ਭਾਗ ਮਾਲਵੇ ਨੂੰ ਜਦੋਂ ਗੁਰਾਂ ਲਾਏ ਸੰਗਤੇ,
ਗੁਰੂ ਦਸਵੇਂ ਸੀ ਆਪ ਏਥੇ ਆਏ ਸੰਗਤੇ।
ਲਾ ਕੇ ਤਖਤ ਉਨ੍ਹਾਂ ਕੀਤੀ ਕਰਨੀ ਮਹਾਨ ਹੈ,
ਗੁਰੂ ਕਾਸ਼ੀ ਦੀ ਧਰਤੀ ਬੜੀ ਮਹਾਨ ਹੈ। ਪਹਿਲਾਂ ਚਰਨ ਭਾਈ ਡੱਲੇ ਘਰ ਜਾ ਕੇ ਪਾਏ ਜੀ,
ਦੇ ਕੇ ਵਰ ਗੁਰਾਂ ਖੇਤ ਏਥੋਂ ਦੇ ਵਸਾਏ ਜੀ।
ਝੋਨਾ ਕਣਕ ਨਹਿਰਾਂ ਫਲਾਂ ਵਾਲੇ ਦਿੱਤੇ ਦਾਨ ਹੈ,
ਗੁਰੂ ਕਾਸ਼ੀ ਦੀ ਧਰਤੀ ਬੜੀ ਮਹਾਨ ਹੈ। ਜਦ ਜੰਡ ਬੰਨਿਆ ਹੈ ਘੋੜਾ ਗੁਰਾਂ ਨੇ
ਫੇਰ ਦਿੱਤੀਆਂ ਬਰਾੜਾਂ ਨੂੰ ਸੀ ਮੋਹਰਾਂ ਗੁਰਾਂ ਨੇ।
ਭਾਈ ਦਾਨ ਸਿੰਘ ਮਾਲਵੇ ਦੀ ਰੱਖੀ ਸ਼ਾਨ ਹੈ,
ਗੁਰੂ ਕਾਸ਼ੀ ਦੀ ਧਰਤੀ ਬੜੀ ਮਹਾਨ ਹੈ। ਬੀਰ ਸਿੰਘ, ਧੀਰ ਸਿੰਘ ਜਿਹੇ ਏਥੇ ਸੂਰੇ ਨੇ,
ਬਚਨ ਗੁਰੂ ਜੀ ਦੇ ਜਿਨ੍ਹਾਂ ਸੁਣ ਮੰਨੇ ਪੂਰੇ ਨੇ।
ਉਨ੍ਹਾਂ ਪਰਖੇ ਨਿਸ਼ਾਨੇ ਲਾ ਕੇ ਜਿੰਦ ਜਾਨ ਹੈ,
ਗੁਰੂ ਕਾਸ਼ੀ ਦੀ ਧਰਤੀ ਬੜੀ ਮਹਾਨ ਹੈ। ਫੇਰ ਗੁਰਾਂ ਬਾਣੀ ਵਾਲਾ ਕਾਰਜ ਚਲਾਇਆ ਜੀ,
ਭਾਈ ਮਨੀ ਸਿੰਘ ਨੂੰ ਲਿਖਾਰੀ ਲਾਇਆ ਜੀ।
ਬਾਬੇ ਦੀਪ ਸਿੰਘ ਦੀ ਵੀ ਕਰਨੀ ਮਹਾਨ ਹੈ,
ਗੁਰੂ ਕਾਸ਼ੀ ਦੀ ਧਰਤੀ ਬੜੀ ਮਹਾਨ ਹੈ। ਲਿਖਣਸਰ ਵਿਖੇ ਬੀੜ ਗੁਰਾਂ ਲਿਖਵਾਈ ਜੀ,
ਨੌਵੇਂ ਪਾਤਸ਼ਾਹ ਦੀ ਬਾਣੀ ਦਰਜ ਕਰਾਈ ਜੀ।
1430 ਪੰਨਿਆਂ ਦਾ ਗ੍ਰੰਥ ਮਹਾਨ ਹੈ, ਸਿਆਹੀ ਕਲਮਾਂ ਨੂੰ ਜਲ ਵਿਚ ਪਾਇਆ ਗੁਰਾਂ ਨੇ,
ਗੁਰੂ ਕਾਸ਼ੀ ਦਾ ਵਰ ਹੈ ਸੁਣਾਇਆ ਗੁਰਾਂ ਨੇ।
ਬਣੂ ਅਲਪ ਬੁਧੀ ਜੀਵ ਏਥੋਂ ਵਿਦਵਾਨ ਹੈ,
ਗੁਰੂ ਕਾਸ਼ੀ ਦੀ ਧਰਤੀ ਬੜੀ ਮਹਾਨ ਹੈ। ਏਥੇ ਦੂਸਰੀ ਵੈਸਾਖੀ ਹੈ ਮਨਾਈ ਗੁਰਾਂ ਨੇ,
ਸ਼ਾਨ ਮਾਲਵੇ ਦੀ ਵੱਖਰੀ ਬਣਾਈ ਗੁਰਾਂ ਨੇ।
ਤਖਤ ਦਮਦਮਾ ਜੀ ਦੀ ਸਿਫਤ ਮਹਾਨ ਹੈ,
ਗੁਰੂ ਕਾਸ਼ੀ ਦੀ ਧਰਤੀ ਬੜੀ ਮਹਾਨ ਹੈ। ਮਸਤੂਆਣਾ ਬੁੰਗਾ, ਗੁਰੂ ਕਾਸ਼ੀ ਵਿਦਿਆਲਾ ਜੀ,
ਜਿੱਥੋਂ ਮਿਲਦਾ ਗਿਆਨ ਗੁਰਸਿੱਖੀ ਵਾਲਾ ਜੀ।
ਮਾਤਾ ਸਾਹਿਬ ਕੌਰ ਕਾਲਜ ਦੀ ਅਨੋਖੀ ਸ਼ਾਨ ਹੈ,
ਗੁਰੂ ਕਾਸ਼ੀ ਦੀ ਧਰਤੀ ਬੜੀ ਮਹਾਨ ਹੈ। ਇੱਥੇ ਅਲਪ ਬੁੱਧ ਪੜ੍ਹ ਵਿਦਵਾਨ ਬਣ ਗਏ,
ਪ੍ਰਚਾਰਕ ਉਹ ਕੌਮ ਦੇ ਮਹਾਨ ਬਣ ਗਏ।
ਅੰਮ੍ਰਿਤਪਾਲ ਸਿੰਘਾ, ਮੈਨੂੰ ਗੁਰੂ ਉੱਤੇ ਮਾਣ ਹੈ,
ਗੁਰੂ ਕਾਸ਼ੀ ਦੀ ਧਰਤੀ ਬੜੀ ਮਹਾਨ ਹੈ। | 
