6 ਅਕਤੂਬਰ, 1978 ਵਾਲੇ ਦਿਨ ਸ੍ਰੀ ਅਕਾਲ ਤਖਤ ਤੋਂ ਸਿੱਖ ਕੌਮ ਦੇ ਨਾਂ ਨਕਲੀ "ਨਿਰੰਕਾਰੀਆਂ" ਦੇ ਸਮਾਜਿਕ ਬਾਈਕਾਟ ਦਾ ਹੁਕਮਨਾਮਾ ਜਾਰੀ ਹੋਇਆ।

6 ਅਕਤੂਬਰ, 1978 ਨੂੰ, ਸ੍ਰੀ ਅਕਾਲ ਤਖਤ ਦੇ ਜਥੇਦਾਰ ਸਿੰਘ ਸਾਹਿਬ ਸਾਧੂ ਸਿੰਘ ਭੌਰ ਹੁਣਾ ਦੇ ਦਸਤਖਤਾਂ ਹੇਠ ਸਿੱਖ ਕੌਮ ਦੇ ਨਾਂ ਇਕ ਹੁਕਮਨਾਮਾ ਜਾਰੀ ਕੀਤਾ ਗਿਆ। ਜਿਸ ਵਿੱਚ ਸਾਰੀ ਦੁਨੀਆ ਵਿੱਚ ਵਸਦੇ ਗੁਰਸਿੱਖਾਂ ਨੂੰ ਹੁਕਮ ਹੋਇਆ ਕਿ ਇਹਨਾਂ ਨਕਲੀ "ਨਿਰੰਕਾਰੀਆਂ" ਦਾ ਸਮਾਜਿਕ ਬਾਈਕਾਟ ਕੀਤਾ ਜਾਵੇ ਅਤੇ ਇਨ੍ਹਾਂ ਦੇ ਨਾਲ ਕੋਈ ਸਿੱਖ ਰੋਟੀ ਬੇਟੀ ਦੀ ਸਾਂਝ ਨਹੀਂ ਰੱਖੇ ਗਾ।

ਗਲ਼ ਸ਼ੁਰੂ ਹੁੰਦੀ ਹੈ,13 ਅਪ੍ਰੈਲ 1978 ਵਾਲੇ ਦਿਨ ਤੋਂ, ਜਿਸ ਦਿਨ ਸਿੱਖ ਪੰਥ, ਖਾਲਸੇ ਦਾ ਪ੍ਰਗਟ ਸਥਾਪਨਾਂ ਦਿਵਸ ਮਨਾ ਰਿਹਾ ਸੀ ਉਸ ਦਿਨ 10 ਲੱਖ ਤੋਂ ਵੱਧ ਸਿੱਖ ਸ਼ਰਧਾਲੂਆਂ ਦਾ ਵਿਸ਼ੇਸ਼ ਇਕੱਠ ਸ੍ਰੀ ਅੰਮ੍ਰਿਤਸਰ ਵਿਖੇ ਹੋਇਆ ਸੀ। ਉਸੇ ਦਿਨ, ਨਕਲ਼ੀ ਨਿਰੰਕਾਰੀ ਵੀ ਸ੍ਰੀ ਅੰਮ੍ਰਿਤਸਰ ਵਿਖੇ ਆਪਣਾ ਸਮਾਗਮ ਕਰ ਰਹੇ ਸਨ।ਇਨ੍ਹਾਂ ਨੇ ਸ੍ਰੀ ਅਮ੍ਰਿਤਸਰ ਸਾਹਿਬ ਵਿਖੇ ਇਕ ਜਲੂਸ ਵੀ ਕੱਢਣਾ ਸੀ।ਦੂਜੇ ਪਾਸੇ ਸਿੱਖਾਂ ਨੇ ਇਸੇ ਦਿਨ ਨਗਰ ਕੀਰਤਨ ਵੀ ਸਜਾਣਾ ਸੀ।

