20 ਸਤੰਬਰ 1981 ਵਾਲੇ ਦਿਨ ਮਹਾਂਪੁਰਖ ਸੰਤ ਬਾਬਾ ਜਰਨੈਲ ਸਿੰਘ ਖਾਲਸਾ ਭਿੰਡਰਾਂਵਾਲਿਆਂ ਨੇ ਆਪਣੇ ਆਪ ਨੂੰ ਗ੍ਰਿਫ਼ਤਾਰੀ ਦੇ ਲਈ ਪੇਸ਼ ਕੀਤਾ। ਉਸ ਦਿਨ ਮਹਾਂਪੁਰਖਾਂ ਨੇ ਇਹ ਕਹਿ ਕੇ ਕੇਸਰੀ ਦੁਮਾਲਾ ਸਜਾਇਆ ਕੇ ਉਹ ਮੌਤ ਲਾੜੀ ਨੂੰ ਪ੍ਰਨਾਉਣ ਚਲੇ ਹਨ।

ਜਦੋਂ ਭਾਰਤ ਦੀ ਹਿੰਦ ਸਰਕਾਰ ਵਲੋਂ ਇੰਧਰਾ ਗਾਂਧੀ ਨੇ ਸ਼੍ਰੋਮਣੀ ਅਕਾਲੀ ਦਲ ਦੀਆਂ ਮੰਗਾਂ ਨੂੰ ਡਿੱਚ ਕਰਦਿਆਂ ਹੋਇਆ ਇਨ੍ਹਾਂ ਮੰਗਾਂ ਵੱਲ ਉੱਕਾ ਕੋਈ ਧਿਆਨ ਨਾ ਦਿੱਤਾ ਤਾਂ 7 ਸਤੰਬਰ 1981 ਵਾਲੇ ਦਿਨ ਸਿੱਖਾਂ ਨੇ ਆਪਣੀਆਂ ਮੰਗਾਂ ਨੂੰ ਮਨਵਾਉਣ ਦੇ ਲਈ ਦਿੱਲੀ ਵਿੱਚ ਇੱਕ ਵਿਸ਼ਾਲ ਰੋਸ ਜਲੂਸ ਕੱਢਿਆ। ਇਸ ਰੋਸ ਜਲੂਸ ਵਿਚ ਸ਼ਾਮਲ ਹੋਣ ਦੇ ਲਈ ਜਾ ਰਹੇ 4 ਗੁਰਸਿਖਾਂ ਨੂੰ ਹਰਿਆਣਾ ਪੁਲਿਸ ਨੇ ਰਸਤੇ ਵਿੱਚ ਹੀ ਸ਼ਹੀਦ ਕਰ ਦਿੱਤਾ।

