ਵਾਤਾਵਰਨ ਬਚਾਈਏ ਆਪਾਂ,
ਆਓ, ਰੁੱਖ ਲਗਾਈਏ ਆਪਾਂ!
ਤਰ੍ਹਾਂ-ਤਰ੍ਹਾਂ ਦੇ ਬੂਟੇ ਲਾ ਕੇ,
ਸੋਹਣੀ ਧਰਤ ਸਜਾਈਏ ਆਪਾਂ!
ਵਾਤਾਵਰਨ ਬਚਾਈਏ... ਪੌਣ ਪਾਣੀ ਫਿਰ ਸ਼ੁੱਧ ਹੋ ਜਾਵੇ,
ਰੁੱਤ ਬਹਾਰਾਂ ਦੀ ਮੁੜ ਆਵੇ।
ਬੰਜਰ ਇਹ ਧਰਤੀ ਨਾ ਹੋਵੇ,
ਬਣਦਾ ਹਿੱਸਾ ਪਾਈਏ ਆਪਾਂ!
ਵਾਤਾਵਰਨ ਬਚਾਈਏ... ਪਿੱਪਲ, ਬੋਹੜ, ਸਫੇਦੇ, ਲਾਓ,
ਕਿੱਕਰ, ਨਿੰਮ, ਸ਼ਹਿਤੂਤ ਉਗਾਓ।
ਫ਼ਲਦਾਰ ਬੂਟੇ ਲਾ ਕੇ ਸਾਰੇ,
ਫ਼ਲ ਮਿੱਠੇ ਫਿਰ ਖਾਈਏ ਆਪਾਂ!
ਵਾਤਾਵਰਨ ਬਚਾਈਏ... ਕੁਦਰਤ ਰਾਣੀ ਨੇ ਖੁਸ਼ ਹੋਣਾ,
ਮੁੱਕ ਜਾਣਾ ਸਭ ਰੋਣਾ ਧੋਣਾ।
ਚਾਰ ਚੁਫੇਰੇ ਲਹਿਰਾਂ ਬਹਿਰਾਂ,
ਇੱਕੋ ਗੱਲ ਮੰਨ ਜਾਈਏ ਆਪਾਂ!
ਵਾਤਾਵਰਨ ਬਚਾਈਏ... ਪਹਾੜਾਂ ਜਾਣ ਦੀ ਲੋੜ ਨੀਂ ਪੈਣੀਂ,
ਸਦਾ ਖ਼ੁਸ਼ਹਾਲੀ ਇੱਥੇ ਰਹਿਣੀਂ।
ਸਮੇਂ ਤੇ ਪੈਸੇ ਦੀ ਬੱਚਤ ‘ਪੱਤੋ,
ਨਾ ਸਮਾਂ ਗਵਾਈਏ ਆਪਾਂ!
ਵਾਤਾਵਰਨ ਬਚਾਈਏ... ਵਾਤਾਵਰਨ ਬਚਾਈਏ ਆਪਾਂ,
ਆਓ, ਰੁੱਖ ਲਗਾਈਏ ਆਪਾਂ!
ਤਰ੍ਹਾਂ-ਤਰ੍ਹਾਂ ਦੇ ਬੂਟੇ ਲਾ ਕੇ,
ਸੋਹਣੀ ਧਰਤ ਸਜਾਈਏ ਆਪਾਂ!
ਵਾਤਾਵਰਨ ਬਚਾਈਏ ਆਪਾਂ,
ਆਓ, ਰੁੱਖ ਲਗਾਈਏ ਆਪਾਂ!! |
