂ ਨੇ।
ਖੀਰ ਲੰਗਰ ਦੇ ਵਿਚ ਜ਼ਰੂਰ ਬਣਦੀ, ਦੇਸੀ ਘਿਓ ਪਾ ਆਪ ਵਰਤਾਂਵਦੇ ਨੇ।
ਸ਼ਕਰਪਾਰੇ ਤੇ ਕਦੇ ਜਲੇਬੀਆਂ ਨੇ, ਸੰਗਤਾਂ ਵਾਸਤੇ ਕਦੇ ਬਣਦੇ ਨੇ ਪੇੜੇ।... ਮਿੱਠ ਬੋਲੜੇ ਨਿੱਘੇ ਸੁਭਾਅ ਵਾਲੀ, ਰਬਾਬੀ ਆਪ ਦੀ ਤੁਲਣਾ ਤੋਲਦੇ ਨੇ।
ਬਹੁਤੇ ਪੱਤਰਾਂ ਵਾਲੀ ਛਾਂ ਦੇ ਨਾਂ, ਭੇਤ ਬਾਣੀ ਵਿਚ ਇਸ ਤਰ੍ਹਾਂ ਖੋਲਦੇ ਨੇ।
ਰਾਮਕਲੀ ਦੀ ਵਾਰ ਬਿਆਨ ਕਰਦੀ, ਬੂਹੇ ਸਵਰਗਾਂ ਦੇ ਖੁੱਲਦੇ ਜੋ ਤੇੜੇ।... ਸੋਲਾਂ ਸੌ ਉਨਤਾਲੀ ਬਿਕਰਮੀ ਨੂੰ, ਸੱਚਖੰਡ ਦੇ ਵੱਲ ਤਿਆਰ ਹੋਏ।
ਅੱਸੀ ਸਾਲ ਦੀ ਆਰਜਾ ਭੋਗ ਕੇ, ਤੇ ਸੁੰਦਰ ਵਿਚ ਬਿਬਾਣ ਅਸਵਾਰ ਹੋਏ।
ਯਾਦਾਂ ਛੱਡ ਗਏ ਗਿਣਤੀ ਨਾ ਗਿਣੀ ਜਾਵੇ, ‘ਭੌਰਾ’ ਗਏ ਚੁਰਾਸੀ ਦੇ ਕੱਟ ਗੇੜੇ।
ਸੱਤਾ ਅਤੇ ਬਲਵੰਡ ਅਲਾਪਦੇ ਨੇ ਮਾਤਾ ਖੀਵੀ ਜੀ ਕੀਤੇ ਉਪਕਾਰ ਜਿਹੜੇ। | 
