ਵਾਤਾਵਰਣ ਦੀ ਕਰੋ ਸੰਭਾਲ

ਜੀਣਾ ਹੋ ਜਾਊ ਨਹੀਂ ਮੁਹਾਲ।

ਨਾੜ, ਪਰਾਲੀ ਨੂੰ ਅੱਗ ਲੱਗੀ,

ਸਪਰੇਆਂ ਦੀ ਕਸਰ ਨਾ ਛੱਡੀ।

ਮਿੱਤਰ ਕੀੜੇ ਮਰ ਮੁਕ ਜਾਂਦੇ,

ਦੁਸ਼ਮਣ ਕੀੜਿਆਂ ਨੂੰ ਜੋ ਖਾਂਦੇ।

ਧਰਤੀ ਮਾਂ ਦੀ ਹਿੱਕ ਨੂੰ ਲੂਹਣ,

ਜੀਵ-ਜੰਤ ਜੋ ਰਹੀ ਪਾਲ,

ਵਾਤਾਵਰਣ ਦੀ ਕਰੋ ਸੰਭਾਲ।

ਪਵਣ ਗੁਰੂ ਪਿਤਾ ਹੈ ਪਾਣੀ,

ਲਿਖਿਆ ਬਾਬੇ ਨਾਨਕ ਵਿਚ ਬਾਣੀ।

ਨਦੀਆਂ, ਦਰਿਆ ਸਭ ਗੰਧਲੇ ਹੋਏ,

ਕੁਦਰਤੀ ਸੋਮੇ ਚੱਲੇ ਸਭ ਖੋਏ।

ਧਰਤੀ ਹੇਠੋਂ ਜਦੋਂ ਮੁੱਕ ਗਿਆ ਪਾਣੀ,

ਹੋ ਜਾਏਗਾ ਮੰਦੜਾ ਹਾਲ।

ਵਾਤਾਵਰਣ ਦੀ ਕਰੋ ਸੰਭਾਲ।

ਤਪਸ਼ ਦਿਨੋ-ਦਿਨ ਵਧਦੀ ਜਾਵੇ,

ਗਲੇਸ਼ੀਅਰਾਂ ਨੂੰ ਪਈ ਪਿਘਲਾਵੇ।

ਪ੍ਰਦੂਸ਼ਣ ਅੰਬਰ 'ਚ ਸੰਨ੍ਹ ਲਾਈ,

ਓਜ਼ੋਨ ਪਰਤ ਦੀ ਕਰੀ ਤਬਾਹੀ।

ਭੈੜੀਆਂ ਕਿਰਨਾਂ ਤੋਂ ਜੋ ਬਚਾਏ,

ਸਾਡੇ ਲਈ ਬਣ ਕੇ ਢਾਲ।

ਵਾਤਾਵਰਣ ਦੀ ਕਰੋ ਸੰਭਾਲ।

ਚੌਗਿਰਦਾ ਆਪਣਾ ਸਵੱਛ ਬਣਾਈਏ,

ਵੱਧ ਤੋਂ ਵੱਧ ਰੁੱਖ ਲਗਾਈਏ।

ਕੁਦਰਤੀ ਸੋਮੇ ਕਦੇ ਖਤਮ ਨਾ ਹੋਣ,

ਠੰਡੀ-ਮਿੱਠੀ ਵੱਗਦੀ ਰਹੇ ਪੌਣ।

ਧਰਤੀ ਮਾਂ ਦੀਆਂ ਅਸੀਸਾਂ ਪਾ ਕੇ,

ਸਭ ਹੋ ਜਾਵਣਗੇ ਖੁਸ਼ਹਾਲ।

ਵਾਤਾਵਰਣ ਦੀ ਕਰੋ ਸੰਭਾਲ।