ਗਗਨ ਦਮਾਮਾ ਬਾਜਿਓ ਪਰਿਓ ਨੀਸਾਨੈ ਘਾਉ॥
ਖੇਤੁ ਜੁ ਮਾਂਡਿਓ ਸੂਰਮਾ ਅਬ ਜੂਝਨ ਕੋ ਦਾਉ॥1॥
ਸੂਰਾ ਸੋ ਪਹਿਚਾਨੀਐ ਜੁ ਲਰੈ ਦੀਨ ਕੇ ਹੇਤ॥
ਪੁਰਜਾ ਪੁਰਜਾ ਕਟਿ ਮਰੈ ਕਬਹੂ ਨ ਛਾਡੈ ਖੇਤੁ॥2॥2॥ (ਸ੍ਰੀ ਗੁਰੂ ਗ੍ਰੰਥ ਸਾਹਿਬ, 1105)

ਜੱਦੀ ਪਿੰਡ: ਭੂਰਾ ਕੋਹਨਾਂ (ਪੁਰਾਣੇ ਭੂਰੇ) ਅੰਮ੍ਰਿਤਸਰ/ਤਰਨ ਤਾਰਨ। ਮਾਪੇ: ਪਿਤਾ ਸੰਤ ਕਰਤਾਰ ਸਿੰਘ ਜੀ ਖਾਲਸਾ ਭਿੰਡਰਾਂਵਾਲੇ ਤੇ ਮਾਤਾ ਬੀਬੀ ਨਿਰੰਜਨ ਕੌਰ ਜੀ। ਛੋਟਾ ਵੀਰ: ਭਾਈ ਮਨਜੀਤ ਸਿੰਘ ਜੀ ਜਨਮ ਤਾਰੀਖ:06 ਮਾਰਚ ਸੰਨ 1953 ਈ: ਜਨਮ ਭੋਂ: ਭੈਣੀ ਮੱਸਾ ਸਿੰਘ ਨਾਨਕੇ ਪਿੰਡ। ਭਾਈ ਹਰਭਜਨ ਸਿੰਘ ਉਰਫ ਭਾਈ ਅਮਰੀਕ ਸਿੰਘ ਜੀ। ਸਕੂਲੀ ਵਿੱਦਿਆ: ਅੱਠਵੀਂ ਸਰਕਾਰੀ ਮਿਡਲ ਸਕੂਲ ਭੂਰਾ ਕੋਹਨਾਂ। ਪਿਤਾ ਜੀ ਨੇ ਜਥੇ ਵਿਚ ਭਰਤੀ ਕਰਵਾਇਆ ਜਥਾ ਭਿੰਡਰਾਂ ਵਿਖੇ ਇੱਕ ਵਰ੍ਹਾ ਰਹਿ ਕੇ ਖੰਡੇ ਬਾਟੇ ਦਾ ਅੰਮ੍ਰਿਤ ਛਕਿਆ, ਪੰਜਾਂ ਬਾਣੀਆਂ ਦਾ ਨਿਤਨੇਮ ਆਦਿਕ ਜ਼ਬਾਨੀ ਕੰਠ ਕੀਤਾ, ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਦੀ ਅਰੰਭ ਤੋਂ ਲੈ ਕੇ ਅਖੀਰ ਤੱਕ ਪੂਰੀ ਸੰਥਾ ਤੇ ਗੁਰਮਤ ਰਹਿਣੀ ਦੀ ਸਿੱਖਿਆ ਹਾਸਲ ਕੀਤੀ। ਉੱਚ ਵਿੱਦਿਆ ਪਹਿਲੇ ਦਰਜੇ ਵਿੱਚ:-ਦਸਵੀਂ: ਸਰਕਾਰੀ ਹਾਈ ਸਕੂਲ ਖੇਮਕਰਨ ਤੋਂ। ਪ੍ਰੈੱਪ: ਸਰਕਾਰੀ ਹਾਈ ਸਕੂਲ ਪੱਟੀ ਤੋਂ। ਐਮ.