ਵੈਸੇ ਤਾਂ ਇਹ ਮਹੀਨਾ ਸ਼ਹੀਦੀਆਂ ਭਰਿਆ ਹੀ ਹੈ। ਬਾਦਸ਼ਾਹ ਦਰਵੇਸ਼ ਸ਼੍ਰੀ ਗੁਰੂ ਗੋਬਿੰਦ ਸਿੰਘ ਜੀ ਦਾ ਸਾਰਾ ਪਰਿਵਾਰ ਵਿਛੜ ਗਿਆ ਸੀ। ਮਾਤਾ ਗੁਜਰੀ ਜੀ ਤੇ ਛੋਟੇ ਸਾਹਿਬਜ਼ਾਦਿਆਂ ਦੀ ਸ਼ਹੀਦੀ ਵੀ ਇਹਨਾਂ ਹੀ ਦਿਨਾਂ ਚ ਹੋਈ ਸੀ । ਛੋਟੇ ਹੁੰਦੇ ਤੋਂ ਹੀ ਸੁਣਦੇ ਆ ਰਹੇ ਆ ਕੇ ਭਾਈ ਇਹਨਾਂ ਦਿਨਾਂ ਨਾਮ ਜਿਆਦਾ ਜਪਣਾ ਚਾਹੀਦਾ । ਬਹੁਤ ਕਰੜਾ ਸਮਾਂ ਸੀ। ਪਰ ਅਫਸੋਸ "ਅੱਜ ਅਸੀਂ ਸਾਰੇ ਆਪਣੇ ਆਪਣੇ ਅੰਦਰ ਝਾਤੀ ਮਾਰੀਏ ਕੇ ਅਸੀਂ ਕਿੱਥੇ ਕੁ ਖੜੇ ਆ ..? ਅੱਜ ਸਾਨੂੰ ਆਪਣੇ ਕੱਦ ਐਨੇ ਵੱਡੇ ਜਾਪਣ ਲੱਗ ਪਏ ਕੇ ਅਸੀਂ ਗੁਰੂ ਸਾਹਿਬਾਨ ਦੇ ਕਿਰਦਾਰਾਂ ਤੇ ਵੀ ਉਂਗਲ ਚੁੱਕਣ ਲੱਗੇ ਰਤਾ ਢਿੱਲ ਨੀ ਕਰਦੇ। ਸਾਡਾ ਵਜੂਦ ਕੀ ਆ ..?ਸਾਡੀ ਹੋਂਦ ਕੀ ਆ ..? ਜਾਂ ਇਸ ਸਮਾਜ ਨੂੰ ਸਾਡੀ ਕੀ ਦੇਣ ਆ। ਇੱਕ ਵਾਰ ਜਰੂਰ ਸੋਚਿਓ। ਇਕ ਕਾਲਪਨਿਕ ਵਾਰਤਾ ਤੁਹਾਡੇ ਸਾਹਮਣੇ ਰੱਖਣ ਲੱਗਾ ਜੋ ਮਨ ਦੀ ਉਪਜ ਹੈ , "ਸੋਚਣਾ ਜ਼ਰੂਰ........ਅਸੀ ਸਾਰੇ ਕੀ ਸਾਂ, ਤੇ ਕੀ ਬਣ ਚੁਕੇ ਹਾਂ। ਬਿਲਕੁਲ ਸ਼ਾਤ ਵਾਤਾਵਰਣ ਤੇ ਇਕ ਇਲਾਹੀ ਨੂਰ ਦਾ ਪ੍ਰਕਾਸ਼ ਚਾਰੇ ਪਾਸੇ ਪਸਰ ਰਿਹਾ! ਕਾਇਨਾਤ ਉਸਦੀ ਸੇਵਾ ਚ ਹਾਜ਼ਿਰ ਹੈ , ਉਸੇ ਵਕਤ ਇਕ ਦਸਤਕ ਹੁੰਦੀ ਹੈ ਮਾਤਾ ਸਾਹਿਬ ਕੌਰ ਜੀ ਦੀ ...ਸਤਿਗੁਰੂ ਨੀਲੇ ਦੇ ਸ਼ਾਹ ਅਸਵਾਰ ਦੇ ਸਨਮੁਖ ਆਣ ਕਿ ਮਾਤਾ ਜੀ ਨਮਨ ਕਰਦੇ ਹਨ ....