ਸੱਚ ਦਾ ਸਹਾਰਾ ਲੈ ਲਓ, ਸੱਚ ਦਾ ਸਹਾਰਾ।
ਝੂਠ ਵੱਲੋਂ ਲੋਕੋ! ਤੁਸੀਂ, ਕਰ ਲਓ ਕਿਨਾਰਾ।
ਸੱਚ ਸਦਾ ਬੋਲੀਏ, ਸਦਾ ਸੱਚ ਸੁਣੀਏ।
ਸੱਚ ਲਈ ਹੀ ਜੀਵੀਏ ਤੇ ਸੱਚ ਲਈ ਹੀ
ਮਰੀਏ।

ਸੱਚਾ ਬੰਦਾ ਹੁੰਦਾ ਹੈ, ਸਭ ਦਾ ਪਿਆਰਾ।
ਸੱਚ ਦਾ ਸਹਾਰਾ ਲੈ ਲਓ, . . .।
ਸੱਚ ਨਾਲੋਂ ਟੁੱਟਿਆ, ਬੜਾ ਬੰਦਾ ਝੂਰਦਾ ਏ।
ਸੱਚ ਨੂੰ ਛੁਪਾਉਣ ਲਈ, ਸੌ ਝੂਠ ਬੋਲਦਾ ਏ।
ਸੱਚ ਤਾਂ ਏ ਸੱਚ ਹੁੰਦਾ, ਆਖੇ ਜਗ ਸਾਰਾ,
ਸੱਚ ਦਾ ਸਹਾਰਾ ਲੈ ਲਓ, . . .।

ਸੱਚ ਨਾਲ ਜੁੜਿਆਂ, ਰੱਬ ਨਾਲ ਜੁੜੀਦਾ ਏ।
ਰੱਬ ਨਾਲ ਜੁੜਿਆਂ, ਸਿੱਧੇ ਰਾਹ ਤੁਰੀਦਾ ਏ।
ਸਿੱਧੇ ਰਾਹ ਤੁਰਿਆਂ, ਆਉਂਦਾ ਏ ਨਜ਼ਾਰਾ।
ਸੱਚ ਦਾ ਸਹਾਰਾ ਲੈ ਲਓ, . . .।

ਸੱਚ ਨਾਲੋਂ ਦੁਨੀਆ ’ਤੇ, ਹੋਰ ਕੀ ਮਹਾਨ ਏ?
ਸੱਚ ਦਾ ਹੀ ਦੁਨੀਆ ’ਤੇ, ਰਹੂ ਸਦਾ
ਨਾਮ ਏ।

ਸੱਚ ਤੋਂ ਹੀ ਬਣਿਆ ਏ, ਜਗ ਦਾ ਪਸਾਰਾ।
ਸੱਚ ਦਾ ਸਹਾਰਾ ਲੈ ਲਓ, ਸੱਚ ਦਾ ਸਹਾਰਾ।
ਝੂਠ ਵੱਲੋਂ ਲੋਕੋ! ਤੁਸੀਂ, ਕਰ ਲਓ ਕਿਨਾਰਾ।