ਸੇਵਾ ਜਿੰਦੜੀਏ ਸੌਖੀ ਨਹੀਂ ਕਮਾਉਣੀ
ਪੈਂਦੀ ਹੈ ਮੈਂ ਸਾਰੀ ਅੰਦਰੋ ਮੁਕਾਉਣੀ

ਸਬਰ ਅਤੇ ਸੰਤੋਖ ਜ਼ਰੂਰੀ
ਇਸ ਦੇ ਬਾਝ ਨਾ ਪੈਂਦੀ ਪੂਰੀ
ਪੈਂਦੀ ਨਿਮਰਤਾ ਬੋਲਾਂ ’ਚ ਲਿਆਉਣੀ
ਸੇਵਾ ਜਿੰਦੜੀਏ ਸੌਖੀ ਨਹੀਂ ਕਮਾਉਣੀ

ਇਸ ਲਈ ਦੁਖ ਵੀ ਸਹਿਣਾ ਹੈ ਪੈਂਦਾ
ਕੰਡਿਆਂ ’ਤੇ ਵੀ ਪੈਣਾ ਹੈ ਪੈਂਦਾ
ਪੈਂਦੀ ਜ਼ਮੀਰ ਏਨੀ ਅੰਦਰੋਂ ਜਗਾਉਣੀ
ਸੇਵਾ ਜਿੰਦੜੀਏ ਸੌਖੀ ਨਹੀਂ ਕਮਾਉਣੀ

ਚਾਹੀਦਾ ਵਿਸ਼ਵਾਸ ਦਾ ਹੋਣਾ
ਪੈਂਦਾ ਹੈ ਮਨ ਨੂੰ ਬਹੁਤ ਟਿਕਾਉਣਾ
ਸ਼ਰਧਾ ਪੈਂਦੀ ਹੈ ਧੁਰ ਅੰਦਰੋਂ ਜਗਾਉਣੀ
ਸੇਵਾ ਜਿੰਦੜੀਏ ਸੌਖੀ ਨਹੀਂ ਕਮਾਉਣੀ

ਸੇਵਾ ਦੇ ਨਾਲੋਂ ਅਹੁਦੇਦਾਰੀ
ਲਗਦੀ ਜਿਸ ਨੂੰ ਬਹੁਤ ਪਿਆਰੀ
ਕੀ ਵਫਾ ਉਹਨੇ ਨਾਲ ਨਿਭਾਉਣੀ
ਸੇਵਾ ਜਿੰਦੜੀਏ ਸੌਖੀ ਨਹੀਂ ਕਮਾਉਣੀ