ਆਉਣਗੇ ਸਰਦਾਰ ਜੀ
ਬਹੁਤ ਸਾਰੇ ਸਰਦਾਰ ਜੀ

ਖਾਣਾ ਲੈ ਕੇ ਪਾਣੀ ਲੈ ਕੇ
ਦਵਾਈ ਲੈ ਕੇ ਆਉਣਗੇ
ਬਹੁਤਿਆਂ ਲਈ ਸਾਹ
ਉਮੀਦ ਤੇ ਹੌਂਸਲਾ ਲੈ ਕੇ

ਉਹ ਬਿਨ ਬੁਲਾਏ ਆਉਣਗੇ
ਕਿਸੇ ਤੋਂ ਕੁਝ ਮੰਗਣਗੇ ਵੀ ਨਹੀਂ
ਉਨ੍ਹਾਂ ਨੂੰ ਨਹੀਂ ਚਾਹੀਦੀ ਪ੍ਰਸੰਸਾ
ਨਾ ਹੀ ਕੋਈ ਸਰਟੀਫਿਕੇਟ
ਉਹ ਆਉਣਗੇ ਤੇ
ਆਪਣਾ ਕੰਮ ਕਰਕੇ ਚੁੱਪਚਾਪ ਚਲੇ ਜਾਣਗੇ

ਧਨਾਢੋ ਸੱਤਾ ਦੇ ਦਲਾਲੋ
ਤੁਸੀਂ ਸੁਣਾਉਂਦੇ ਰਹੋ ਉਨ੍ਹਾਂ 'ਤੇ ਚੁਟਕਲੇ
ਕਹਿੰਦੇ ਰਹੋ ਉਨ੍ਹਾਂ ਨੂੰ ਗ਼ੱਦਾਰ
ਉਹ ਆਉਂਦੇ ਰਹਿਣਗੇ, ਬਾਹਾਂ ਫੈਲਾਈ
ਬਾਬਾ ਫ਼ਰੀਦ ਵਾਂਗ
ਵਾਰਸ ਸ਼ਾਹ ਵਾਂਗ
ਉਨ੍ਹਾਂ ਦੇ ਦਿਲ ਵਿਚ
ਕਰੁਣਾ ਵਹਿੰਦੀ ਹੈ।
ਪੰਜ ਦਰਿਆਵਾਂ ਦੇ ਪਾਣੀਆਂ ਨਾਲੋਂ ਵੀ ਜ਼ਿਆਦਾ

ਉਹ ਨਫ਼ਰਤ ਦੇ ਮਲਬੇ ਨੂੰ ਹਟਾ ਕੇ
ਬਣਾ ਲੈਣਗੇ ਥੋੜੀ ਜਹੀ ਜਗ੍ਹਾ ਕਿਧਰੇ
ਵੀ ਸੇਵਾ ਕਰਨ ਲਈ

ਸੈਨਾ-ਨਾਇਕੋ, ਸਿਆਸਤਦਾਨੋ, ਹਥਿਆਰਾਂ ਦੇ
ਸੌਦਾਗਰੋ
ਤੁਸੀਂ ਉਨ੍ਹਾਂ ਦਾ ਰਸਤਾ ਨਹੀਂ ਰੋਕ ਸਕੋਗੇ
ਚਲਦਾ ਰਹੇਗਾ ਲੰਗਰ
ਧਰਤੀ 'ਤੇ ਕਿਧਰੇ ਨਾ ਕਿਧਰੇ
ਆਉਂਦੇ ਰਹਿਣਗੇ ਬਹੁਤ ਸਾਰੇ ਸਰਦਾਰ ਜੀ
ਲੋੜਵੰਦ ਇਨਸਾਨ ਲਈ

ਉਹ ਆਉਂਦੇ ਰਹਿਣਗੇ
ਤੁਹਾਡੇ ਨਕਸ਼ਿਆਂ ਤੇ ਝੰਡਿਆਂ ਦੇ ਸਾਹਮਣੇ
ਮਨੁੱਖਤਾ ਦਾ ਝੰਡਾ ਲਹਿਰਾਉਂਦੇ ਹੋਏ