ਸਤਿਗੁਰ ਨਾਨਕ ਦੇਵ ਗੁਰੂ ਜੀ ਸਿੱਖੀ ਦਾ ਬੂਟਾ ਲਾਇਆ
ਸਮੇਂ ਸਮੇਂ ਸਿਰ ਗੁਰੂ ਸਾਹਿਬਾਂ ਨੇ ਇਸ ਨੂੰ ਪਾਣੀ ਪਾਇਆ
ਇਸ ਸਭ ਲਈ ਸਾਂਝਾ ਹੈ, ਰਹੇ ਨਾ ਕੋਈ ਵਾਂਝਾ ਹੈ
ਸਬਕ ਇੱਕੋ ਦਾ ਸਿਖਾਇਆ।
ਸਿੱਖੀ ਸਰੂਪ, ਮੇਰਾ ਅਸਲੀ ਰੂਪ ਇਹ ਕਾਦਰ ਆਪ ਬਣਾਇਆ।

ਗੁਰੂ ਗੋਬਿੰਦ ਸਿੰਘ ਉਹ ਕੀਤਾ ਜੋ ਅਕਾਲ ਪੁਰਖ ਫੁਰਮਾਇਆ
ਸਿੱਖੀ ਸਰੂਪ ਮੇਰਾ ਅਸਲੀ ਰੂਪ ਵਿਚ ਖਾਲਸਾ ਪੰਥ ਸਜਾਇਆ
ਇਹ ਸਭ ਨਾਲ ਪਿਆਰ ਕਰੇ, ਡਰਾਵੇ ਨਾ ਆਪ ਡਰੇ
ਕਰਨਾ ਪਿਆਰ ਸਿਖਾਇਆ।
ਸਿੱਖੀ ਸਰੂਪ, ਮੇਰਾ ਅਸਲੀ ਰੂਪ ਇਹ ਕਾਦਰ ਆਪ ਬਣਾਇਆ।

ਦੁਨੀਆ ਦੇ ਸਭ ਲੋਕ ਨੇ ਮੰਨਦੇ ਇਹ ਸਭਨਾਂ ਤੋਂ ਸੋਹਣਾ
ਇਸਦੇ ਵਰਗਾ ਦੁਨੀਆ ਦੇ ਵਿਚ ਹੋਰ ਕੋਈ ਨਹੀਂ ਹੋਣਾ
ਵੱਖਰੀ ਸ਼ਾਨ ਏਦ੍ਹੀ, ਗੱਲ ਮਹਾਨ ਏਦ੍ਹੀ, ਗ਼ਲੇ ਸਭ ਨੂੰ ਲਗਾਇਆ
ਸਿੱਖੀ ਸਰੂਪ, ਮੇਰਾ ਅਸਲੀ ਰੂਪ ਇਹ ਕਾਦਰ ਆਪ ਬਣਾਇਆ।

ਦਾਹੜੇ ਦਾ ਪ੍ਰਕਾਸ਼ ਹੋਵੇ ਤੇ ਸਿਰ ’ਤੇ ਹੋਣ ਦਸਤਾਰਾਂ
ਸਿੰਘ ਗੁਰੂ ਦਾ ਛੁਪ ਨਹੀਂ ਸਕਦਾ ਭਾਵੇਂ ਹੋਣ ਹਜ਼ਾਰਾਂ
ਇਹ ਕਰਦਾ ਮਾਣ ਨਹੀਂ, ਕਿਸੇ ਦਾ ਅਪਮਾਨ ਨਹੀਂ
ਦੁੱਖ ਦੁਖੀ ਦਾ ਵੰਡਾਇਆ
ਸਿੱਖੀ ਸਰੂਪ, ਮੇਰਾ ਅਸਲੀ ਰੂਪ ਇਹ ਕਾਦਰ ਆਪ ਬਣਾਇਆ।

ਯੋਧਾ ਤੇ ਅੰਗਰੇਜ਼, ਸਿਮਰ ਲਿਖਣ ਏਸ ਦੀਆਂ ਸਿਫਤਾਂ
ਇੱਕੋ ਹੈ ਜੀ ਸਿੰਘ ਗੁਰੂ ਦਾ ਝੱਲੇ ਕਿਸੇ ਲਈ ਬਿਪਤਾ
ਨਾਨਕ ਨਾਮ ਚੜ੍ਹਦੀ ਕਲਾ, ਮੰਗੇ ਸਰਬੱਤ ਦਾ ਭਲਾ
ਅਰਦਾਸ ਵਿਚ ਆਇਆ
ਸਿੱਖੀ ਸਰੂਪ, ਮੇਰਾ ਅਸਲੀ ਰੂਪ ਇਹ ਕਾਦਰ ਆਪ ਬਣਾਇਆ।