ਸਿੱਖਾਂ ਨੇ ਆਪਣੀਆਂ ਹੱਕੀ ਮੰਗਾਂ ਨੂੰ ਮਨਵਾਉਣ ਦੇ ਲਈ ਅਤੇ ਸਰਕਾਰ ' ਤੇ ਇਸ ਪੱਖੋਂ, ਦਬਾਅ ਬਣਾਉਣ ਦੇ ਲਈ ਦਿੱਲੀ ਵਿੱਚ ਰੋਸ ਮਾਰਚ ਕੱਢਿਆ। ਇਹ ਰੋਸ ਮਾਰਚ ਸ਼੍ਰੋਮਣੀ ਅਕਾਲੀ ਦਲ ਦੀ ਕਮਾਨ ਹੇਠ ਕੱਢਿਆ ਗਿਆ। ਅਸਲ ਵਿੱਚ ਵਕਤ ਦੀਆਂ ਸਰਕਾਰਾਂ ਸਿੱਖਾਂ ਦੀਆਂ ਹੱਕੀ ਮੰਗਾ, ਜਿਨ੍ਹਾਂ ਵਿੱਚ ਸੂਬਿਆਂ ਦੇ ਲਈ ਵਧੇਰੇ ਖੁਦਮੁਖਤਿਆਰੀ ਦੀ ਮੰਗ ਵੀ ਸ਼ਾਮਲ ਸੀ, ਨੂੰ ਦਬਾਉਦੀਆਂ ਆ ਰਹੀਆਂ ਸਨ। ਸੋ ਦਿੱਲੀ ਵਿੱਚ ਇਸ ਰੋਸ ਮਾਰਚ ਵਿੱਚ ਹਿੱਸਾ ਲੈਣ ਦੇ ਲਈ ਪੰਜਾਬ ਦੇ ਵੱਖ ਵੱਖ ਹਿੱਸਿਆਂ ਤੋਂ ਸਿੱਖ ਦਿੱਲੀ ਪੁੱਜੇ ਸਨ।ਰਸਤੇ ਵਿੱਚ ਹਰਿਆਣਾ ਦੀ ਹਰਿਆਣਵੀ ਪੁਲਿਸ ਨੇ ਸਿੱਖਾਂ ਨੂੰ ਜਗ੍ਹਾ ਜਗ੍ਹਾ ਤੰਗ ਪ੍ਰੇਸ਼ਾਨ ਕਰਨਾ ਸ਼ੁਰੂ ਕਰ ਦਿੱਤਾ ਸੀ।ਉਨ੍ਹਾਂ ਦਾ ਮਕਸਦ ਸਿੱਖਾਂ ਨੂੰ ਦਿੱਲੀ ਜਾਣ ਤੋਂ ਰੋਕਣਾ ਸੀ। ਹਰਿਆਣਵੀ ਪੁਲਿਸ ਨੇ 'ਮਧੂਬਨ" ਨਾਂ ਦੀ ਜਗ੍ਹਾ, ਜਿੱਥੇ ਲਾਗੇ ਹੀ ਹਰਿਆਣਵੀ ਪੁਲਿਸ ਦਾ ਟਰੇਨਿੰਗ ਸੈਂਟਰ ਵੀ ਹੈ, ਵਿਖੇ ਸਿੱਖਾਂ 'ਤੇ ਗੋਲੀਆਂ ਚਲਾਈਆਂ ਜਿਸ ਵਿੱਚ ਚਾਰ ਗੁਰਸਿੱਖਾਂ ਨੂੰ ਸ਼ਹੀਦ ਕਰ ਦਿੱਤਾ ਗਿਆ ਅਤੇ ਇਕ ਦਰਜਨ ਤੋਂ ਵੱਧ ਗੁਰੂਸਿੱਖ ਜ਼ਖਮੀ ਹੋਏ ਗਏ। ਇਸ ਰੋਸ ਮੁਜ਼ਾਹਰੇ ਵਿਚ 3 ਲੱਖ ਸਿੱਖਾਂ ਨੇ ਹਿਸਾ ਲਿਆ ਅਤੇ ਰੋਸ ਮਾਰਚ ਦੀ ਅਗਵਾਈ ਕਰਦਿਆਂ ਬਾਬਾ ਹਰਚੰਦ ਸਿੰਘ ਲੌਂਗੋਵਾਲ ਨੇ ਦਫ਼ਾ 144 ਤੋੜ ਕੇ 10 ਹਜ਼ਾਰ ਸਿੰਘਾਂ ਦੇ ਨਾਲ ਗ੍ਰਿਫ਼ਤਾਰੀ ਦਿੱਤੀ ਪਰ ਪੁਲਿਸ ਅੱਗੇ ਸਵਾਲ ਸੀ ਕਿ ਹੁਣ ਇਨ੍ਹੀਂ ਵਡੀ ਗਿਣਤੀ ਵਿੱਚ ਗ੍ਰਿਫਤਾਰ ਸਿੰਘਾਂ ਨੂੰ ਰੱਖਿਆ ਕਿੱਥੇ ਜਾਵੇ? ਉਪਰੋਂ ਰਾਤ ਦਾ ਹਨੇਰਾ ਵੀ ਸਭਨਾਂ ਨੂੰ ਆਪਣੇ ਕਲਾਵੇ ਵਿੱਚ ਲੈਣ ਦੇ ਲਈ ਤਿਆਰੀਆਂ ਕਰਣ ਲੱਗ ਪਿਆ ਸੀ। ਸ਼ਾਮ ਦੇ ਸਾਢੇ 7 ਵਜਦੇ ਹੀ ਦਿੱਲੀ ਪੁਲਿਸ ਗ੍ਰਿਫਤਾਰ ਸਿੰਘਾਂ ਨੂੰ ਛੱਡ ਕੇ ਭੱਜ ਗਈ।

9 ਸਤੰਬਰ 1981 ਵਾਲੇ ਦਿਨ, ਲਾਲਾ ਜਗਤ ਨਾਰਾਇਣ ਦਾ ਕਤਲ ਹੋ ਗਿਆ। ਇਸ ਕਤਲ ਦੇ ਮਾਸਟਰ ਮਾਈਂਡ ਵਜੋਂ, ਪੁਲਿਸ ਨੇ ਆਪਣੇ ਸ਼ਕ ਦੀ ਸੂਈ ਮਹਾਂਪੁਰਖ ਸੰਤ ਬਾਬਾ ਜਰਨੈਲ ਸਿੰਘ ਖਾਲਸਾ ਭਿੰਡਰਾਂਵਾਲਿਆਂ ਵੱਲ ਘੁੰਮਾਂ ਦਿੱਤੀ।