ਨਕਲ਼ੀ ਨਿਰੰਕਾਰੀ ਗੁਰਬਚਨ ਆਪਣੇ ਵਿਖਿਆਨਾਂ ਵਿਚ ਆਪਣੇ ਪ੍ਰਚਾਰਕਾਂ ਪਾਸੋਂ ਸਿੱਖ ਧਰਮ, ਸਿੱਖ ਗੁਰੂਆਂ, ਸਿੱਖ ਧਰਮ ਗ੍ਰੰਥਾਂ ਅਤੇ ਸਿੱਖ ਸਿਧਾਂਤਾਂ ਆਦਿ ਉੱਤੇ ਜ਼ਹਿਰੀਲੇ ਹਮਲੇ ਕਰਦਾ ਅਤੇ ਕਰਵਾਉਂਦਾ ਰਹਿੰਦਾ ਸੀ। ਗੁਰੂ ਕੇ ਸਿੱਖਾਂ ਪਾਸੋਂ ਇਹ ਕਿਵੇਂ ਬਰਦਾਸ਼ਤ ਹੋ ਸਕਦਾ ਸੀ, ਸੋ ਭਾਈ ਸਾਹਿਬ ਭਾਈ ਫੌਜਾ ਸਿੰਘ ਦੀ ਕਮਾਨ ਹੇਠ ਅਰਦਾਸ ਕਰਕੇ ਗੁਰਸਿੱਖਾਂ ਨੇ ਇਹ ਫ਼ੈਸਲਾ ਕੀਤਾ ਕਿ ਇਸ ਨਕਲੀ ਨਿਰੰਕਾਰੀ ਨੂੰ ਪੁਰ ਅਮਨ ਇਹ ਸਮਝਿਆ ਜਾਵੇ,ਕਿ ਤੇਰਾ ਗੁਰੂ ਸਾਹਿਬਾਨਾਂ ਦੇ ਖਿਲਾਫ ਇੰਜ ਬੋਲਣਾ ਕਿਸੇ ਵੀ ਪੱਖੋਂ ਉਚਿਤ ਨਹੀਂ ਹੈ। ਸੋ ਮਹਾਂਪੁਰਖ ਸੰਤ ਬਾਬਾ ਜਰਨੈਲ ਸਿੰਘ ਖਾਲਸਾ ਭਿੰਰਾਂਵਾਲਿਆਂ ਵਲੋਂ ਸ੍ਰੀ ਅਕਾਲ ਤਖ਼ਤ ਸਾਹਿਬ' ਤੇ ਕੀਤੀ ਅਰਦਾਸ ਮਗਰੋਂ ਸਿੰਘ, ਭਾਈ ਸਾਹਿਬ ਭਾਈ ਫੌਜਾ ਸਿੰਘ ਦੀ ਅਗਵਾਈ ਹੇਠ ਸ੍ਰੀ ਅਕਾਲ ਤਖ਼ਤ ਸਾਹਿਬ ਤੋਂ ਮਾਰਚ ਕਰਦੇ ਹੋਏ ਉਸ ਅਸਥਾਨ ਤੇ ਪੁੱਜੇ ਜਿੱਥੇ ਨਕਲੀ ਨਿਰੰਕਾਰੀ ਗੁਰਬਚਨ ਇਕ ਉੱਚੇ ਮਚਾਣ ਤੇ ਬੈਠਾ ਸੀ, ਜਦੋਂ ਕੇ ਗੁਰਬਾਣੀ ਹੇਠਾਂ ਪੜ੍ਹੀ ਜਾ ਰਹੀ ਸੀ।

