ਆਪਾਂ ਸਿਰ ’ਤੇ ਸਜਾਈ ਦਸਤਾਰ ਖਾਲਸਾ।
ਤਾਂ ਹੀ ਲੋਕ ਸਾਨੂੰ ਕਹਿੰਦੇ ਸਰਦਾਰ ਖਾਲਸਾ। ਪੰਜਾਂ ਪਿਆਰਿਆਂ ਨੂੰ ਗੁਰਾਂ ਅੰਮ੍ਰਿਤ ਸੀ ਛਕਾਇਆ।
ਇਕ ਵੱਖਰਾ ਤੇ ਸ਼ੇਰਾਂ ਜਿਹਾ ਖਾਲਸਾ ਸਜਾਇਆ। ਕੀਤਾ ਸਾਡੇ ਉੱਤੇ ਬੜਾ ਉਪਕਾਰ ਖਾਲਸਾ।
ਆਪਾ ਸਿਰ ’ਤੇ ਸਜਾਈ ਦਸਤਾਰ ਖਾਲਸਾ।
ਤਾਂ ਹੀ ਲੋਕ ਸਾਨੂੰ ਕਹਿੰਦੇ ਸਰਦਾਰ ਖਾਲਸਾ। ਸਾਡੀ ਪੱਗ ਹੈ ਇਹ ਸਿੱਖੀ ਵਾਲੀ ਆਨ ਬਾਨ ਸ਼ਾਨ।
ਏਸ ਗੱਲ ਤਾਈਂ ਮੰਨਦਾ ਹੈ ਸਾਰਾ ਹੀ ਜਹਾਨ। ਇਹ ਹੈ ਸਿੱਖੀ ਦੇ ਸਰੂਪ ਦਾ ਸ਼ਿੰਗਾਰ ਖਾਲਸਾ।
ਆਪਾਂ ਸਿਰ ’ਤੇ ਸਜਾਈ ਦਸਤਾਰ ਖਾਲਸਾ।
ਤਾਂ ਹੀ ਲੋਕ ਸਾਨੂੰ ਕਹਿੰਦੇ ਸਰਦਾਰ ਖਾਲਸਾ। ਸਾਰੇ ਜਗ ਵਿਚ ਸਾਡੀ ਹੈ ਅਲਗ ਪਹਿਚਾਨ।
ਸਾਡੀ ਵੱਖਰੀ ਹੈ ਆਨ ਸਾਡੀ ਵੱਖਰੀ ਹੈ ਸ਼ਾਨ। ਸਾਡਾ ਉੱਚਾ ਅਤੇ ਸੁੱਚਾ ਕਿਰਦਾਰ ਖਾਲਸਾ।
ਆਪਾਂ ਸਿਰ ’ਤੇ ਸਜਾਈ ਦਸਤਾਰ ਖਾਲਸਾ।
ਤਾਂ ਹੀ ਲੋਕ ਸਾਨੂੰ ਕਹਿੰਦੇ ਸਰਦਾਰ ਖਾਲਸਾ। ਆਪਾਂ ਸਿੱਖਿਆ ਹੈ ਸਦਾ ਮਰਯਾਦਾ ਵਿਚ ਰਹਿਣਾ।
ਕਦੇ ਬੋਲਣਾ ਨਾ ਝੂਠ ਅਤੇ ਸਦਾ ਸੱਚ ਕਹਿਣਾ। ਏਸੇ ਕਰਕੇ ਹਾਂ ਪਾਉਂਦੇ ਸਤਿਕਾਰ ਖਾਲਸਾ।
ਆਪਾਂ ਸਿਰ ’ਤੇ ਸਜਾਈ ਦਸਤਾਰ ਖਾਲਸਾ।
ਤਾਂ ਹੀ ਲੋਕ ਸਾਨੂੰ ਕਹਿੰਦੇ ਸਰਦਾਰ ਖਾਲਸਾ। ਅਸੀਂ ਖਾਲਸੇ ਹਾਂ ਖਾਲਸੇ ਦੀ ਇੱਜ਼ਤ ਵਧਾਈਏ।
ਜ਼ਾਤ ਪਾਤ ਰੂਪੀ ਜਾਲ ਵਿੱਚੋਂ ਬਾਹਰ ਨਿਕਲ ਆਈਏ। ਫੇਰ ਹਰ ਪਾਸੇ ਹੋਊ ਜੈ ਜੈਕਾਰ ਖਾਲਸਾ।
ਆਪਾਂ ਸਿਰ ’ਤੇ ਸਜਾਈ ਦਸਤਾਰ ਖਾਲਸਾ।
ਤਾਂ ਹੀ ਲੋਕ ਸਾਨੂੰ ਕਹਿੰਦੇ ਸਰਦਾਰ ਖਾਲਸਾ। | 
