ਚੀਰ ਦੇ ਓਏ ਆਰਿਆ! ਚੀਰ ਦੇ ਓਏ ਆਰਿਆ!!
ਟੁਕੜੇ ਕਰਦੇ ਸਰੀਰ ਦੇ ਓ ਆਰਿਆ! ਤੇਰੇ ਹਰ ਚੀਰ ’ਚ ਅਨੰਦ ਪਿਆ ਆਉਂਦਾ ਹੈ।
ਰੋਮ ਰੋਮ ਵਾਹਿਗੁਰੂ-ਵਾਹਿਗੁਰੂ ਗਾਉਂਦਾ ਹੈ।
ਵਾਹਿਗੁਰੂ ਨਾਲ ਲਕੀਰ ਦੇ ਓ ਆਰਿਆ,
ਚੀਰ ਦੇ ਓਏ ਆਰਿਆ! ਚੀਰ ਦੇ ਓਏ ਆਰਿਆ!! ਜਿਊਂਦੇ ਸਾਂ ਤਾਂ ਓਹਦੇ ਲਈ, ਮਰੇ ਓਹਦੇ ਵਾਸਤੇ।
ਉਹਦੀ ਚੀਜ਼ ਓਹਦੇ ਕੋਲ, ਦੁੱਖ ਮੈਨੂੰ ਕਾਸਦੇ ?
ਸੌਖੇ ਦਿਨ ਲੰਘ ਗਏ ਫਕੀਰ ਦੇ ਓ ਆਰਿਆ!
ਚੀਰ ਦੇ ਓਏ ਆਰਿਆ! ਚੀਰ ਦੇ ਓਏ ਆਰਿਆ!! ਬੰਦੇ ਲਈ ਦੁੱਖ ਤੇ ਤਸੀਹੇ ਸਹਿਣੇ ਔਖੇ ਨੇ।
ਆਪ ਸੁਮਾਇਆ ਵਾਹਿਗੁਰੂ ਮੈਨੂੰ ਸੌਖੇ ਨੇ।
ਓਹਦੀ ਛੋਹ ’ਚ ਅਨੰਦ ਨੇ ਅਖੀਰ ਦੇ ਓ ਆਰਿਆ!
ਚੀਰ ਦੇ ਓਏ ਆਰਿਆ! ਚੀਰ ਦੇ ਓਏ ਆਰਿਆ!! ਤੇਰੇ ਚੀਰ ਮੇਰਾ ਇਹ ਸਰੀਰ ਨਹੀਂਓ ਵੱਢਦੇ।
ਜ਼ੁਲਮ ਅਤੇ ਜ਼ਬਰ ਦੀਆਂ ਜੜ੍ਹਾਂ ਨੂੰ ਹੈ ਕੱਟਦੇ।
ਵਾਸਤੇ ਧਰਮ ਦੇ ਲੀਰ ਦੇ ਓ ਆਰਿਆ!
ਚੀਰ ਦੇ ਓਏ ਆਰਿਆ! ਚੀਰ ਦੇ ਓਏ ਆਰਿਆ!! ਜਿੰਨਾ ਲਹੂ ਮੇਰੇ ਇਹ ਸਰੀਰ ਵਿੱਚੋਂ ਡੁੱਲੇਗਾ।
ਬੂਟਾ ਸਿੱਖ ਧਰਮ ਦਾ ਵਧੇਗਾ ਤੇ ਫੁੱਲੇਗਾ।
ਕੌਤਕ ਨਿਆਰੇ ਮੇਰੇ ਪੀਰ ਦੇ ਓ ਆਰਿਆ!
ਚੀਰ ਦੇ ਓਏ ਆਰਿਆ! ਚੀਰ ਦੇ ਓਏ ਆਰਿਆ!! | 