ਏ. ਪੰਜਾਬੀ: ਖਾਲਸਾ ਕਾਲਜ ਅੰਮ੍ਰਿਤਸਰੋਂ। ਧਰਮ ਭੈਣ: 1. ਬੀਬੀ ਜੀਤੋ (ਅਜੀਤ ਕੌਰ), 2. ਬੀਬੀ ਪੰਮੀ (ਪਰਮਜੀਤ ਕੌਰ) ਸਵਰਗੀ ਮੇਰੀ ਜੀਵਨ ਸੰਗਨੀ।ਚੰਗੇ ਗੁਣ: ਵੰਡ ਛਕਣਾ, ਮੇਰ ਤੇਰ ਤੋਂ ਰਹਿਤ, ਪਰਉਪਕਾਰੀ ਤੇ ਮਿਲਾਪੜਾ ਸੁਭਾ, ਪੰਥ ਦੀ ਚੜ੍ਹਦੀ ਕਲਾ ਲਈ ਯਤਨਸ਼ੀਲ ਰਹਿਣਾ ਆਦਿਕ। ਸੰਗਠਨ: ਨੌਜਵਾਨ ਸਭਾ ਭੂਰਾ ਕੋਹਨਾਂ, ਬੁਰਾਈਆਂ ਤੇ ਨਸ਼ਿਆਂ ਤੋਂ ਤਿਆਗ ਦੀ ਪ੍ਰੇਰਨਾ। ਜੀਵਨ ਸੰਗਨੀ: ਬੀਬੀ ਮਹਿੰਦਰ ਕੌਰ ਉਰਫ ਹਰਮੀਤ ਕੌਰ ਜੀ। ਸੰਤਾਨ: ਬੀਬੀ ਸਤਵੰਤ ਕੌਰ ਗੋਗੀ, ਬੀਬੀ ਪਰਮਜੀਤ ਕੌਰ ਪੰਮੀ, ਭਾਈ ਤਰਲੋਚਨ ਸਿੰਘ ਜੀ। ਪੋਤਰਾ: ਭਾਈ ਜੁਝਾਰ ਸਿੰਘ ਤੇ ਭਾਈ ਤੇਜਬੀਰ ਸਿੰਘ। ਪੰਥਕ ਕਾਰਜ: ਗੁਰਸਿੱਖੀ ਨੂੰ ਪ੍ਰਫੁਲਤ ਕਰਨ ਹੇਤ ਨੌਜਵਾਨੀ ਨੂੰ ਅੰਮ੍ਰਿਤਧਾਰੀ ਹੋਣ ਲਈ ਪ੍ਰੇਰਿਆ। ਸ਼ੌਂਕ: ਹੋ ਚੁੱਕੇ ਸੰਸਾਰ ਪ੍ਰਸਿੱਧ ਵਿਅਕਤੀਆਂ ਦੀਆਂ ਜੀਵਨੀਆਂ ਪੜ੍ਹਨੀਆਂ। ਫੁਰਨਾ: ਪੰਜਾਬੀ ਪ੍ਰੋਫੈਸਰ ਲੱਗ ਕੇ ਵਿਦਿਆਰਥੀਆਂ ਨੂੰ ਪੰਜਾਬੀ ਭਾਸ਼ਾ ਸਬੰਧੀ ਵੱਧ ਤੋਂ ਵੱਧ ਜਾਣਕਾਰੀ ਦੇਣੀ। ਭਿੰਡਰਾਂਵਾਲੇ ਜਥੇ ਵਿਚ ਪੱਕੇ ਤੌਰ ’ਤੇ ਭਰਤੀ ਹੋਣਾ: ਆਪਣੇ ਸਤਿਕਾਰ ਯੋਗ ਪਿਤਾ ਪੰਥ ਦੀ ਮਹਾਨ ਹਸਤੀ ਦੇ ਸੱਚਖੰਡ ਗਮਨ ਉਪਰੰਤ ਆਪ ਜੀ ਨੇ ਸੰਤ ਜਰਨੈਲ ਸਿੰਘ ਜੀ ਦੇ ਨਾਲ ਮੋਢੇ ਨਾਲ ਮੋਢਾ ਲਾ ਕੇ ਉਹਨਾਂ ਦਾ ਪੂਰਨ ਸਾਥ ਦਿੱਤਾ ਤੇ ਉਨ੍ਹਾਂ ਦੇ ਹਰ ਹੁਕਮ ਦੀ ਪਾਲਣਾ ਕੀਤੀ। ਪ੍ਰਧਾਨ: ਆਲ ਇੰਡੀਆ ਸਿੱਖ ਸਟੂਡੈਂਟਸ ਫੈਡਰੇਸ਼ਨ 02 ਜੁਲਾਈ ਸੰਨ 1978 ਈਸਵੀ ਤੋਂ ਅੰਤਮ ਸਵਾਸਾਂ ਤਕ। ਸਿੰਘਾਂ ਉੱਤੇ ਤਸ਼ੱਦਦ: ਪੁਲਿਸ ਵੱਲੋਂ ਝੂਠੇ ਪੁਲਿਸ ਮੁਕਾਬਲੇ ਬਣਾ ਕੇ ਸਿੰਘਾਂ ਨੂੰ ਸ਼ਹੀਦ ਕਰਨਾ ਸ਼ੁਰੂ ਕਰ ਦਿੱਤਾ ਗਿਆ ਤੇ ਕਈਆਂ ਨੂੰ ਜੇਲਾਂ ਵਿਚ ਡੱਕ ਦਿੱਤਾ ਗਿਆ। 19 ਜੁਲਾਈ ਸੰਨ 1982 ਈਸਵੀ ਨੂੰ ਸਿੰਘਾਂ ਦੀ ਪੈਰਵੀ ਕਰਨ ਹੇਤ ਭਾਈ ਅਮਰੀਕ ਸਿੰਘ ਜੀ ਤੇ ਬਾਬਾ ਥਾਰਾ ਸਿੰਘ ਜੀ ਥਾਣੇ ਗਏ ਤਾਂ ਉਨ੍ਹਾਂ ਨੂੰ ਵੀ ਗ੍ਰਿਫਤਾਰ ਕਰ ਲਿਆ ਗਿਆ। ਧਰਮ ਯੁੱਧ ਮੋਰਚਾ ਆਰੰਭ: ਸੰਤ ਜਰਨੈਲ ਸਿੰਘ ਜੀ ਨੇ 19 ਜੁਲਾਈ ਤੋਂ ਹੀ ਸ੍ਰੀ ਅਕਾਲ ਤਖਤ ਸਾਹਿਬ ਵਿਖੇ ਅਰਦਾਸ ਕਰ ਕੇ ਧਰਮ ਯੁੱਧ ਮੋਰਚੇ ਦਾ ਐਲਾਨ ਕਰ ਦਿੱਤਾ ਅਤੇ ਗੁਰਦੁਆਰਾ ਦੀਵਾਨ ਹਾਲ ਮੰਜੀ ਸਾਹਿਬ ਤੋਂ ਹਰ ਰੋਜ ਜਥੇ ਭੇਜੇ ਜਾਣ ਲੱਗੇ। ਇਸ ਤੋਂ ਉਪਰੰਤ ਸ਼ੋ੍ਰਮਣੀ ਅਕਾਲੀ ਦਲ ਨੇ ਇਸ ਮੋਰਚੇ ਨੂੰ ਅਪਣਾਅ ਲਿਆ ਤੇ ਮੋਰਚਾ ਚੜਦੀਆਂ ਕਲਾਂ ਵਿਚ ਨਿਰੰਤਰ ਜਾਰੀ ਰਿਹਾ। ਜੇਲ ਯਾਤਰਾ: 