ਦਿਲ 'ਚ ਸੱਚਾਈ ਹੋਵੇ, ਹੱਕ ਦੀ ਕਮਾਈ ਹੋਵੇ।
ਹਮੇਸ਼ਾਂ ਪੂਰਾ ਤੋਲ ਹੋਵੇ, ਮਿੱਠਾ ਸਦਾ ਬੋਲ ਹੋਵੇ।
ਇੱਕ ’ਤੇ ਵਿਸ਼ਵਾਸ ਹੋਵੇ, ਪੂਰੀ ਸ਼ੁੱਭ ਆਸ ਹੋਵੇ।
ਜੀਆਂ 'ਤੇ ਦਇਆ ਹੋਵੇ, ਮਨੁੱਖਤਾ ਲਈ ਪ੍ਰੇਮ ਹੋਵੇ।
ਸਾਤਵਿਕ ਭੋਜਨ ਹੋਵੇ, ਨਸ਼ਿਆਂ ਤੋਂ ਪ੍ਰਹੇਜ਼ ਹੋਵੇ।
ਅੰਦਰ ਸਾਡੇ ਜੋਸ਼ ਹੋਵੇ, ਪਰ ਜੋਸ਼ ਵਿਚ ਵੀ ਹੋਸ਼ ਹੋਵੇ।
ਆਲਸ ਦਾ ਤਿਆਗ ਹੋਵੇ, ਕਰਮ ਤੇ ਪੁਰਸ਼ਾਰਥ ਹੋਵੇ।
ਅੰਬਰ ਤਕ ਸੰਚਾਰ ਹੋਵੇ, ਮਾਤ ਭੂਮੀ ਨਾਲ ਪਿਆਰ ਹੋਵੇ।
ਮਾਂ ਬੋਲੀ ਦਾ ਸਤਿਕਾਰ ਹੋਵੇ, ਕਿਸੇ (ਬੋਲੀ) ਦਾ ਨਾ ਤ੍ਰਿਸਕਾਰ ਹੋਵੇ।
ਮੱਤ ਵਿਚ ਪ੍ਰਗਾਸ ਹੋਵੇ, ਦੁਰਮਤ ਦਾ ਨਾਸ਼ ਹੋਵੇ।
ਇੱਛਾਵਾਂ ਦਾ ਦਮਨ ਹੋਵੇ, ਗੁਰੂ ਚਰਨਾਂ 'ਚ ਨਮਨ ਹੋਵੇ।
ਜੀਵਨ ਵਿਚ ਸ਼ਾਂਤੀ ਹੋਵੇ, ਮਨ ਵਿਚ ਨ ਕੋਈ ਭਾਂਤੀ ਹੋਵੇ।
ਗੁਰਬਾਣੀ ਦੀ ਟੇਕ ਹੋਵੇ, ਹਰ ਪਾਸੇ ਰੱਬ ਦੇਖ ਹੋਵੇ।
ਵਿਵੇਕਸ਼ੀਲ ਬੁੱਧ ਹੋਵੇ, ਅੰਤਰ ਮਨ ਸਾਡਾ ਸ਼ੁੱਧ ਹੋਵੇ।
ਜੀਵਨ ਵਿਚ ਸਦਾਚਾਰ ਹੋਵੇ, ਉੱਚਾ-ਸੁੱਚਾ ਸਾਡਾ ਕਿਰਦਾਰ ਹੋਵੇ।
ਹਰ ਦਿਨ ਮੁਬਾਰਕ ਹੋਵੇ, ਦਿਲ ਰੰਗਿਆ ਕਰਤਾਰ ਹੋਵੇ।