ਹੱਕ-ਸੱਚ ਦੀ ਹੈ ਸਰਕਾਰ ਗੁਰੂ ਗੋਬਿੰਦ ਸਿੰਘ।
ਤੇਜ ਜ਼ੁਲਮਨਾਸ਼ਕ ਹੈ ਤਲਵਾਰ ਗੁਰੂ ਗੋਬਿੰਦ ਸਿੰਘ।
ਖਾਲਸਾ ਪੰਥ ਹੈ ਤਾਸੀਰ ਗੁਰੂ ਗੋਬਿੰਦ ਸਿੰਘ।
ਖਾਲਸਾ ਪੰਥ ਹੈ ਤਸਵੀਰ ਗੁਰੂ ਗੋਬਿੰਦ ਸਿੰਘ।

ਖਾਲਸਾ ਪੰਥ ਹੈ ਜਖੀਰ ਗੁਰੂ ਗੋਬਿੰਦ ਸਿੰਘ।
ਖਾਲਸਾ ਪੰਥ ਦੀ ਹੈ ਤਕਦੀਰ ਗੁਰੂ ਗੋਬਿੰਦ ਸਿੰਘ।
ਖਾਲਸਾਈ ਜੀਵਨ ਦਾ ਆਧਾਰ ਗੁਰੂ ਗੋਬਿੰਦ ਸਿੰਘ।
ਖਾਲਸਾ ਪੰਥ ਦਾ ਹੈ ਸਿਰਜਣਹਾਰ ਗੁਰੂ ਗੋਬਿੰਦ ਸਿੰਘ।

ਧਰਮ ਦੀ ਰੂਹ ਸੱਚ ਦੀ ਜ਼ਮੀਰ ਗੁਰੂ ਗੋਬਿੰਦ ਸਿੰਘ।
ਹਿੰਦ ਦਾ ਹੈ ਸਰਵੋਤਮ ਪੀਰ ਗੁਰੂ ਗੋਬਿੰਦ ਸਿੰਘ।
ਕੇਸਾਂ ਦਾ ਹੈ ਮੋਹਰਦਾਰ ਗੁਰੂ ਗੋਬਿੰਦ ਸਿੰਘ।
ਹੱਕ-ਸੱਚ ਦਾ ਹੈ ਪਹਿਰੇਦਾਰ ਗੁਰੂ ਗੋਬਿੰਦ ਸਿੰਘ।

ਆਮ ਨੂੰ ਬਣਾਉਣ ਵਾਲਾ ਸਰਦਾਰ ਗੁਰੂ ਗੋਬਿੰਦ ਸਿੰਘ।
ਧਰਮ ਤੋਂ ਵਾਰਨ ਵਾਲਾ ਪਰਵਾਰ ਗੁਰੂ ਗੋਬਿੰਦ ਸਿੰਘ।
ਜ਼ਾਲਮ ਨੂੰ ਦੇਣ ਵਾਲਾ ਹਾਰ ਗੁਰੂ ਗੋਬਿੰਦ ਸਿੰਘ।
ਨਿਆਂਕਾਰੀ ਸਲਤਨਤ ਬਖਸ਼ਣਹਾਰ ਗੁਰੂ ਗੋਬਿੰਦ ਸਿੰਘ।

ਸੁਹਣੇ-ਸੁਹਣੇ ਫੁੱਲਾਂ ਦੀ ਹੈ ਮਹਿਕ ਗੁਰੂ ਗੋਬਿੰਦ ਸਿੰਘ।
ਕਾਦਰ ਦੀ ਕੁਦਰਤ ਦੀ ਹੈ ਚਹਿਕ ਗੁਰੂ ਗੋਬਿੰਦ ਸਿੰਘ।