ਅਕਾਲੀ ਦਲ ਸਿੱਖਾਂ ਦੀ ਸਿਰਮੌਰ ਸੰਸਥਾ ਸੀ। ਮਾਸਟਰ ਤਾਰਾ ਸਿੰਘ ਵਰਗਾ ਗੁਰੂਪਿਆਰਾ ਇਸਦਾ ਪ੍ਰਧਾਨ ਰਿਹਾ, ਜਿਸ ਲਈ ਦੇਸ ਜਾਂ ਸਿੱਖੀ ਵਿਚੋਂ ਹਮੇਸ਼ਾ ਸਿੱਖੀ ਅਹਿਮ ਰਹੀ ਹੈ; ਪਰ ਉਸ ਗੁਰ ਸੁਆਰੇ ਨੂੰ ਸਟੇਟ ਦੇ ਸਿਰਜੇ ਘੜੇ ਸੰਦਾਂ ਦੇ ਰਟਾਏ ਸਬਕਾਂ ਨਾਲ ਸਿੱਖਾਂ ਨੇ ਹੀ ਜ਼ਲੀਲ ਕੀਤਾ ਤੇ ਅੱਜ ਅਕਾਲੀ ਦਲ ਦੀ ਬਜਾਇ ਕਾਲੀ ਦਲ ਦੇ ਹਥੋਂ ਆਪਣੀ ਨਸਲ ਦਾ ਨੁਕਸਾਨ ਵੀ ਕਰਵਾਇਆ। ਇਕ ਬੰਨੇ ਸ੍ਰੋਮਣੀ ਅਕਾਲੀ ਦਲ ਦੇ ਪ੍ਰਧਾਨ ਅਤੇ ਬਾਦਲਾਂ ਦੀ ਨਲਾਇਕ ਔਲਾਦ ਦਾ ਜ਼ੋਰ ਲੱਗ ਗਿਆ ਇਹ ਦੱਸਣ ਲਈ ਕਿ ਉਹ ਸਭ ਤੋਂ ਪਹਿਲਾਂ ਭਾਰਤੀ ਹੈ। ਸਿੱਖ ਬਾਅਦ ਵਿੱਚ ਹੈ। ਇਸ ਗੱਲ ਉੱਤੇ ਤਾਂ ਇਸ ਨੂੰ ਫਿੱਟ ਲਾਹਣਤ ਪਾਈ ਜਾ ਸਕਦੀ ਹੈ ( ਵੈਸੇ ਜੱਥੇਦਾਰ ਕੀ ਕਹਿੰਦਾ ਉਹ ਪਹਿਲਾਂ ਕੀ ਹੈ? ਕਿਉਂਕਿ ਅੱਜਕਲ ਕੌਮ ਦੇ ਘੱਟ ਤੇ ਬਾਦਲਾਂ ਦੇ ਬਹੁਤੇ ਤਾਅਬੇਦਾਰ ਜੁ ਹੋਏ) ਹੁਣ ਦੂਜੇ ਬੰਨੇ ਵੰਨਗੀ ਮਾਤਰ ਵੇਖੋ ਮਾਸਟਰ ਤਾਰਾ ਸਿੰਘ ਜੋ ਅਕਾਲੀ ਦਲ ਦਾ ਪ੍ਰਧਾਨ ਸੀ ਉਸਦੀ ਸਪੱਸ਼ਟ ਟਿੱਪਣੀਆਂ:- "ਮੈਨੂੰ ਫਿਰਕੂ ਅਖਵਾਉਣ ਤੋਂ ਕੋਈ ਡਰ ਨਹੀਂ ਲੱਗਦਾ, ਪਰ ਕੌਮੀ ਅਖਵਾਣ ਤੋਂ ਜ਼ਰੂਰ ਡਰ ਲੱਗਦਾ ਹੈ ।"
"ਜੋ ਪੰਥ ਦਾ ਦੁਸ਼ਮਣ ਹੈ ਉਹ ਮੇਰਾ ਦੁਸ਼ਮਨ ਹੈ। ਜੋ ਪੰਥ ਦਾ ਸਜਨ ਹੈ ਉਹ ਮੇਰਾ ਸਜਣ ਹੈ।"
"ਪੰਥ ਦੀ ਖਾਤਰ ਮੈਂ ਦੇਸ਼ ਛੱਡਣ ਲਈ ਤਿਆਰ ਹਾਂ, ਦੇਸ਼ ਦੀ ਖ਼ਾਤਰ ਪੰਥ ਛੱਡਣ ਲਈ ਤਿਆਰ ਨਹੀਂ ਹਾਂ। ਦੇਸ਼ ਮੈਂ ਬਦਲ ਸਕਦਾ ਹਾਂ ਪਰ ਪੰਥ ਨਹੀਂ ਬਦਲ ਸਕਦਾ।" (ਸੰਗਤੇ ਫਰਕ ਵੇਖੋ , ਇਕ ਬੰਨੇ ਪੰਥ ਦੀ ਜਮਾਤ ਅਕਾਲੀ ਦਲ ਦੇ ਪ੍ਰਧਾਨ ਦੇ ਬਿਆਨ ਤੇ ਇਕ ਬੰਨੇ ਥਂਲੇ ਫੋਟੋ ਵਿੱਚ ਕਾਲੀ ਦਲ ਬਾਦਲ ਦੇ ਪ੍ਰਧਾਨ ਦਾ ਲਾਹਣਤੀ ਬਿਆਨ) ਅਕਾਲੀ ਦਲ, ਕਾਲੀ ਦਲ ਦਾ ਸਫ਼ਰ ਤਹਿ ਕਰ ਖ਼ਤਮ ਕਿਉਂ ਹੋ ਗਿਆ? ਹੁਣ ਅਸਲ ਸਮੱਸਿਆ ਕਿਥੇ ਹੈ? ਤੇ ਹੱਲ ਕੀ ਹੈ ? ਇਹ ਮਾਸਟਰ ਜੀ ਦੀ ਜ਼ੁਬਾਨੀ ਹੀ ਪੜ੍ਹੋ :- ਕਹਿੰਦੇ ਹਨ ਕਿ ਜਦੋਂ ਰਾਜਿੰਦਰ ਪ੍ਰਸਾਦ ਦੇ ਰਿਟਾਇਰ ਹੋਣ ਦਾ ਵਕਤ ਆਇਆ ਤਾਂ ਨਹਿਰੂ ਨੇ ਮੋਲਾਨਾ ਆਜ਼ਾਦ ਦੇ ਰਾਹੀਂ ਮਾਸਟਰ ਤਾਰਾ ਸਿੰਘ ਨੂੰ ਸੁਨੇਹਾ ਭੇਜਿਆ “ਰਾਜਨ ਬਾਬੂ ਕੇ ਰਿਟਾਇਰ ਹੋਨੇ ਕੇ ਬਾਅਦ ਰਾਧਾਕ੍ਰਿਸ਼ਨਨ ਰਾਸ਼ਟਰਪਤੀ ਬਣ ਜਾਏਂਗੇ। ਮਾਸਟਰ ਤਾਰਾ ਸਿੰਘ ਜੀ ਭੀ ਪੁਰਾਣੇ ਦੇਸ਼ ਭਗਤ ਹੈਂ, ਅਗਰ ਵੁਹ ਉਪਰਾਸ਼ਟਰਪਤੀ ਬਣਕੇ ਹਮਾਰੇ ਸਾਥ ਮਿਲ ਕੇ ਦੇਸ਼ ਕੀ ਸੇਵਾ ਕਰੇਂ ਤੋ ਹਮੇ ਬਹੁਤ ਖੁਸ਼ੀ ਹੋਗੀ।"
ਮਾਸਟਰ ਤਾਰਾ ਸਿੰਘ ਦੇ ਕਈ ਸ਼ੁਭ ਚਿੰਤਕਾਂ ਨੇ ਵੀ ਉਨ੍ਹਾ ਨੂੰ ਇਹੋ ਸਲਾਹ ਦਿਤੀ.” ਤੁਸੀਂ ਸਿਖ ਰਾਜ ਦਾ ਸੁਪਨਾ ਦੇਖਦੇ ਹੋ,ਅੱਜ ਤੁਸੀਂ ਉਪ ਰਾਸ਼ਟਰਪਤੀ ਬਣ ਜਾਉ, ਕਲ ਨੂੰ ਰਾਸ਼ਟਰ ਪਤੀ ਬਣ ਜਾਉਗੇ, ਸਾਰੀ ਕੈਬਿਨੇਟ ਨੂੰ ਆਪਣੇ ਹਿਸਾਬ ਨਾਲ ਚਲਾਣ ਦਾ ਅਧਿਕਾਰ ਤੁਹਾਡੇ ਕੋਲ ਹੋਵੇਗਾ ਫਿਰ ਤੁਹਾਡਾ ਸਿਖ ਰਾਜ ਦਾ ਸੁਪਨਾ ਪੂਰਾ ਹੋ ਜਾਵੇਗਾ” ਤਾਂ ਮਾਸਟਰ ਤਾਰਾ ਸਿੰਘ ਦਾ ਜਵਾਬ ਸੀ” ਜੇ ਮੈਂ ਅਹੁਦਾ ਕਬੂਲ ਕਰ ਲੈਂਦਾ ਹਾਂ ਤੇ ਮੈਂ ਵੀ ਮਰਿਆ, ਅਕਾਲੀ ਦਲ ਵੀ ਖਤਮ ਤੇ ਪੰਥ ਹਿਤਾਂ ਦੇ ਵਿਚਾਰਾਂ ਦਾ ਵੀ ਭੋਗ ਪੈ ਜਾਉਗਾ। ਅਕਾਲੀ ਦਲ ਉਤਨਾ ਚਿਰ ਹੀ ਕਾਇਮ ਰਹਿ ਸਕਦਾ ਹੈ ਜਦ ਤਕ ਇਸਦਾ ਪ੍ਰਧਾਨ ਕੋਈ ਸਰਕਾਰੀ ਅਹੁਦਾ ਕਬੂਲ ਨਹੀਂ ਕਰਦਾ, ਜਿਸ ਦਿਨ ਕਿਸੇ ਨੇ ਸਰਕਾਰੀ ਅਹੁਦਾ ਕਬੂਲ ਕਰ ਲਿਆ ਪੰਥ ਦੀ ਅਵਾਜ਼ ਖੇਰੂੰ ਖੇਰੂ ਹੋ ਜਾਏਗੀ। | 
