18 ਸਤੰਬਰ 1887 ਵਾਲੇ ਦਿਨ ਮਹਾਰਾਜਾ ਦਲੀਪ ਸਿੰਘ ਦੀ ਪਹਿਲੀ ਪਤਨੀ ਬੰਬਾ ਮੂਲਰ ਦਾ 39 ਵਰ੍ਹਿਆਂ ਦੀ ਉਮਰ ਵਿੱਚ ਦੇਹਾਂਤ ਹੋ ਗਿਆ।

ਮਹਾਰਾਜਾ ਦਲੀਪ ਸਿੰਘ ਦੀ ਪਹਿਲੀ ਪਤਨੀ ਬੰਬਾ ਮੂਲਰ ਦਾ ਜਨਮ 6 ਜੁਲਾਈ 1848 ਨੂੰ ਮਿਸਰ ਦੀ ਰਾਜਧਾਨੀ ਕਾਹਿਰਾ ਵਿਖੇ ਹੋਇਆ ਸੀ।ਬੰਬਾ ਦੇ ਪਿਤਾ ਲੁਡਵਿਗ ਮੂਲਰ ਇਕ ਜਰਮਨ ਬੈਂਕਰ ਸਨ।

ਅਪਣੀ ਮਾਤਾ ਮਹਾਰਾਣੀ ਜਿੰਦਾ ਕੌਰ ਦੇ ਸਸਕਾਰ ਦੀਆਂ ਆਖ਼ਰੀ ਰਸਮਾਂ ਕਰਕੇ ਮਹਾਰਾਜਾ ਦਲੀਪ ਸਿੰਘ ਮੁੰਬਈ ਤੋਂ ਵਾਪਸ ਪਰਤਦੇ ਵਕਤ ਕਾਹਿਰਾ ਵਿੱਖੇ ਰੁਕਿਆ ਸੀ। ਇਥੇ ਆਪ ਨੇ ਜਦੋਂ ਮਿਸ਼ਨਰੀ ਸਕੂਲ ਦਾ ਦੌਰਾ ਕੀਤਾ ਤਾਂ ਉਸ ਸਮੇਂ ਉਸ ਦੀ ਨਜਰ ਬੰਬਾ ਮੂਲਰ ਉਪਰ ਪਈ ਅਤੇ ਉਸਨੇ ਉਸਦੀ ਖ਼ੂਬਸੂਰਤੀ ਤੇ ਮੋਹਿਤ ਹੋਕੇ ਉਸ ਅੱਗੇ ਆਪਣੇ ਪਿਆਰ ਦਾ ਇਜ਼ਹਾਰ ਕੀਤਾ ਅਤੇ ਵਿਆਹ ਦੀ ਪੇਸ਼ਕਸ਼ ਕਰ ਦਿੱਤੀ।

7 ਜੂਨ 1864 ਵਾਲੇ ਦਿਨ ਕਾਹਿਰਾ ਵਿੱਖੇ ਬਰਤਾਨਵੀ ਐਂਬਸੀ ਵਿੱਖੇ ਦੋਹਾਂ ਦਾ ਵਿਆਹ ਸੰਪਨ ਹੋਇਆ ਅਤੇ ਦੋਨੋ ਲੰਡਨ ਵਾਪਸ ਪਰਤ ਆਏ।

10 ਜੁਲਾਈ 1866 ਮਹਾਰਾਜਾ ਦਲੀਪ ਸਿੰਘ ਅਤੇ ਬੰਬਾ ਦੇ ਗ੍ਰਹਿ ਵਿਖੇ ਪੁੱਤਰ ਨੇ ਜਨਮ ਲਿਆ ਜਿਸ ਦਾ ਨਾਂ ਪ੍ਰਿੰਸ ਵਿਕਟਰ ਅਲਬਰਟ ਜੇ. ਦਲੀਪ ਸਿੰਘ ਰੱਖਿਆ ਗਿਆ।ਉਸ ਨੇ ਰਾਇਲ ਮਿਲਟਰੀ ਕਾਲਜ ਸੈਂਡਹਰਸਟ ਤੋਂ ਫੌਜ ਦੀ ਸਿਖਲਾਈ ਪ੍ਰਾਪਤ ਕੀਤੀ ਅਤੇ ਸਾਲ1887 ਵਿਚ ਫ਼ਸਟ ਰਾਇਲ ਡਰੈਗੂਨਜ਼ ਪਲਟਨ ਵਿਚ ਸੈਕੰਡ ਲੈਫ਼ਟੀਨੈਂਟ ਭਰਤੀ ਹੋ ਗਿਆ ਜਿੱਥੇ ਉਸ ਨੇ 1898 ਤਕ ਨੌਕਰੀ ਕੀਤੀ ਅਤੇ ਕੈਨੇਡਾ ਸਮੇਤ ਕਈ ਦੇਸ਼ਾਂ ਵਿਚ ਮਿਲਟਰੀ ਸੇਵਾ ਨਿਭਾਈ।

18 ਸਤੰਬਰ 1887 ਨੂੰ ਬੰਬਾ ਜਦੋਂ 39 ਵਰ੍ਹਿਆਂ ਦੀ ਸੀ ਤਾਂ ਉਸਦੇ ਗੁਰਦੇ ਖ਼ਰਾਬ ਹੋ ਜਾਣ ਦੀ ਵਜਾਹ ਕਾਰਣ ਉਸ ਦੀ ਮੌਤ ਹੋ ਗਈ।