ਸ੍ਰੀ ਗੁਰੂ ਗਰੰਥ ਸਾਹਿਬ ਜੀ ਸਿੱਖਾਂ ਦੇ ਲਈ ਸਰਬਉਚ ਹਨ ਅਤੇ ਕੋਈ ਵੀ ਗੁਰੂ ਗ੍ਰੰਥ ਸਾਹਿਬ ਤੋਂ ਉੱਚੀ ਸਟੇਜ ਲੱਗਾ ਕੇ ਬੈਠੇ ਇਹ ਸਿੱਖ ਕਦੇ ਵੀ ਬਰਦਾਸ਼ਤ ਨਹੀਂ ਕਰ ਸਕਦੇ। ਇਸ ਤੋਂ ਇਲਾਵਾ ਇਹ ਨਕਲੀ ਨਿਰੰਕਾਰੀ ਸਿੱਖ ਧਰਮ, ਸਿੱਖ ਵਿਸ਼ਵਾਸ਼ਾਂ ਅਤੇ ਭਾਵਨਾਵਾਂ ਦੇ ਵਿਰੁੱਧ ਗੰਭੀਰ ਅਤੇ ਘ੍ਰਿਣਾਯੋਗ ਅਪਮਾਨ ਭਰੀ ਭਾਸ਼ਾ ਦਾ ਇਸਤਮਾਲ ਕਰ ਰਿਹਾ ਸੀ। ਸਿੰਘ ਤਾਂ ਇੱਕ ਚੰਗੀ ਭਾਵਨਾ ਦੇ ਨਾਲ ਪੁੱਜੇ ਸਨ ਜਦੋਂ ਕੇ ਨਕਲੀ ਨਿਰੰਕਾਰੀਆਂ ਦੇ ਕੋਲ ਜਾਨਲੇਵਾ ਹਥਿਆਰਾਂ ਸਨ, ਜਿਨ੍ਹਾਂ ਵਿੱਚ ਬੰਦੂਕਾਂ, ਰਿਵਾਲਵਰਾਂ, ਤੇਜ਼ਾਬ ਨਾਲ ਭਰੀਆਂ ਬੋਤਲਾਂ ਅਤੇ ਜ਼ਹਿਰ ਨਾਲ ਭਰੇ ਹੋਏ ਤੀਰਾਂ ਤੋ ਇਲਾਵਾ ਮਕੈਨੀਕਲ ਪ੍ਰੋਪੈਲੈਂਟਸ ਵੀ ਸ਼ਾਮਲ ਸਨ।

ਨਕਲੀ ਨਿਰੰਕਾਰੀ ਦੇ ਸਮਾਗਮ ਵਾਲੀ ਜਗ੍ਹਾ ਤੋਂ ਥੋੜ੍ਹੀ ਦੂਰ ਉਰਾਂ ਗੁਰਸਿੱਖ ਪ੍ਰਦਰਸ਼ਨਕਾਰੀਆਂ ਨੂੰ ਪੁਲਿਸ ਅਧਿਕਾਰੀਆਂ ਨੇ ਰੋਕ ਲਿਆ ਅਤੇ ਇਸ ਗਲ ਦਾ ਯਕੀਨ ਦਿਵਾਇਆ ਕਿ ਗੁਰਸਿੱਖਾਂ ਦੀਆਂ ਭਾਵਨਾਵਾਂ ਨੂੰ ਹੋਰ ਭੜਕਾਉਣ ਤੋਂ ਰੋਕਣ ਲਈ ਪੁਲਸ ਵੱਲੋਂ ਕਦਮ ਚੁੱਕੇ ਜਾ ਰਹੇ ਹਨ। ਪਰ ਇਨ੍ਹੇ ਵਿੱਚ ਨਿਰੰਕਾਰੀ ਮੁੱਖੀ ਗੁਰਬਚਨ ਲਾਉਡ ਸਪੀਕਰ ਉੱਤੇ ਇਹ ਕਹਿੰਦੇ ਹੋਏ ਸੁਣਿਆ ਗਿਆ, " ਇਹ ਸਿੱਖ ਸ਼ਾਇਦ ਸੋਚਦੇ ਹਨ ਕਿ ਉਹ ਸਾਨੂੰ ਸਾਡੇ ਪ੍ਰੋਗਰਾਮ ਨੂੰ ਸੁਤੰਤਰ ਰੂਪ ਵਿੱਚ ਚਲਾਉਣ ਤੋਂ ਰੋਕ ਸਕਦੇ ਹਨ। ਉਨ੍ਹਾਂ ਨੂੰ ਅੱਜ ਦੱਸ ਦਿਉ, ਉਹ ਕਿੰਨੇ ਗ਼ਲਤ ਹਨ।

