ਮਾਤਾ ਭਾਨੀ ਜੀ ਸਿਦਕ ਦਾ
ਪਾਠ ਤੂੰ ਪੜਾਇਆ
ਪਾਵੇ ਹੇਠਾਂ ਹੱਥ ਧਰ ਕੇ
ਪਹਿਲਾਂ ਆਪਣਾ ਸਿਰੜ ਅਜ਼ਮਾਇਆ
ਮਾਤਾ ਭਾਨੀ ਜੀ ਸਿਦਕ ਦਾ
ਪਾਠ ਤੂੰ ਪੜ੍ਹਾਇਆ ਕਦਰਾਂ ਤੇ ਕੀਮਤਾਂ, ਜੋ
ਮਾਂਵਾਂ ਨੇ ਸਿਖਾਉਂਦੀਆਂ
ਪਰਖਾਂ ਦੇ ਮੌਕੇ ਉਹ
ਹਮੇਸ਼ਾਂ ਕੰਮ ਆਉਂਦੀਆਂ
ਦੁੱਖ ਫੇਰ ਦੁੱਖ ਨਾ ਲੱਗੇ, ਜਦੋਂ
ਬਣ ਜਾਂਦੀਆਂ ਨੇ ਸਰਮਾਇਆ
ਮਾਤਾ ਭਾਨੀ ਜੀ ਸਿਦਕ ਦਾ
ਪਾਠ ਤੂੰ ਪੜ੍ਹਾਇਆ ਤਿਆਗ ਦਾ ਜੋ ਪਾਠ, ਪਾਠ
ਮਾਂਵਾਂ ਨੇ ਸਿਖਾਉਂਦੀਆਂ
ਅਣਖ ਦੀ ਜੋਤ, ਜੋਤ
ਦਿਲਾਂ ’ਚ ਜਗਾਉਂਦੀਆਂ
ਉਹੀ ਜੋਤ ਅਮਰ ਰਹੇ, ਹੁੰਦਾ
ਜਿਸਨੇ ਚੁਫੇਰਾ ਰੁਸ਼ਨਾਇਆ।
ਮਾਤਾ ਭਾਨੀ ਜੀ ਸਿਦਕ ਦਾ
ਪਾਠ ਤੂੰ ਪੜ੍ਹਾਇਆ ਲਾਲਚਾਂ ਨੂੰ ਛੱਡ ਕੇ
ਤਖਤ ਤੇ ਤਾਜ ਨੂੰ
ਦੱਸਦੀਆਂ ਸੁਣਨਾ
ਜ਼ਮੀਰ ਦੀ ਆਵਾਜ਼ ਨੂੰ
ਉਹੀ ਇਤਿਹਾਸ ਬਣਦਾ, ਹੁੰਦਾ
ਲਾਲਚਾਂ ਨੂੰ ਜੀਹਨੇ ਠੁਕਰਾਇਆ
ਮਾਤਾ ਭਾਨੀ ਜੀ ਸਿਦਕ ਦਾ
ਪਾਠ ਤੂੰ ਪੜ੍ਹਾਇਆ ਤੱਤੀ ਤੱਤੀ ਰੇਤ ਵੀ ਹੈ
ਠੰਢੀ ਠੰਢੀ ਲਗਦੀ
ਭਾਵੇਂ ਤਵੀ ਹੇਠ ਅੱਗ
ਪਾਪਾਂ ਦੀ ਹੈ ਦਗਦੀ
ਪਾਪਾਂ ਅਤੇ ਕਪਟਾਂ ਦੇ ਨਾਲ, ਕਦੇ
ਜਾਂਦਾ ਨਹੀਉਂ ਰੁਤਬਾ ਘਟਾਇਆ
ਮਾਤਾ ਭਾਨੀ ਜੀ ਸਿਦਕ ਦਾ
ਪਾਠ ਤੂੰ ਪੜ੍ਹਾਇਆ | 
