ਸਾਕੇ ਨੀਲੇ ਤਾਰੇ ਦੀ ਗੱਲ ਸੁਣਾਵਾਂ ਮੈਂ।
ਜ਼ਾਲਮ ਨੇ ਜ਼ੁਲਮ ਜੋ ਕੀਤੇ ਕਿੱਦਾਂ ਭੁੱਲ ਜਾਵਾਂ ਮੈਂ।
ਆਪਣੀ ਹੀ ਫੌਜ ਚੜ੍ਹ ਆਈ ਪੰਜਾਬ ’ਤੇ।
ਹਮਲਾ ਕਰ ਦਿੱਤਾ ਮਾਝੇ, ਮਾਲਵੇ, ਦੁਆਬ ’ਤੇ।
ਵਗਦੇ ਨੇ ਅੱਜ ਤਕ ਅੱਥਰੂ ਰੋਕ ਨਾ ਪਾਵਾਂ ਮੈਂ।
ਜ਼ਾਲਮ ਨੇ ਜ਼ੁਲਮ . . . ਚੁਣ ਚੁਣ ਕੇ ਸਿੱਖਾਂ ਤਾਈਂ ਮਾਰ ਮੁਕਾਇਆ ਸੀ।
ਖਤਮ ਕਰੋ ਸਿੱਖੀ ਹੁਕਮ ਦਿੱਲੀ ਤੋਂ ਆਇਆ ਸੀ।
ਲਾਸ਼ਾਂ ਦੇ ਢੇਰ ’ਤੇ ਬੈਠਾ ਸੋਗ ਮਨਾਵਾਂ ਮੈਂ।
ਜ਼ਾਲਮ ਨੇ ਜ਼ੁਲਮ . . . ਰੰਗੀ ਗਈ ਗੁਰੂ ਦੀ ਨਗਰੀ ਖ਼ੂਨ ਦੇ ਨਾਲ ਸੀ।
ਸ਼ਹਿਰ ਪਵਿੱਤਰ ਹੋਇਆ ਹਾਲੋਂ ਬੇਹਾਲ ਸੀ।
ਕਿੰਨੇ ਹੋਏ ਸਿੰਘ ਸ਼ਹੀਦ ਗਿਣ ਹੀ ਨਾ ਪਾਵਾਂ ਮੈਂ।
ਜ਼ਾਲਮ ਨੇ ਜ਼ੁਲਮ . . . ਹਰਿਮੰਦਰ ਦੀ ਕਰੀ ਬੇਅਦਬੀ ਅਕਾਲ ਤਖਤ ਢਾਹਿਆ ਸੀ।
ਜ਼ਾਲਮ ਨੇ ਨਸਲਕੁਸ਼ੀ ਦਾ ਚੱਕਰ ਚਲਾਇਆ ਸੀ।
ਵਾਪਰਿਆ ਜੋ ਦੁਖਾਂਤ ਲਿਖ ਹੀ ਨਾ ਪਾਵਾਂ ਮੈਂ।
ਜ਼ਾਲਮ ਨੇ ਜ਼ੁਲਮ . . . ਮਾਂਵਾਂ ਤੋਂ ਬੱਚੇ ਖੋਹ ਕੇ ਫੌਜੀਆਂ ਮਾਰੇ ਸੀ।
ਉਹਨਾਂ ਨੇ ਆਪਣਿਆਂ ’ਤੇ ਕਹਿਰ ਗੁਜਾਰੇ ਸੀ।
ਸੁੰਨ ਹੋ ਕੇ ਵੇਖ ਰਿਹਾ ਸਾਂ ਵਿਲਕਦੀਆਂ ਮਾਂਵਾਂ ਮੈਂ।
ਜ਼ਾਲਮ ਨੇ ਜ਼ੁਲਮ . . . ਕਹੇ ਪ੍ਰਤਾਪ ਸਿੰਘ ਭਿਆਨਕ ਘੱਲੂ ਇਹ ਘਾਰਾ ਸੀ।
ਝੱਲ ਗਿਆ ਇਸ ਦੁਖਾਂਤ ਨੂੰ ਪੰਥ ਪਿਆਰਾ ਸੀ।
ਕੌਮੀ ਸ਼ਹੀਦਾਂ ਤਾਈਂ ਸੀਸ ਝੁਕਾਵਾਂ ਮੈਂ।
ਜ਼ਾਲਮ ਦੇ ਜ਼ੁਲਮਾਂ ਤਾਈਂ ਕਿੱਦਾਂ ਭੁਲ ਜਾਵਾਂ ਮੈਂ। | 