19 ਜੁਲਾਈ ਸੰਨ 1982 ਤੋਂ ਲੈ ਕੇ 14 ਅਗਸਤ 1983 ਈਸਵੀ ਤਕ ਭਾਈ ਅਮਰੀਕ ਸਿੰਘ ਜੀ ਅਤੇ ਬਾਬਾ ਥਾਰਾ ਸਿੰਘ ਜੀ ਗੁਰਦਾਸਪੁਰ ਜੇਲ੍ਹ ਵਿਚ ਰਹੇ। ਧਾਰਮਿਕ ਅਸਥਾਨ ਉਸਾਰੇ: ਬਾਬਾ ਥਾਰਾ ਸਿੰਘ ਜੀ ਨਾਲ ਮਿਲ ਕੇ ਗੁਰਦਾਸਪੁਰ ਜੇਲ੍ਹ ਵਿਚ ਗੁਰਦੁਆਰਾ ਸਾਹਿਬ ਅਤੇ ਮੰਦਰ ਦੀ ਉਸਾਰੀ ਕਰਵਾਈ। ਮਾਰਗ-ਦਰਸ਼ਕ: ਸੰਤ ਕਰਤਾਰ ਸਿੰਘ ਜੀ ਬਰਿਆਰਾਂ ਵਾਲਿਆਂ, ਬਾਬਾ ਤਾਰਾ ਸਿੰਘ ਸਰਹਾਲੀ ਵਾਲੇ ਅਤੇ ਸੰਤ ਹਰਨਾਮ ਸਿੰਘ ਜੀ ਰਾਮਪੁਰ ਖੇੜੇ ਵਾਲੇ। ਸ਼ਹੀਦੀ: 6 ਜੂਨ 1984 ਈਸਵੀ ਨੂੰ ਸ੍ਰੀ ਦਰਬਾਰ ਸਾਹਿਬ ’ਤੇ ਹੋਏ ਫੌਜੀ ਹਮਲੇ ਦੌਰਾਨ ਸੰਤ ਜਰਨੈਲ ਸਿੰਘ ਜੀ ਖਾਲਸਾ ਭਿੰਡਰਾਂ ਵਾਲਿਆਂ ਦੀ ਸੁਚੱਜੀ ਅਗਵਾਈ ਵਿਚ ਜਨਰਲ ਸੁਬੇਗ ਸਿੰਘ ਜੀ, ਬਾਬਾ ਥਾਰਾ ਸਿੰਘ ਜੀ, ਭਾਈ ਰਸ਼ਪਾਲ ਸਿੰਘ ਜੀ ਪੀ.ਏ. ਅਤੇ ਬੇਅੰਤ ਸਿੰਘਾਂ ਸਿੰਘਣੀਆਂ, ਬੱਚੇ ਬੱਚੀਆਂ ਸਮੇਤ ਆਪ ਜੀ ਨੇ ਬੜੀ ਬਹਾਦੁਰੀ ਦੇ ਨਾਲ ਸ਼ਹੀਦੀ ਜਾਮ ਪੀਤਾ ਪੰਥ ਵੱਲੋਂ ਆਪ ਜੀ ਨੂੰ “ਅਮਰ ਸ਼ਹੀਦ” ਦਾ ਖਿਤਾਬ ਬਖਸ਼ਿਆ ਗਿਆ। ਉਨ੍ਹਾਂ ਦੀ ਕੀਤੀ ਕੁਰਬਾਨੀ ਰਹਿੰਦੀ ਦੁਨੀਆ ਤਕ ਕਾਇਮ ਰਹੇਗੀ। ਇਨ੍ਹਾਂ ਸਭਨਾਂ ਮਾਰਜੀਵੜਿਆਂ ਨੂੰ ਕੋਟੀ ਕੋਟੀ ਪ੍ਰਣਾਮ।

ਮੇਰੇ ਪਿਤਾ:
ਭਾਈ ਇੰਦਰ ਸਿੰਘ ਜੀ ਸ਼ਹੀਦ

