ਕੱਟੜ ਆਰੀਆ ਸਮਾਜੀ, ਗ਼ਦਰ ਲਹਿਰ ਦੇ ਫੰਡ ਵਿੱਚ ਗਬਨ ਕਰਨ ਵਾਲੇ, ਪਹਿਲੀ ਵਾਰ ਪੰਜਾਬ ਖਿੱਤੇ ਨੂੰ ਧਰਮ ਆਧਾਰਿਤ ਵੰਡ ਕਰਨ ਦੀ ਗੱਲ ਕਰਨ ਵਾਲੇ, ਲਾਲਾ ਲਾਜਪਤ ਰਾਇ; ਜਿਸਨੂੰ ਭਗਤ ਸਿੰਘ ਹੁਣਾਂ ਨੇ 'ਦਾ ਲੌਸਟ ਲੀਡਰ' ਕਵਿਤਾ ਭੇਟ ਕਰਕੇ ਨਿਰੁਤਰ ਕੀਤਾ ਸੀ, 17 ਨਵੰਬਰ 1928 ਈਸਵੀ ਨੂੰ ਦਿਲ ਫੇਲ੍ਹ ਹੋਣ ਕਰਕੇ ਦੁਨੀ ਸੁਹਾਵਾ ਬਾਗ ਛੱਡ ਗਿਆ।

ਪਰ ਕਾਂਗਰਸ ਨੇ ਲਾਲੇ ਦੀ ਕੁਦਰਤੀ ਮੌਤ ਨੂੰ ਝੂਠੇ ਪ੍ਰਚਾਰ ਤੰਤਰ ਦੁਆਰਾ ਕਤਲ ਸਾਬਿਤ ਕਰਨ ਦੀ ਕੋਸ਼ਿਸ਼ ਕੀਤੀ, ਅਖੇ ਇਹ ਸਾਈਮਨ ਕਮਿਸ਼ਨ ਦੀ ਵਿਰੋਧਤਾ ਵਖ਼ਤ ਲੱਗੀਆਂ ਡਾਂਗਾ ਕਰਕੇ ਹੋਇਆ, ਇਹ ਨਿਰਾ ਪੁਰਾ ਝੂਠ ਹੈ, ਕਿਉਂਕਿ ਲਾਲੇ ਦੇ ਕੋਈ ਇਕ ਅੱਧ ਪੋਲ੍ਹੀ ਜੀ ਡਾਂਗ ਵੱਜੀ ਸੀ, ਉਸ ਦਿਨ ਸ਼ਾਮ ਨੂੰ ਉਸਨੇ ਇਕ ਇਕੱਠ ਨੂੰ ਸੰਬੋਧਨ ਕੀਤਾ, ਫਿਰ ਦਿੱਲੀ ਕਲਕੱਤੇ ਦਾ ਸਫਰ ਵੀ ਕੀਤਾ! ਉਹ ਬਿਲਕੁਲ ਠੀਕ ਸੀ ਬਸ ਦਿਲ ਫੇਲ੍ਹ ਹੋਣ ਨਾਲ ਮਰ ਗਿਆ।

ਭਗਤ ਸਿੰਘ ਹੁਣੀ ਨੌਜੁਆਨ ਸਨ, ਕਾਂਗਰਸੀ ਝੂਠ ਨੂੰ ਸਮਝ ਨ ਸਕੇ ਤੇ ਜਿਸ ਲਾਲੇ ਨੂੰ ਨਿਰੁਤਰ ਕੀਤਾ ਸੀ, ਉਸ ਖਾਤਰ ਹੀ ਸਕਾਟ ਮਾਰਨ ਦੀ ਤਿਆਰੀ ਕੀਤੀ ਪਰ ਭੁਲੇਖੇ ਨਾਲ ਸਾਂਡਰਸ ਮਾਰ ਬੈਠੇ। ਭਗਤ ਸਿੰਘ ਹੁਣਾਂ ਦੀ ਭਾਵਨਾ ਦੀ ਕਦਰ ਹੈ ਪਰ ਉਹ ਵਿਚਾਰੇ ਕਾਂਗਰਸ ਤੇ ਲਾਲੇ ਦੀ ਲਾਬੀ ਦੀ ਅਸਲੀਅਤ ਨ ਸਮਝ ਸਕੇ।