13 ਸਤੰਬਰ 1981 ਵਾਲੇ ਦਿਨ ਸੰਤ ਬਾਬਾ ਜਰਨੈਲ ਸਿੰਘ ਜੀ ਖਾਲਸਾ ਭਿੰਡਰਾਵਾਲੇ ਮਹਾਂਪੁਰਖਾਂ ਦੇ ਖਿਲਾਫ਼, ਲਾਲਾ ਜਗਤ ਨਾਰਾਇਣ ਦੇ ਕਤਲ ਦੇ ਸੰਬੰਧ ਵਿਚ ਵਾਰੰਟ ਜਾਰੀ ਕੀਤੇ ਗਏ ਸਨ। ਮਹਾਂਪੁਰਖ ਸੰਤ ਬਾਬਾ ਜਰਨੈਲ ਸਿੰਘ ਜੀ ਖਾਲਸਾ ਭਿੰਡਰਾਂਵਾਲਿਆਂ ਨੂੰ ਗ੍ਰਿਫ਼ਤਾਰ ਕਰਨ ਦੇ ਲਈ ਪੰਜਾਬ ਪੁਲਿਸ, ਹਰਿਆਣਾ ਪੁਲਿਸ ਨੂੰ ਨਾਲ ਲੈ ਕੇ ਵੱਡੀ ਗਿਣਤੀ ਵਿੱਚ ਡੀ ਐਸ ਪੀ ਧੰਨਾ ਰਾਮ ਭੱਟੀ ਦੀ ਅਗਵਾਈ ਹੇਠ, ਰਾਤ ਦੇ ਵਕਤ ਹਰਿਆਣਾ ਦੇ ਇੱਕ ਪਿੰਡ ਚੰਦੋ ਕਲਾਂ ਗਈ। ਮਹਾਂਪੁਰਖ ਉਸ ਅਸਥਾਨ ਤੋਂ ਪਹਿਲਾਂ ਹੀ ਜਾ ਚੁੱਕੇ ਸਨ।

ਜਦੋਂ ਪੁਲਿਸ ਨੂੰ ਮਹਾਂਪੁਰਖ਼ ਸੰਤ ਬਾਬਾ ਜਰਨੈਲ ਸਿੰਘ ਜੀ ਖਾਲਸਾ ਭਿੰਡਰਾਂਵਾਲਿਆਂ ਦੀ ਕੋਈ ਥਾਂ ਪਤਾ ਦਾ ਪਤਾ ਨਾ ਲੱਗ ਸਕਿਆ ਤਾਂ ਗੁੱਸੇ ਵਿੱਚ ਆਈ ਪੁਲਿਸ ਨੇ ਸਿੱਖਾਂ ਦੇ ਪਵਿੱਤਰ ਗ੍ਰੰਥ ਸਾਹਿਬਾਨਾਂ ਅਤੇ ਪਵਿੱਤਰ ਪੋਥੀਆਂ ਤੋਂ ਇਲਾਵਾ, ਭਿੰਡਰਾਂਵਾਲਾ ਜਥੇ ਦੀਆਂ ਤਿੰਨ ਗੱਡੀਆਂ ਅਤੇ ਟਕਸਾਲ ਦੇ ਕਈ ਹੋਰ ਕੀਮਤੀ ਦਸਤਾਵੇਜ਼ ਸਾੜ ਦਿੱਤੇ। ਪੁਲਿਸ ਨੇ ਉਥੇ ਮੌਜੂਦ ਵੱਡੀ ਗਿਣਤੀ ਵਿਚ ਸਿੱਖਾਂ ਨੂੰ ਗ੍ਰਿਫਤਾਰ ਕਰ ਲਿਆ ਅਤੇ ਬੜੀ ਬੇਰਹਮੀ ਦੇ ਨਾਲ ਕੁੱਟ ਮਾਰ ਕੀਤੀ। ਅਗਲੇ ਦਿਨ ਪੁਲਿਸ ਨੇ ਮਹਾਂਪੁਰਖ ਬਾਬਾ ਜਰਨੈਲ ਸਿੰਘ ਖਾਲਸਾ ਭਿੰਡਰਾਂਵਾਲੇ ਦੇ ਮੁੱਖ ਦਫਤਰ ਦੀ ਘੇਰਾਬੰਦੀ ਕੀਤੀ।

