ਧੰਨ ਧੰਨ ਸ੍ਰੀ ਗੁਰੂ ਗੋਬਿੰਦ ਜੀ ਜਦੋਂ ਚਮਕੌਰ ਦੀ ਗੜੀ ਵਿਚੋਂ ਪੰਜਾਂ ਪਿਆਰਿਆ ਦਾ ਹੁਕਮ ਮੰਨ ਕੇ ਚਾਲਾ ਪਾਇਆ। ਚਮਕੌਰ ਦੀ ਗੜੀ ਵਿੱਚੋਂ ਨਿਕਲ ਮਾਛੀਵਾੜੇ ਤੋਂ ਆਲਮਗੀਰ ਹੁੰਦੇ ਹੋਏ ਗੁਰੂ ਜੀ ਆਪਣੇ ਤਿੰਨ ਸਾਥੀਆ ਨਾਲ 31 ਦਸੰਬਰ 1704 ਈਸਵੀ ਨੂੰ ਪਿੰਡ ਮੋਹੀ, ਜਿਲ੍ਹਾ ਲੁਧਿ. ਦੀ ਧਰਤੀ ਉਪਰ ਮੁਬਾਰਕ ਚਰਨ ਪਾਏ। ਪਿੰਡ ਮੋਹੀ ਤੋਂ ਬਾਹਰ-ਬਾਹਰ ਸੰਘਣੇ ਦਰੱਖਤਾਂ ਦੀ ਝੜੀ ਸੀ ਅਤੇ ਇੱਕ ਛੋਟੀ ਪਾਣੀ ਦੀ ਢਾਬ ਸੀ। ਗੁਰੂ ਸਾਹਿਬ ਜੀ ਨੇ ਇਕਾਂਤ ਥਾਂ ਜਾਣ ਕੇ ਇੱਥੇ ਵਿਸਰਾਮ ਕੀਤਾ ਜਦੋਂ ਪਿੰਡ ਦੇ ਲੋਕਾਂ ਨੂੰ ਗੁਰੂ ਜੀ ਦੇ ਇੱਥੇ ਠਹਿਰਨ ਦਾ ਪਤਾ ਲੱਗਾ ਤਾਂ ਪਿੰਡ ਵਾਸੀ ਗੁਰੂ ਸਾਹਿਬ ਜੀ ਨੂੰ ਆ ਕੇ ਮਿਲੇ ਅਤੇ ਸਰਧਾ ਭਾਵਨਾ ਨਾਲ ਜਲ ਪਾਣੀ ਦੀ ਸੇਵਾ ਕੀਤੀ ਅਤੇ ਕਿਸੇ ਹੋਰ ਸੇਵਾ ਵਾਸਤੇ ਪੁੱਛਿਆ। ਗੁਰੂ ਜੀ ਦੀ ਉਂਗਲ ਵਿੱਚ ਉਸ ਸਮੇਂ ਇੱਕ ਛੱਲਾ (ਮੁੰਦੀ ਸਾਹਿਬ) ਪਾਇਆ ਹੋਇਆ ਸੀ ਜਿਸ ਦੀ ਸਹਾਇਤਾ ਯੁੱਧ ਸਮੇਂ ਗੁਰੂ ਜੀ ਤੀਰ ਚਲਾਉਂਦੇ ਸਨ। ਉਸ ਸਮੇਂ ਇਸ ਉਂਗਲ ਨੂੰ ਸੋਜ ਆਈ ਹੋਈ ਸੀ। ਗੁਰੂ ਜੀ ਨੇ ਪਿੰਡ ਵਾਸੀਆਂ ਨੂੰ ਕਿਸੇ ਮਿਸਤਰੀ ਸਿੰਘ ਨੂੰ ਬੁਲਾਕੇ ਛੱਲਾ ਕਟਵਾਉਣ ਲਈ ਕਿਹਾ। ਪਿੰਡ ਦੇ ਵਾਸੀ ਜਵਾਲਾ ਸਿੰਘ ਜੀ ਲੁਹਾਰ ਨੇ ਛੱਲਾ ਕੱਟ ਦਿੱਤਾ। ਗੁਰੂ ਜੀ ਜਵਾਲਾ ਸਿੰਘ ਤੇ ਬੜੇ ਖੁਸ਼ ਹੋਏ ਅਤੇ ਉਸ ਦੇ ਪਰਿਵਾਰ ਨੂੰ ਪੀੜੀ ਦਰ ਪੀੜੀ ਵੱਧਣ ਫੁੱਲਣ ਦਾ ਵਰ ਦਿੱਤਾ ਤੇ ਕੱਟਿਆ ਹੋਇਆ ਛੱਲਾ (ਮੁੰਦੀ ਸਾਹਿਬ) ਜਵਾਲਾ ਸਿੰਘ ਨੂੰ ਨਿਸ਼ਾਨੀ ਵਜੋ ਦੇ ਦਿੱਤਾ। ਜਦੋਂ ਭਾਈ ਜਵਾਲਾ ਸਿੰਘ ਨੂੰ ਗੁਰੂ ਜੀ ਨੇ ਦਾਤਾ ਬਖਸੀਆਂ ਅਤੇ ਛੱਲਾ (ਮੁੰਦੀ ਸਾਹਿਬ) ਦਿੱਤੀ ਤਾਂ ਭਾਈ ਜਵਾਲਾ ਸਿੰਘ ਬੇਨਤੀ ਕਰਨ ਲੱਗੇ ਕਿ ਮੈਂ ਵੀ ਆਪ ਜੀ ਨੂੰ ਕੁੱਝ ਭੇਟ ਕਰਨਾ ਚਾਹੁੰਦਾ ਹਾਂ ਤਾਂ ਭਾਈ ਜਵਾਲਾ ਸਿੰਘ ਨੇ ਆਪਣੇਤਾਂ ਦੀ ਕਾਰਾਗਰੀਨਾਲ ਤਿਆਰ ਕੀਤਾ ਲੋਟਾ (ਗੰਗਾਂ ਸਾਗਰ) ਜਿਸ ਵਿੱਚ 111 ਸੇਖ ਸਨ, ਗੁਰੂ ਜੀ ਨੂੰ ਸਤਿਕਾਰ ਵਜੋਂ ਭੇਟ ਕੀਤਾ। ਇਹ ਗੰਗਾ ਸਾਗਰ ਗੁਰੂ ਜੀ ਨੇ ਨਿਸ਼ਾਨੀ ਵਜੋਂ ਰਾਏਕੋਟ ਦੇ ਸੇਵਕ ਰਾਏ ਕੱਲ੍ਹਾ ਜੀ ਨੂੰ ਦੇ ਗਏ ਸਨ ਜੋ ਅੱਜ ਕੱਲ ਉਹਨਾਂ ਦੇ ਪਰਿਵਾਰ ਦੇ ਮੈਂਬਰ ਅਜੀਜ ਉਲਾ ਵਾਸੀ ਪਾਕਿਸਤਾਨ ਕੋਲ ਹੈ। ਭਾਈ ਜਵਾਲਾ ਸਿੰਘ ਜੀ ਦੀ ਵੰਸ ਵਿੱਚੋਂ ਭਾਈ ਬੂਟਾ ਸਿੰਘ ਜੀ ਨੂੰ ਪਿੰਡ ਮੋਹੀ ਤੋਂ ਭੰਮੀਪੁਰਾ ਕਲਾਂ ਵਿੱਚ ਵੱਸਣ ਲਈ ਪਿੰਡ ਭੰਮੀਪੁਰਾ ਕਲਾਂ ਦੇ ਪਿੰਡ ਵਾਸੀ ਸਤਿਕਾਰ ਵਜੋ ਪੱਗ ਦੇ ਕੇ ਇੱਥੇ ਲੈ ਆਏ ਸਨ। ਹੁਣ ਇਹ ਛੱਲਾ (ਮੁੰਦੀ ਸਾਹਿਬ) ਸੇਵਾ ਫੌਜੀ ਕੁਲਦੀਪ ਸਿੰਘ ਚਾਨੇ ਪਾਸ ਇੱਕ ਸੀਸੇ ਦੇ ਬਖਸੇ ਵਿੱਚ ਬੜੇ ਸਤਿਕਾਰ ਨਾਲ ਸੰਭਾਲ ਕੇ ਰੱਖੀ ਹੋਈ ਹੈ। ਹਰ ਮਹੀਨੇ ਦੀ ਚਾਨਣੀ ਦਸਵੀਂ ਨੂੰ ਚਾਨੇ ਪਰਿਵਾਰ ਅਤੇ ਹੋਰ ਸੰਗਤ ਇਕੱਠੀ ਹੁੰਦੀ ਹੈ, ਕੜਾਹ ਪ੍ਰਸ਼ਾਦ ਦੀ ਦੇਗ ਬਣਾ ਕੇ ਅਰਦਾਸ ਕਰਕੇ ਆਈ ਸਾਧ ਸੰਗਤ ਨੂੰ ਛੱਲਾ (ਮੁੰਦੀ ਸਾਹਿਬ) ਦੇ ਦਰਸ਼ਨ ਕਰਵਾਏ ਜਾਂਦੇ। | 
_urskt898.png)
