ਤਰਜ਼ ਰਸਾਲੂ ਢਾਡੀ ਰਾਗ

ਸਤਿਗੁਰ ਕਹਿੰਦੇ ਢਾਡੀਓ! ਤੁਸੀ ਸੁਣਲੋ ਸੁਭ ਵਿਚਾਰ।
ਇਹ ਤਖਤ ਹੈ ਅਕਾਲ ਪੁਰਖ ਦਾ, ਇੱਥੇ ਆਪ ਵੱਸੇ ਕਰਤਾਰ।
ਇਹਦੀ ਸ਼ੋਭਾ ਲੋਕ ਪ੍ਰਲੋਕ ਵਿਚ, ਇਹਨੂੰ ਦੱਬਣਾ ਚਾਹੇ ਸਰਕਾਰ।
ਸਾਨੂੰ ਭੇਜਿਆ ਹੁਕਮ ਅਕਾਲ ਨੇ, ਮੀਰੀ ਪੀਰੀ ਅਸਾਂ ਲਈ ਧਾਰ।
ਤੁਸੀਂ ਵੀ ਰੋਜ਼ ਇਸ ਥਾਂ ਆਣ ਕੇ, ਐਸੀ ਗਾਓ ਜੋਸ਼ੀਲੀ ਵਾਰ।
ਜਿਹੜੇ ਡਰਦੇ ਚਿੜੀਆਂ ਕਾਵਾਂ ਤੋਂ, ਉਹ ਫੜਨ ਹੱਥ ਤਲਵਾਰ।
ਤੁਹਾਡੀ ਢੱਡ ਸਰੰਗੀ ਸੁਣ ਕੇ, ਮਰ-ਜੀਵੜੇ ਹੋਣ ਤਿਆਰ।
ਉਹ ਤੇਗੇ ਗਲ ਵਿਚ ਪਹਿਨ ਕੇ, ਹੋਣ ਘੋੜੇ 'ਤੇ ਅਸਵਾਰ।
ਤੁਹਾਡੀ ਬਹੁਤ ਫੁਲਵਾੜੀ ਵਧੇਗੀ, ਹੋਊ ਜਗਤ ਵਿਚ ਸਤਿਕਾਰ।
ਉਹ ਜਗ ਸਾਰੇ ਵਿਚ ਕਰਨੇ, ਜਾ ਕੇ ਸਿੱਖੀ ਦਾ ਪ੍ਰਚਾਰ।
ਨੱਥ ਮੱਲ ਅਬਦੁੱਲੇ ਸੁਣਿਆ ਜਾ, ਆਇਆ ਜੀਵਨ ਵਿਚ ਨਿਖਾਰ।
ਲੋਕ ਪ੍ਰਲੋਕ ਸੁਹੇਲੇ ਹੋ ਗਏ, ‘ਭੋਰ’ ਜੀਵਨ ਗਏ ਸ਼ਿੰਗਾਰ।