ਪਾਤਸ਼ਾਹ ਕਹਿਣ ਲਗੇ ਸਾਹਿਬ ਕੌਰ ਜੀ ਚਿਹਰੇ ਦੇ ਹਾਵ ਭਾਵ ਦਸਦੇ ਨੇ ਕੁਝ ਪੁਛਣਾ ਲੋਚਦੇ ਹੋ? ਮਾਤਾ ਜੀ ਕਹਿਣ ਲਗੇ ਹਾਂਜੀ ...ਪੁਛਣਾ ਤਾਂ ਚਾਹੁੰਦੀ ਹਾਂ ਜੇ ਤੁਹਾਡਾ ਹੁਕਮ ਹੋਵੇ ਤਾਂ! .....ਸਤਿਗੁਰੂ ਕਹਿਣ ਲਗੇ ਜ਼ਰੂਰ ਪੁਛੋ ਕੀ ਪੁਛਣਾ ....ਮਾਤਾ ਜੀ ਕਹਿਣ ਲਗੇ ...ਗੁਰੂ ਸਾਹਿਬ ਤੁਹਾਨੂੰ ਪਤਾ ਇਕ ਮਾਂ ਲਈ ਸਭ ਤੋ ਲੋੜੀਦੀ ਪਿਆਰੀ ਚੀਜ਼ ਕੀ ਹੁੰਦੀ ਹੈ ਜਹਾਨ ਚ? ਸਤਿਗੁਰੂ ਆਖਣ ਲਗੇ ਤੁਸੀ ਦਸੋ ਸਾਹਿਬ ਕੌਰ ਜੀ , ਮਾਤਾ ਜੀ ਕਹਿਣ ਲਗੇ ....ਇਕ ਮਾਂ ਲਈ ਉਸਦੀ ਔਲਾਦ ਸਭ ਤੋ ਕੀਮਤੀ ਹੈ ਇਸ ਜਹਾਨ ਚ ....ਮੇਰੇ ਚਾਰ ਪੁਤਰ ਸਨ। ਜੋ ਮੈਨੂੰ ਬਹੁਤ ਪਿਆਰ ਕਰਦੇ ਸਨ! ਪਰ ਸਤਿਗੁਰੂ ਤੁਸੀ ਮੇਰੇ ਚਾਰੇ ਪੁਤ ਮੈਥੋ ਪੁਛੇ ਬਿਨ੍ਹਾਂ ਤੋਰ ਦਿਤੇ। ਮੈ ਫਿਰ ਵੀ ਸਬਰ ਦਾ ਘੁਟ ਭਰ ਲਿਆ ਜਦ ਸਾਬੋ ਕੀ ਤਲਵੰਡੀ ਤੁਸੀ ਬੜੇ ਫਕਰ ਨਾਲ ਕਿਹਾ ਸੀ ਮੈਨੂੰ ......ਸਾਹਿਬ ਕੌਰੇ! ਤੂੰ ਚਾਰ ਪੁਤਰਾਂ ਦਾ ਝੋਰਾ ਨ ਕਰੀਂ ...ਆਹ ਦੇਖ ਤੇਰੀ ਝੋਲੀ ਚ ਹਜ਼ਾਰਾਂ ਪੁਤ ਪਾਉਣ ਲੱਗਾ .... ਇਨ ਪੁਤਰਨ ਕੇ ਸੀਸ ਪਰ ਵਾਰ ਦੀਏ ਸੁਤ ਚਾਰ,
ਚਾਰ ਮੂਏ ਤੋ ਕਯਾ ਭਯਾ ਜੀਵਤ ਕਈ ਹਜ਼ਾਰ !! ਯਾਦ ਹੈ ਨਾ ਤੁਹਾਨੂੰ ਉਹ ਦਿਨ ..? ਸਾਹਿਬ ਕਹਿਣ ਲਗੇ ਬਿਲਕੁਲ ਸਾਹਿਬ ਕੌਰੇ ਮੈਨੂੰ ਚੇਤਾ ਹੈ ! ਤੇਰੇ ਚਾਰ ਲੈ ਕਿ ਹਜ਼ਾਰਾ ਤੇਰੀ ਝੌਲੀ ਪਾਏ ਸੀ । ਪਰ ਅਜ ਤੂੰ ਇਹ ਕਿਉ ਪੁਛਦੀ ਪਈ ਆਂ ? ...