22 ਸਤੰਬਰ 1539 ਵਾਲੇ ਦਿਨ ਮਾਤਾ ਸੁਲੱਖਣੀ ਜੀ ਸੱਚ ਖੰਡ ਪਿਆਨਾ ਕਰ ਗਏ ਸਨ।

22 ਸਤੰਬਰ 1539 ਵਾਲੇ ਦਿਨ ਮਾਤਾ ਸੁਲੱਖਣੀ ਜੀ ਗੁਰਪੁਰੀ ਸਿਧਾਰ ਗਏ। ਮਾਤਾ ਸੁਲੱਖਣੀ ਜੀ ਸਿੱਖਾਂ ਦੇ ਪਹਿਲੇ ਸੰਸਥਾਪਕ ਗੁਰੂ , ਗੁਰੂ ਨਾਨਕ ਦੇਵ ਜੀ ਦੀ ਧਰਮ ਸੁਪਤਨੀ ਸਨ। ਬਟਾਲੇ ਦੇ ਨਿਵਾਸੀ ਮੂਲ ਚੰਦ ਖੱਤਰੀ ਦੀ ਆਪ ਸੁਪੁੱਤਰੀ ਸਨ। ਆਪ ਜੀ ਦੀ ਮਾਤਾ ਜੀ ਦਾ ਨਾਂ ਬੀਬੀ ਚੰਦੋ ਰਾਣੀ ਸੀ। ਮੂਲ ਚੰਦ ਜੀ ਗੁਰਦਾਸਪੁਰ ਜ਼ਿਲੇ ਵਿਚ ਪੱਖੋਕੇ ਰੰਧਾਵੇ ਨਾਂ ਦੇ ਪਿੰਡ ਵਿਚ ਉਸ ਵਕਤ ਮਾਲ ਮਹਿਕਮੇਂ ਵਿੱਚ ਨੋਕਰ ਸਨ।

24 ਸਤੰਬਰ 1487 ਵਾਲੇ ਦਿਨ ਮਾਤਾ ਸੁਲੱਖਣੀ ਦਾ ਵਿਆਹ ਬਟਾਲੇ ਵਿਖੇ ਸਾਹਿਬ ਗੁਰੂ ਨਾਨਕ ਦੇਵ ਜੀ ਦੇ ਨਾਲ ਹੋਇਆ ਸੀ। ਮਾਤਾ ਜੀ ਦੀ ਕੁਖੋਂ ਦੋ ਪੁੱਤਰ, ਸ੍ਰੀ ਚੰਦ ਅਤੇ ਲਖਮੀ ਦਾਸ ਨੇ ਕ੍ਰਮਵਾਰ 1494 ਅਤੇ 1497 ਵਿੱਚ ਜਨਮ ਲਿਆ। ਗੁਰੂ ਨਾਨਕ ਦੇਵ ਪਾਤਸ਼ਾਹ ਜੀ ਦੇ ਜੋਤੀ ਜੋਤ ਸਮਾਉਣ ਤੋਂ ਬਾਅਦ ਆਪ ਨੇ ਗੁਰੂ ਜੀ ਵਲੋਂ ਰਾਵੀ ਦਰਿਆ ਦੇ ਸੱਜੇ ਕੰਢੇ ਵਸਾਏ ਕਰਤਾਰ ਪੁਰ ਸਾਹਿਬ ਵਿਖੇ ਆਪਣੇ ਜੀਵਨ ਦੇ ਬਾਕੀ ਦਿਨ ਬਤੀਤ ਕੀਤੇ ਸਨ। 7 ਸਤੰਬਰ 1539 ਵਾਲੇ ਦਿਨ, ਗੁਰੂ ਨਾਨਕ ਸਾਹਿਬ ਜੀ, ਕਰਤਾਰਪੁਰ ਵਿਖੇ ਜੋਤੀ ਜੋਤਿ ਸਮਾ ਗਏ ਸਨ। ਗੁਰੂ ਸਾਹਿਬ ਦੇ ਜੋਤੀ-ਜੋਤਿ ਸਮਾਉਣ ਮਗਰੋਂ, 22 ਸਤੰਬਰ, 1539 ਵਾਲੇ ਦਿਨ, ਮਾਤਾ ਸੁਲੱਖਣੀ ਜੀ ਇਸ ਫ਼ਾਨੀ ਸੰਸਾਰ ਨੂੰ ਅਲਵਿਦਾ ਕਹਿ ਕੇ ਅਕਾਲ ਪੁਰਖ ਦੇ ਚਰਨਾਂ ਵਿੱਚ ਜਾ ਬਿਰਾਜੇ ਸਨ।