ਗੁਰਾਂ ਵਾਲੀ ਬਾਣੀ ਮਨ ਨਾਲ ਜੋੜ ਲੈ!
ਛੱਡ ਦੇ ਖਹਿੜਾ ਨਸ਼ਿਆਂ ਤੋਂ ਮੁਖ ਮੋੜ ਲੈ! ਕਰਦੀ ਸ਼ਰਾਬ ਤਾਂ ਖਰਾਬ ਵੀਰਨਾ!
ਮਿਲਦਾ ਚੁਫੇਰਿਓਂ ਜਵਾਬ ਵੀਰਨਾ!
ਸਦਾ ਲਈ ਇਹਦੇ ਨਾਲੋਂ ਨਾਤਾ ਤੋੜ ਲੈ,
ਛੱਡ ਦੇ ਖਹਿੜਾ ... ... ਵਰਤੇਂ ਤੰਬਾਕੂ, ਬੀੜੀਆਂ ਤੇ ਜਰਦਾ।
ਮਾੜੀਆਂ ਬੀਮਾਰੀਆਂ ਤੋਂ ਕਿਉਂ ਨਹੀਂ ਡਰਦਾ?
ਮਾਰਦਾ ਮੁਸ਼ਕ ਤਲੀਆਂ ’ਚੋਂ ਖੋਰ ਲੈ,
ਛੱਡ ਦੇ ਖਹਿੜਾ ... ... ਘੋਲ-ਘੋਲ ਪੋਸਤ ਕਦੇ ਤੂੰ ਪੀਂਵਦਾ!
ਕੈਪਸੂਲ ਗੋਲੀਆਂ ਬਿਨਾ ਨਾ ਜੀਂਵਦਾ।
ਲਾਗੇ ਜਾਣਾ ਛੱਡ, ਦੂਰੋਂ ਹੱਥ ਜੋੜ ਲੈ।
ਛੱਡ ਦੇ ਖਹਿੜਾ ... ... ਵੇਖ ਲਓ ਜਵਾਨ ਬੱਚੇ ਬੁੱਢੇ ਆਦਮੀ।
ਨਸ਼ਿਆਂ ਦੇ ਵਿਚ ਕਿਵੇਂ ਖੁੱਭੇ ਆਦਮੀ!
ਚਿੱਕੜੋਂ ਲੈ ਕੱਢ, ਜ਼ਿੰਦਗੀ ਨੂੰ ਤੋਰ ਲੈ,
ਛੱਡ ਦੇ ਖਹਿੜਾ ... ਲੱਕੜੀ ਨੂੰ ਘੁਣ ਲੋਹੇ ਨੂੰ ਜੰਗਾਲ ਜਿਉਂ।
ਨਸ਼ਾ ਕਰੇ ਆਦਮੀ ਦਾ ਬੁਰਾ ਹਾਲ ਇਉਂ।
ਕਾਇਆ ਕਲਪ ਕਰ ਨਵੀਂ ਤੇ ਨਕੋਰ ਲੈ,
ਛੱਡ ਦੇ ਖਹਿੜਾ ... ... ਬਾਕੀ ਰਹਿੰਦਾ ਜਨਮ ਸਫਲ ਕਰ ਲੈ।
‘ਜਾਚਕਾ’ ਤੂੰ ਬਾਣੀ ਦਾ ਹੀ ਪੱਲਾ ਫੜ ਲੈ।
ਅੰਮ੍ਰਿਤ ਛਕ ਛੇਤੀ ਕਰ ਗੌਰ ਲੈ,
ਛੱਡ ਦੇ ਖਹਿੜਾ ਨਸ਼ਿਆਂ ਤੋਂ ਮੁਖ ਮੋੜ ਲੈ! | 