”ਅਚਾਨਕ ਪੈਰਾ ਮਿਲਟਰੀ ਫੋਰਸ ਦੇ ਜਵਾਨ ਗੁਰਸਿੱਖ ਪ੍ਰਦਰਸ਼ਨਕਾਰੀਆਂ ਵੱਲ ਤੇਜ਼ੀ ਨਾਲ ਵਧੇ। ਅਤੇ ਪੰਜਾਬ ਪੁਲਿਸ ਨੇ ਗੁਰਸਿੱਖਾਂ ਵੱਲ ਅੱਥਰੂ ਗੈਸ ਦੇ ਬੰਬ ਸੁੱਟਣੇ ਸ਼ੁਰੂ ਕਰ ਦਿੱਤੇ। ਇਥੇ ਇਕ ਹਿੰਦੂ ਪੁਲਿਸ ਅਧਿਕਾਰੀ ਓ.ਡੀ. ਜੋਸ਼ੀ ਵੀ, ਗੁਰਸਿਖਾਂ 'ਤੇ ਨਿਰੰਕਾਰੀਆਂ ਵਲੋਂ ਹੋਏ ਹਮਲਿਆਂ ਵਿਚ ਨਕਲੀ ਨਿਰੰਕਾਰੀਆਂ ਦੇ ਨਾਲ ਸ਼ਾਮਲ ਸੀ। ਨਕਲੀ ਨਿਰੰਕਾਰੀਆਂ ਵਲੋਂ ਸਿੰਘਾਂ ਉਪਰ ਮਹੰਤ ਨਰੈਣੂ ਦੀ ਤਰਜ਼ ਤੇ ਹੀ ਗੋਲੀਆਂ ਦੀ ਬਾਛੜ੍ਹ ਕਰ ਦਿੱਤੀ,ਜਿਸ ਵਿੱਚ 13 ਸਿੰਘ ਸ਼ਹੀਦ ਹੋ ਗਏ ਅਤੇ 50 ਤੋਂ ਵੱਧ ਗੰਭੀਰ ਰੂਪ ਵਿਚ ਜ਼ਖਮੀ ਹੋ ਗਏ । ਗੁਰਸਿੱਖਾਂ ਵਿੱਚ ਅਖੰਡ ਕੀਰਤਨੀ ਜਥਾ ਅਤੇ ਸੰਤ ਮਹਾਂਪੁਰਖ ਭਿੰਡਰਾਂਵਾਲੇ ਦੇ ਜਥੇ ਦੇ ਗੁਰਸਿੱਖ ਸ਼ਾਮਲ ਸਨ, ਜਿਨ੍ਹਾਂ ਦੀ ਅਗਵਾਈ ਭਾਈ ਫੌਜਾ ਸਿੰਘ ਜੀ ਕਰ ਰਹੇ ਸਨ।

ਸ਼ਹੀਦ ਹੋਣ ਵਾਲੇ ਗੁਰਸਿੱਖਾਂ ਦੇ ਨਾਂ ਇਸ ਪ੍ਰਕਾਰ ਹਨ:

