ਏਸ ਸੰਸਥਾ ਨੇ ਕੰਮ ਕੀਤੇ ਬੇਹਿਸਾਬ
ਸ਼੍ਰੋਮਣੀ ਕਮੇਟੀ ਦਾ ਮੈਂ ਕਰਾਂ ਧੰਨਵਾਦ
ਸ਼੍ਰੋਮਣੀ ਕਮੇਟੀ ਦਾ ਮੈਂ . . .

ਉੱਨੀ ਸੌ ਵੀਹ ਵਿਚ ਹੋਂਦ 'ਚ ਸੀ ਆਈ
ਭਲਾ ਸਭਨਾ ਦਾ ਮੰਗੇ ਕੀਤੀ ਸਦਾ ਹੀ ਭਲਾਈ
ਹਰ ਇਕ ਦੀ ਏ ਸੁਣ ਲੈਂਦੀ ਫਰਿਆਦ
ਸ਼੍ਰੋਮਣੀ ਕਮੇਟੀ ਦਾ ਮੈਂ ...

ਗੁਰੂਘਰਾਂ ਦਾ ਹੈ ਪ੍ਰਬੰਧ ਏ ਚਲਾਉਂਦੀ
ਇਕ ਇਕ ਪੈਸਾ ਸਹੀ ਥਾਂ ਉੱਤੇ ਲਾਉਂਦੀ
ਕੈਂਸਰ ਦੇ ਪੀੜਤਾਂ ਨੇ ਲਿਆ ਏਹਤੋਂ ਲਾਭ
ਸ਼੍ਰੋਮਣੀ ਕਮੇਟੀ ਦਾ ਮੈਂ . . .

ਲੱਖਾਂ ਹੀ ਲੋਕਾਂ ਨੂੰ ਏਹਨੇ ਦਿੱਤਾ ਰੋਜਗਾਰ
ਸੁਣ ਲੈਂਦੀ ਲੋੜਵੰਦਾਂ ਦੀ ਪੁਕਾਰ
ਸਾਰੀ ਹੀ ਮਨੁੱਖਤਾ ਲਈ ਜਗਦਾ ਚਿਰਾਗ
ਸ਼੍ਰੋਮਣੀ ਕਮੇਟੀ ਦਾ ਮੈਂ . . .

ਪਾਇਆ ਸਿੱਖਿਆ ਦੇ ਖੇਤਰ 'ਚ ਵੱਡਾ ਯੋਗਦਾਨ
ਖੋਲੇ ਕਾਲਜ, ਸਕੂਲ ਕੰਮ ਕੀਤੇ ਨੇ ਮਹਾਨ
ਯੂਨੀਵਰਸਿਟੀਆਂ ਲਾਉਣ ਅੱਗੇ ਵਧਣ ਦੀ ਜਾਗ
ਸ਼੍ਰੋਮਣੀ ਕਮੇਟੀ ਦਾ ਮੈਂ . . .

ਕਿਰਪਾ ਗੁਰਾਂ ਦੀ ਸੰਗਤ ਦਾ ਸਹਿਯੋਗ
ਕਰ ਸਿੱਖੀ ਪ੍ਰਚਾਰ ਪਾਵੇ ਨਸ਼ਿਆਂ ਦਾ ਭੋਗ
ਕੁਦਰਤੀ ਆਫਤਾਂ 'ਚ ਏਹਦਾ ਨਾ ਜਵਾਬ
ਸ਼੍ਰੋਮਣੀ ਕਮੇਟੀ ਦਾ ਮੈਂ . . .

ਦਾਸ ਸੇਵਾਦਾਰ ਦੀ ਡਿਊਟੀ ਆ ਨਿਭਾਉਂਦਾ
ਗੁਰੂ ਰਾਮਦਾਸ ਛਬੀਲ ਉੱਤੇ ਹਾਜ਼ਰੀਆਂ ਲਾਉਂਦਾ
ਸੰਗਤ ਦੇ ਲਈ ਚੰਗੇ ਕਰਦੀ ਏ ਕਾਜ
ਸ਼੍ਰੋਮਣੀ ਕਮੇਟੀ ਦਾ ਮੈਂ ਕਰਾਂ ਧੰਨਵਾਦ।