ਪੱਗ ਦਾ ਕਮਾਲ ਵੀਰਾ, ਪੱਗ ਦਾ ਕਮਾਲ।
ਲੱਖਾਂ 'ਚੋਂ ਪਛਾਣ ਤੇਰੀ, ਇਸ ਪੱਗ ਨਾਲ।
ਪੱਗ ਦਾ ਕਮਾਲ ਵੀਰਾ ... ਸਾਂਭ ਦਾਹੜਾ ਕੇਸ, ਮੇਰੇ ਕੌਮ ਦੇ ਹੀਰਿਆ।
ਪੋਚ ਪੋਚ ਪੱਗ ਸੋਹਣੀ ਬੰਨ੍ਹ ਮੇਰੇ ਵੀਰਿਆ।
ਸਿੱਖ ਅਤੇ ਪੱਗ ਜਿਵੇਂ ਸੁਰ ਅਤੇ ਤਾਲ।
ਪੱਗ ਦਾ ਕਮਾਲ ਵੀਰਾ ... ਟੋਪੀ ਨਾਲੋਂ ਵੱਧ ਵੀਰਾ ਟੋਹਰ ਦਸਤਾਰ ਦੀ।
ਬੱਧੀ ਹੋਵੇ ਪੱਗ ਸਾਰੇ ਕਹਿੰਦੇ ਸਰਦਾਰ ਜੀ।
ਦਿੱਤੀ ਗੁਰਾਂ ਸਰਦਾਰੀ ਰੱਖ ਇਸ ਨੂੰ ਸੰਭਾਲ।
ਪੱਗ ਦਾ ਕਮਾਲ ਵੀਰਾ ... ਕੇਸਾਂ ਨੂੰ ਕਟਾ ਕੇ ਜਿਹੜਾ ਛੱਡੇ ਮੋਹ ਪੱਗ ਦਾ।
ਯੂ. ਪੀ. ਜਾਂ ਬਿਹਾਰ ਦਾ ਹੈ ਭਈਆ ਉਹ ਲੱਗਦਾ।
ਸਿੱਖਾਂ ਦਾ ਹੈਂ ਪੁੱਤ? ਸਾਰੇ ਕਰਦੇ ਸਵਾਲ।
ਪੱਗ ਦਾ ਕਮਾਲ ਵੀਰਾ .. ਪੱਗ ਪ੍ਰਤੀਕ ਤੇਰੀ ਆਨ ਅਤੇ ਸ਼ਾਨ ਦੀ।
ਪੱਗ ਪ੍ਰਤੀਕ ਤੇਰੀ ਵੱਖਰੀ ਪਛਾਣ ਦੀ।
ਪੱਗ ਨੂੰ ਬਚਾਉਂਦੇ ਵਗ਼ੇ ਖੂਨ ਦੀ ਸੀ ਖਾਲ।
ਪੱਗ ਦਾ ਕਮਾਲ ਵੀਰਾ ... ਸੁਣ ਬਹਿ ਕੇ ਉਨ੍ਹਾਂ ਸਿੰਘਾਂ ਦੀ ਕਹਾਣੀ।
ਪੱਗ ਲਈ ਵਿਦੇਸ਼ਾਂ ਵਿਚ ਹਿੱਕ ਜਿਨ੍ਹਾਂ ਤਾਣੀ।
ਸ਼ਾਨ ਉਨ੍ਹਾਂ ਰੱਖੀ ‘ਬੇਲੀ’ ਪੱਗ ਦੀ ਬਹਾਲ।
ਪੱਗ ਦਾ ਕਮਾਲ ਵੀਰਾ ਪੱਗ ਦਾ ਕਮਾਲ।
ਲੱਖਾਂ ’ਚੋਂ ਪਛਾਣ ਤੇਰੀ ਇਸ ਪੱਗ ਨਾਲ। | 
_o44br8jj.jpg)
