ਸਤਿਗੁਰ ਜੀ ਦੇ ਕੋਲ ਸ਼ਕਾਇਤਾਂ ਪਹੁੰਚੀ ਸੰਗਤ ਲੈ ਕੇ ਜੀ,
ਪਿਰਥੀਆ ਕੋਝੀਆਂ ਚਾਲਾਂ ਚੱਲਦਾ ਵਿਚ ਈਰਖਾ ਪੈ ਕੇ ਜੀ,
ਸਤਿਗੁਰ ਜੀ ਕੋਈ ਵਰਤੋ ਹੀਲਾ ਨੱਥ ਪਾਈਏ ਇਸ ਢਾਣੀ ਨੂੰ।

ਮਿਹਰਬਾਨ ਹੈ ਪੁੱਤ ਓਸਦਾ ਵੱਖਰਾ ਗ੍ਰੰਥ ਬਣਾ ਰਿਹਾ ਏ,
ਨਾਮ ਗੁਰੂ ਨਾਨਕ ਦਾ ਲੈ ਕੇ ਬਹੁਤ ਭੁਲੇਖਾ ਪਾ ਰਿਹਾ ਏ,
ਭਰਮ ਮਿਟਾ ਕੇ ਸਾਰੇ ਸਤਿਗੁਰ ਤਾਰੋ ਖਲਕ ਨਿਮਾਣੀ ਨੂੰ।

ਰਾਮਸਰ ਸਰੋਵਰ ਕੰਢੇ ਸਤਿਗੁਰ ਆਸਣ ਲਾਇਆ ਏ,
ਲਿਖਣ ਭਾਈ ਗੁਰਦਾਸ ਦੇ ਤਾਈਂ ਸਤਿਗੁਰ ਨਾਲ ਬਿਠਾਇਆ ਏ,
ਭਵਸਾਗਰ ’ਚੋਂ ਤਰਣਗੇ ਪੜ੍ਹਕੇ ਚਹੁੰ ਰਤਨਾਂ ਦੀ ਖਾਣੀ ਨੂੰ।

ਸੈਂਚੀਆਂ ਵਿੱਚੋਂ ਕੱਢ ਕੇ ਬਾਣੀ ਆਦਿ ਗ੍ਰੰਥ ਬਣਾਇਆ ਏ,
ਭਗਤਾਂ ਤੇ ਭੱਟਾਂ ਦੇ ਤਾਈਂ ਸਤਿਗੁਰ ਮਾਣ ਦਿਵਾਇਆ ਏ,
ਰਣਧੀਰ ਸਿੰਘਾ! ਏ ਗੁਰ ਕੀ ਬਾਣੀ ਤਾਰੂ ਹਰ ਇਕ ਪ੍ਰਾਣੀ ਨੂੰ।