ਕੇਸ ਸਿੱਖ ਕੌਮ ਦੀ ਪਹਿਚਾਨ ਖਾਲਸਾ।
ਕੇਸ ਸਾਡੀ ਜਿੰਦ ਅਤੇ ਜਾਨ ਖਾਲਸਾ।
ਸ਼ਕਤੀ ਕੇਸਾਂ ਦੀ ਅਸੀਂ ਸ਼ੇਰ ਬਣ ਗਏ।
ਲੜੇ ਨਾਲ ਜ਼ਾਲਮਾਂ ਦਲੇਰ ਬਣ ਗਏ।
ਕੇਸਾਂ ਨਾਲ ਉੱਚੀ ਸਾਡੀ ਸ਼ਾਨ ਖਾਲਸਾ।
ਕੇਸ ਸਾਡੀ ਜਿੰਦ ਅਤੇ ਜਾਨ ਖਾਲਸਾ।
ਭਾਈ ਤਾਰੂ ਸਿੰਘ ਖੋਪਰੀ ਲੁਹਾਈ ਸੀ।
ਕੇਸਾਂ ਸੰਗ ਸਿੰਘ ਨੇ ਸ਼ਹੀਦੀ ਪਾਈ ਸੀ।
ਕੇਸਾਂ ਨੇ ਵਧਾਇਆ ਸਾਡਾ ਮਾਣ ਖਾਲਸਾ।
ਕੇਸ ਸਾਡੀ ਜਿੰਦ ਅਤੇ ਜਾਨ ਖਾਲਸਾ।
ਵੱਖਰੀ ਹੈ ਹੋਂਦ ਸੰਸਾਰ ਮੰਨਦਾ।
ਕੇਸਾਂ ਵਾਲੇ ਤਾਈਂ ਸਰਦਾਰ ਮੰਨਦਾ।
ਕੇਸਾਂ ਵਿਚ ਸਾਡੇ ਨੇ ਪ੍ਰਾਣ ਖਾਲਸਾ।
ਕੇਸ ਸਾਡੀ ਜਿੰਦ ਅਤੇ ਜਾਨ ਖਾਲਸਾ।
ਲੰਬੇ ਸੋਹਣੇ ਕੇਸ ਖੁੱਲ੍ਹਾ ਦਾੜ੍ਹਾ ਸਿੱਖ ਦਾ।
ਝੱਲਦਾ ਨਾ ਝਾਲ ਕੋਈ ਇਹਦੀ ਦਿੱਖ ਦਾ।
ਕੇਸ ਸਾਡਾ ਧਰਮ ਈਮਾਨ ਖਾਲਸਾ।
ਕੇਸ ਸਾਡੀ ਜਿੰਦ ਅਤੇ ਜਾਨ ਖਾਲਸਾ।
ਕੇਸਾਂ ਵਾਲੇ ਸਿੰਘਾਂ ਨੇ ਲਾਹੌਰ ਜਿੱਤਿਆ।
ਰਾਜ ਕੀਤਾ ਰੱਜ ਕੇ ਪਸ਼ੌਰ ਜਿੱਤਿਆ।
ਨਲੂਏ ਨੂੰ ਜਾਣਦਾ ਜਹਾਨ ਖਾਲਸਾ।
ਕੇਸ ਸਾਡੀ ਜਿੰਦ ਅਤੇ ਜਾਨ ਖਾਲਸਾ।
ਕਹੇ ਪ੍ਰਤਾਪ ਕੇਸਾਂ ਨੂੰ ਕਟਾਈਂ ਨਾ।
ਮੋਹਰ ਨੇ ਗੁਰੂ ਦੀ ਜਿਊਂਦਾ ਮਰ ਜਾਈਂ ਨਾ।
ਕੇਸ ਹਨ ਸਿੱਖੀ ਦਾ ਨਿਸ਼ਾਨ ਖਾਲਸਾ।
ਕੇਸ ਸਾਡੀ ਜਿੰਦ ਅਤੇ ਜਾਨ ਖਾਲਸਾ।