ਕਬੀਰ ਮੁਹਿ ਮਰਨੇ ਕਾ ਚਾਉ ਹੈ ਮਰਉ ਤ ਹਰਿ ਕੈ ਦੁਆਰ॥
ਮਤ ਹਰਿ ਪੂਛੈ ਕਉਨੁ ਹੈ ਪਰਾ ਹਮਾਰੈ ਬਾਰ॥ (ਸ੍ਰੀ ਗੁਰੂ ਗ੍ਰੰਥ ਸਾਹਿਬ,1367)

ਜਨਮ: ਸੰਨ 1922 ਈਸਵੀ ਦੇ ਲਾਗੇ ਚਾਗੇ। ਜਨਮ ਨਗਰ: ਲੱਧੇ ਵਾਲਾ ਗੁਰਾਇਆਂ (ਪੁਰਾਣਾ ਪਿੰਡ) ਜਿਲ੍ਹਾ ਗੁਜਰਾਂਵਾਲਾਂ। ਪਿਤਾ: ਸ: ਚੇਤ ਸਿੰਘ ਜੀ “ਭਾਈ”ਅੰਮ੍ਰਿਤ ਛਕਣ ਉਪਰੰਤ ਸਭ ਉਨ੍ਹਾਂ ਨੂੰ “ਭਾਈ” ਕਹਿ ਕੇ ਬੁਲਾਂਦੇ ਸਨ। ਮਾਤਾ: ਧਰਮ ਕੌਰ ਜੀ। ਪਤਨੀ: ਬੀਬੀ ਸੁਰਜੀਤ ਕੌਰ ਜੀ। ਦੇਸ਼ ਦੀ ਵੰਡ ਉਪਰੰਤ: ਅੰਮ੍ਰਿਤਸਰ ਕੈਂਪ ਵਿਚ 6 ਮਹੀਨੇ, ਕੋਟ ਈਸੇ ਖਾਂ ਦੇ ਲਾਗਲੇ ਪਿੰਡ ਮਸੀਤੀਂ 6 ਮਹੀਨੇ ਤਕ। ਸੰਗਰੂਰ ਜ਼ਿਲੇ੍ਹ ਦੇ ਪਿੰਡ ਤੋਲਾਵਾਲ ਸੰਨ 1966 ਈਸਵੀ ਤਕ। ਹਰਿਆਣੇ ਦੇ ਜ਼ਿਲ੍ਹੇ ਕਰਨਾਲ ਅੰਦਰ ਪੈਂਦੇ ਪਿੰਡ ਉਰਲਾਣਾ ਖੁਰਦ ਵਿਖੇ ਸੰਨ 1974 ਈਸਵੀ ਤਕ। ਪਠਾਨਕੋਟ ਵਿਚਲੇ ਕਥਲੌਰ ਵਿਖੇ। ਸੁਭਾਅ: ਧਾਰਮਿਕ ਕਾਰਜਾਂ ਵਿਚ ਸੇਵਾ ਕਰਨ ਦੀ ਰੁਚੀ, ਲੜਾਈ ਝਗੜੇ ਤੋਂ ਦੂਰ ਰਹਿਣਾ, ਨਿੰਦਿਆ ਚੁਗਲੀ ਤੋਂ ਪਰਹੇਜ਼ ਕਰਨਾ। ਭਿੰਡਰਾਂ ਵਾਲੇ ਜਥੇ ਵਿਚ ਭਰਤੀ: ਸੰਨ 1977 ਈਸਵੀ ਵਿੱਚ। ਆਸਣ/ਮੰਜਾ ਬਿਸਤਰਾ: ਬਾਬਾ ਠਾਕੁਰ ਸਿੰਘ ਜੀ ਨਾਲ। ਡਿਊਟੀ: ਜਥੇ ਸੰਗਤ ਦਾ ਲੰਗਰ ਤਿਆਰ ਕਰਨਾ। ਨਿੱਤ ਦਾ ਨਿਯਮ: ਸਵੇਰੇ 2:00 ਵਜੇ ਉੱਠ ਕੇ ਇਸ਼ਨਾਨ ਕਰਨਾ ਤੇ ਵਾਹਿਗੁਰੂ ਮੰਤਰ ਦਾ ਜਾਪ ਕਰਦਿਆਂ ਸੇਵਾ ਕਰੀ ਜਾਣੀ। ਗ੍ਰਿਫਤਾਰੀ: ਲਾਲਾ ਜਗਤ ਨਾਰਾਇਣ ਦੇ ਕਤਲ ਦੇ ਸਬੰਧ ਵਿੱਚ ਹਰਿਆਣਾ ਦੇ ਪਿੰਡ ਚੰਦੋ ਕਲਾਂ ਤੋਂ ਬਾਬਾ ਠਾਕੁਰ ਸਿੰਘ ਜੀ, ਭਾਈ ਦਲੀਪ ਸਿੰਘ ਜੀ ਰੋਡੇ ਤੇ ਆਪ ਜੀ ਨੂੰ ਗ੍ਰਿਫਤਾਰ ਕੀਤਾ ਗਿਆ। ਸੰਤਾਨ: ਕਰਨੈਲ ਸਿੰਘ ਸਵਰਗੀ, ਮੋਹਨ ਸਿੰਘ, ਮਹਿੰਦਰ ਕੌਰ ਮਹਿੰਦਰੋ, ਜੋਗਾ ਸਿੰਘ, ਦਾਰਾ ਸਿੰਘ, ਕਰਨੈਲ ਸਿੰਘ ਉੁਰਫ ਤੋਤਾ ਨਾਥ ਬੈਕੁੰਠ ਵਾਸੀ ਚੇਲਾ ਬਾਬਾ ਅਮਰ ਨਾਥ, ਟਿੱਲਾ ਹੀਰੋਂ ਝਾੜੋਂ ਬਠਿੰਡਾ/ਮਾਨਸਾ, ਸਲਵਿੰਦਰ ਕੌਰ ਛਿੰਦੀ, ਰਣਜੀਤ ਕੌਰ ਰਾਣੀ। ਪੋਤਰੇ: ਕੁਲਵੰਤ ਸਿੰਘ ਗੀਤਕਾਰ, ਬੇਅੰਤ ਸਿੰਘ ਆਸਟ੍ਰੇਲੀਆ, ਮਨਦੀਪ ਸਿੰਘ ਫੌਜ ਵਿਚ ਅਤੇ ਮਨਪ੍ਰੀਤ ਸਿੰਘ ਮੰਨਾ। ਪੋਤਰੀਆਂ: ਰਮਨਪ੍ਰੀਤ ਕੌਰ, ਅਮਨਪ੍ਰੀਤ ਕੌਰ, ਦਮਨਪ੍ਰੀਤ ਕੌਰ ਰੱਜੀ। ਸ਼ਹੀਦੀ: ਜੂਨ 1984 ਈਸਵੀ ਦੇ ਘੱਲੂਘਾਰੇ ਦੌਰਾਨ ਲੰਗਰ ਸ੍ਰੀ ਗੁਰੂ ਰਾਮਦਾਸ ਜੀ ਸ੍ਰੀ ਦਰਬਾਰ ਸਾਹਿਬ ਅੰਮ੍ਰਿਤਸਰ ਵਿਖੇ ਸੰਤ ਭਿੰਡਰਾਂਵਾਲਿਆਂ ਦੀ ਅਗਵਾਈ ਵਿਚ ਸ਼ਹੀਦੀ ਜਾਮ ਪੀਤਾ ਤੇ ਸਾਡੇ ਪਰਵਾਰ ਦਾ ਸਿਰ ਉੱਚਾ ਕੀਤਾ ਅਸੀਂ ਉਨ੍ਹਾਂ ਦੀ ਕੀਤੀ ਕੁਰਬਾਨੀ ਨੂੰ ਹਮੇਸ਼ਾਂ ਯਾਦ ਕਰ ਰਹੇ ਹਾਂ।