ਸੋ ਇੰਜ ਦਮਦਮੀ ਟਕਸਾਲ ਦੀਆਂ ਤਿੰਨ ਬੱਸਾ... ਜੋ ਕਿ ਚੰਦੋਕਲਾਂ ਵਿੱਚ,ਸਰਕਾਰ ਅਤੇ ਡੀ ਐਸ ਪੀ ਧੰਨਾ ਰਾਮ ਭੱਟੀ ਦੇ ਇਸ਼ਾਰੇ' ਤੇ ਪੁਲਿਸ ਵੱਲੋ ਸਾੜ ਦਿੱਤੀਆਂ ਗਈਆਂ ਸਨ, ਅਤੇ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਮਹਾਰਾਜ ਜੀ ਦੇ ਸਰੂਪ ਵੀ ਅਗਨ ਭੇਟ ਹੋ ਗਏ ਸਨ। ਇਹ ਬੇਅਦਬੀ ਮਹਾਂਪੁਰਖ ਸੰਤ ਬਾਬਾ ਜਰਨੈਲ ਸਿੰਘ ਜੀ ਖਾਲਸਾ ਭਿੰਡਰਾਂਵਾਲਿਆਂ ਦਾ ਸਰਕਾਰ ਲਈ ਰੋਸ ਦਾ ਮੁੱਖ ਕਾਰਣ ਸੀ।

16 ਸਤੰਬਰ 1981 ਵਾਲੇ ਦਿਨ ਮਹਾਂਪੁਰਖ ਸੰਤ ਬਾਬਾ ਜਰਨੈਲ ਸਿੰਘ ਜੀ ਖਾਲਸਾ ਭਿੰਡਰਾਂਵਾਲਿਆਂ ਨੇ ਐਲਾਨ ਕੀਤਾ ਕਿ ਉਹ 20 ਸਤੰਬਰ ਨੂੰ ਦੁਪਹਿਰ ਇੱਕ ਵਜੇ ਚੌਕ ਮਹਿਤਾ ਵਿਖੇ ਆਪਣੇ ਆਪ ਨੂੰ ਗ੍ਰਿਫਤਾਰ ਕਰਵਾਉਣ ਦੇ ਲਈ ਪੇਸ਼ ਕਾਰਣ ਗੇ।

20 ਸਤੰਬਰ 1981 ਵਾਲੇ ਦਿਨ ਗ੍ਰਿਫ਼ਤਾਰੀ ਤੋਂ ਪਹਿਲਾਂ ਮਹਾਂਪੁਰਖਾਂ ਨੇ ਇਹ ਕਹਿ ਕੇ ਕੇਸਰੀ ਦੁਮਾਲਾ ਸਜਾਇਆ ਕੇ ਉਹ ਮੌਤ ਲਾੜੀ ਨੂੰ ਪ੍ਰਨਾਉਣ ਚਲੇ ਹਨ।ਆਪਣੀ ਗ੍ਰਿਫਤਾਰੀ ਤੋਂ ਪਹਿਲਾਂ ਮਹਾਂਪੁਰਖਾਂ ਨੇ ਸਭਨਾਂ ਨੂੰ ਸ਼ਾਂਤ ਅਤੇ ਪੁਰਅਮਨ ਰਹਿਣ ਦੀ ਅਪੀਲ ਕੀਤੀ।ਇਥੇ ਦਿੱਲੀ ਤੋਂ ਜਥੇਦਾਰ ਸੰਤੋਖ ਸਿੰਘ ਵੀ ਆਪਣੇ ਸਾਥੀਆਂ ਸਮੇਤ ਪੁੱਜਾ ਹੋਇਆ ਸੀ ਜੋ ਇੰਧਰਾ ਗਾਂਧੀ ਦੇ ਖਾਸ ਵਫ਼ਾਦਾਰਾਂ ਵਿਚੋਂ ਸੀ।ਇਸ ਨੇ ਇਥੇ ਇੱਕ ਪਾਸੇ ਭੜਕਾਊ ਕਿਸਮ ਦਾ ਭਾਸ਼ਣ ਦਿੱਤਾ ਅਤੇ ਦੂਜੇ ਪਾਸੇ ਜਦੋਂ ਮਹਾਂਪੁਰਖਾਂ ਨੂੰ ਗਰਿਫ਼ਤਾਰ ਕਰ ਕੇ ਲਜਾਣ ਲਗੇ ਤਾਂ ਇਸ ਨੇ ਪੁਲੀਸ ਦੀ ਗੱਡੀ ਦੇ ਬੋਨਟ ' ਤੇ ਲੇਟ ਕੇ ਗੱਡੀ ਰੋਕਣ ਦਾ ਡਰਾਮਾਂ ਕੀਤਾ।