ਖੁਲ ਕੇ ਦਸ ! ......ਮਾਤਾ ਸਾਹਿਬ ਕੌਰ ਆਖਣ ਲਗੇ ਅਜ ਮੇਰੇ ਫਤਿਹ ਸਿੰਘ ਦਾ ਜਨਮ ਦਿਨ ਆ ਸੱਚੇ ਪਾਤਸ਼ਾਹ ....ਮੈ ਤੁਹਾਡੇ ਅਗੇ ਅਰਜ਼ ਲੈ ਕਿ ਆਈ ਹਾਂ ! ਆਪਣੇ ਹਜ਼ਾਰਾਂ ਚੋ ਬਸ ਮੇਰਾ ਇਕ ਫਤਿਹ ਮਿਲਾ ਦੋ , ਮੈ ਤਾਂ ਲੱਭ ਕਿ ਥਕ ਗਈ .....ਜਿਸ ਨੂੰ ਕਲੇਜੇ ਲਾ ਕਿ ਠੰਢ ਪਾ ਸਕਾਂ ! ਤੁਹਾਨੂੰ ਹਜ਼ਾਰਾਂ ਦਿਤੇ ਸੀ ...ਮੈਨੂੰ ਮੇਰਾ ਫਤਿਹ ਸਿੰਘ ਚਾਹੀਦਾ ਪਾਤਸ਼ਾਹ ਦੇ ਦਿਉ .......ਇਹ ਗੱਲ ਸੁਣ ਪਾਤਸ਼ਾਹ ਨੇ ਚਿਹਰਾ ਦੂਜੇ ਪਾਸੇ ਕਰ ਲਿਆ .....ਤੇ ਅਜ ਸਾਹਿਬਾਂ ਦੇ ਨੇਤਰਾਂ ਚੋ ਬੂੰਦ ਟਪਕੀ ਤੇ ਸਤਿਗੁਰੂ ਭਰੇ ਬੋਲਾਂ ਨਾਲ ਕਹਿਣ ਲਗੇ ਸਾਹਿਬ ਕੌਰੇ .....ਤੈਨੂੰ ਕਿਥੋ ਮਿਲਾ ਦਿਆਂ ਫਤਿਹ ਸਿੰਘ ....ਅਜੇ ਤੇ ਮੈਨੂੰ ਵੀ ਨਹੀ ਮਿਲਿਆ .....ਜਿਨ੍ਹਾਂ ਤੇ ਮਾਣ ਸੀ ਉਹ ਅਜ ... ਉਹ ਸਿੱਖੀ ਤੋ ਬੇਮੁਖ ਹੋ ਕੇ ਨਸ਼ਿਆਂ ਚ ਗਲਤਾਨ ਐਸ਼ ਪ੍ਰਾਸਤੀ ਭਰਿਆ ਜੀਵਨ ਬਤੀਤ ਕਰ ਰਹੇ ਨੇ ! ਸਾਹਿਬ ਬੋਲਦੇ ਬੋਲਦੇ ਰੁਕ ਗਏ ਤੇ ਦੁਬਾਰਾ ਗੱਲ ਕਹਿਣ ਲਈ ਬੁਲ ਫਰਕੇ ਪਰ ਬੋਲ ਅਧੂਰੇ ਰਹਿ ਗਏ ....!! ਸ਼ਾਇਦ ਇਸ ਕਾਲਪਨਿਕ ਕਹਾਣੀ ਨੂੰ ਪੜ ਕਿ ਮੇਰੇ ਵਰਗੇ ਭਗੌੜੇ ਆਪਣੇ ਅੰਦਰ ਤੇ ਚਿਹਰੇ ਵਲ ਦੇਖਣ ਦੀ ਹਿੰਮਤ ਕਰਨ ਕੇ ਸਾਡੇ ਕਰਕੇ ਅਜ ਬਾਜ਼ਾਂ ਵਾਲੇ ਦੇ ਦਿਲ ਤੇ ਕੀ ਬੀਤ ਦੀ ਪਈ ਆ ...... | 