ਇਸ ਵਕਤ ਤਕ ਪੁਲਿਸ ਵੱਲੋਂ ਕੁੱਝ ਸਿੰਘਾਂ ਨੂੰ ਨਾਜਾਇਜ਼ ਤੰਗ ਕਰਣ ਕਾਰਣ ਰੋਸ ਅਤੇ ਜੋਸ਼ ਵਿੱਚ ਆਏ ਕੁਝ ਨੌਜਵਾਨਾਂ ਨੇ ਚੌਕ ਮਹਿਤਾ ਵਿਖੇ, ਸੰਤ ਜਰਨੈਲ ਸਿੰਘ ਖਾਲਸਾ ਭਿੰਡਰਾਂਵਾਲਿਆਂ ਦੀ ਗ੍ਰਿਫ਼ਤਾਰੀ ਤੋਂ ਬਾਅਦ ਨਾਅਰੇਬਾਜ਼ੀ ਕੀਤੀ।

ਪੁਲਿਸ ਨੇ ਸਿੰਘਾਂ ਨੂੰ ਤਿੱਤਰ ਬਿਤਰ ਕਰਣ ਦੇ ਲਈ ਬਿਨ੍ਹਾਂ ਚਿਤਾਵਨੀ ਦਿੱਤਿਆਂ ਗੋਲੀ ਚਲਾਉਣੀ ਸ਼ੁਰੂ ਕਰ ਦਿੱਤੀ। ਜਿਸ ਕਾਰਣ 24 ਸਿੰਘ ਸ਼ਹੀਦ ਹੋ ਗਏ। ਜਥੇਦਾਰ ਸੰਤੋਖ ਸਿੰਘ ਉਥੋਂ ਚੁੱਪ ਚਾਪ ਆਪਣੀ ਏਅਰ ਕੰਡੀਸ਼ਨ ਕਾਰ ਵਿਚ ਬੈਠ ਕੇ ਦਿੱਲੀ ਆ ਗਿਆ।ਅਤੇ ਦਿੱਲੀ ਪੁੱਜ ਕੇ ਇਸ ਨੇ ਇੰਧਰਾ ਗਾਂਧੀ ਨੂੰ ਸਾਰੇ ਹਾਲਾਤ ਵੀ ਦਸੇ। 27 ਸਤੰਬਰ 1981 ਵਾਲੇ ਦਿਨ ਸ਼੍ਰੋਮਣੀ ਅਕਾਲੀ ਦਲ ਨੇ ਗੁਰਦੁਆਰਾ ਆਲਮਗੀਰ ਸਾਹਿਬ ਵਿਖੇ ਇਕ ਸਿਆਸੀ ਕਾਨਫ਼ਰੰਸ ਕੀਤੀ ਅਤੇ ਸੰਤ ਬਾਬਾ ਭਿੰਡਰਾਂਵਾਲਿਆਂ ਨੂੰ ਛੱਡਣ ਦੇ ਲਈ 16 ਅਕਤੂਬਰ ਤੱਕ ਦਾ ਸਮਾਂ, ਅਲਟੀਮੇਟਮ ਦੇ ਰੂਪ ਵਿੱਚ ਦਿੱਤਾ । ਸੰਤ ਜਰਨੈਲ ਸਿੰਘ ਖਾਲਸਾ ਭਿੰਡਰਾਂਵਾਲਿਆਂ ਦੀ ਇਸ ਗ੍ਰਿਫ਼ਤਾਰੀ ਦੇ ਰੋਸ ਵੱਜੋਂ ਦਲ ਖਾਲਸਾ ਦੇ ਪੰਜ ਨੌਜਵਾਨਾਂ ਨੇ ਭਾਈ ਗਜਿੰਦਰ ਸਿੰਘ ਜੀ ਦੀ ਅਗਵਾਈ ਹੇਠ, 29 ਸਤੰਬਰ 1981ਵਾਲੇ ਦਿਨ ਇੰਡੀਅਨ ਏਅਰ ਲਾਈਨ ਦਾ ਹਵਾਈ ਜਹਾਜ਼ ਅਗਵਾ ਕਰ ਲਿਆ ਅਤੇ ਪਾਕਿਸਤਾਨ ਲੈ ਗਏ। 15 ਅਕਤੂਬਰ 1981 ਵਾਲੇ ਦਿਨ ਹਿੰਦ ਸਰਕਾਰ ਨੇ ਸੰਤ ਜਰਨੈਲ ਸਿੰਘ ਖਾਲਸਾ ਭਿੰਡਰਾਂਵਾਲਿਆਂ ਨੂੰ ਰਿਹਾਅ ਕਰ ਦਿੱਤਾ।