ਭਾਈ ਫੌਜਾ ਸਿੰਘ ਸਪੁੱਤਰ ਸਰਦਾਰ ਸੁਰੈਣ ਸਿੰਘ, ਅੰਮ੍ਰਿਤਸਰ

ਭਾਈ ਅਵਤਾਰ ਸਿੰਘ ਸਪੁੱਤਰ ਸਰਦਾਰ ਭਗਵਾਨ ਸਿੰਘ ਕੁਡਾ ਕੁਰਾਲਾ, ਹੁਸ਼ਿਆਰਪੁਰ

ਭਾਈ ਹਰਭਜਨ ਸਿੰਘ /ਸਪੁੱਤਰ ਸਰਦਾਰ ਜਗਤ ਸਿੰਘ, ਭੱਟੀਆਂ, ਗੁਰਦਾਸਪੁਰ

ਭਾਈ ਪਿਆਰਾ ਸਿੰਘ ਸਪੁੱਤਰ ਸਰਦਾਰ ਕਿਸ਼ਨ ਸਿੰਘ, ਭੂੰਗਰਾਨੀ, ਹੁਸ਼ਿਆਰਪੁਰ

ਭਾਈ ਰਘਬੀਰ ਸਿੰਘ ਸਪੁੱਤਰ ਸਰਦਾਰ ਨਵਾਬ ਸਿੰਘ, ਭਾਗਪੁਰ, ਅੰਮ੍ਰਿਤਸਰ

ਭਾਈ ਗੁਰਚਰਨ ਸਿੰਘ ਸਪੁੱਤਰ ਸਰਦਾਰ ਦਲੀਪ ਸਿੰਘ, ਨਿਊ ਮਾਡਲ ਟਾਊਨ, ਲੁਧਿਆਣਾ

ਭਾਈ ਗੁਰਦਿਆਲ ਸਿੰਘ ਸਪੁੱਤਰ ਸਰਦਾਰ ਸੋਹਣ ਸਿੰਘ, ਮੋਡ, ਅੰਮ੍ਰਿਤਸਰ

ਭਾਈ ਅਮਰੀਕ ਸਿੰਘ ਸਪੁੱਤਰ ਸਰਦਾਰ ਕੁੰਦਨ ਸਿੰਘ, ਖੁਜਾਲਾ ਅੰਮ੍ਰਿਤਸਰ

ਭਾਈ ਧਰਮਵੀਰ ਸਿੰਘ ਸਪੁੱਤਰ ਸਰਦਾਰ ਲਾਲ ਸਿੰਘ, ਅਜੀਤ ਨਗਰ, ਅੰਮ੍ਰਿਤਸਰ,

ਭਾਈ ਕੇਵਲ ਸਿੰਘ ਸਪੁੱਤਰ ਸਰਦਾਰ ਅਮਰ ਸਿੰਘ, ਪ੍ਰੇਮ ਗੜ੍ਹ, ਹੁਸ਼ਿਆਰਪੁਰ

ਭਾਈ ਹਰੀ ਸਿੰਘ ਸਪੁੱਤਰ ਸਰਦਾਰ ਗੁਰਚਰਨ ਸਿੰਘ, ਕੋਟ ਰਾਲੀਆ ਰਾਮ, ਅੰਮ੍ਰਿਤਸਰ

ਭਾਈ ਰਣਬੀਰ ਸਿੰਘ ਨੰਗ ਫੌਜੀ ਸਪੁੱਤਰ ਸਰਦਾਰ ਕਾਲਾ ਸਿੰਘ, ਥਰਾਜ, ਫਰੀਦਕੋਟ ਦੇ

ਬਾਬਾ ਦਰਸ਼ਨ ਸਿੰਘ ਜੀ ਸਪੁੱਤਰ ਸਰਦਾਰ ਅੱਛਰ ਸਿੰਘ ਜੀ, ਮਹਿਤਾ, ਸ੍ਰੀ ਅੰਮ੍ਰਿਤਸਰ ਸਾਹਿਬ ।

ਉਸ ਵਕਤ ਦੀ ਸਭ ਤੋਂ ਵੱਡੀ ਤ੍ਰਾਸਦੀ ਇਹ ਸੀ ਕਿ ਪੰਜਾਬ ਵਿਚ ਇਕ ਅਖੌਤੀ ਸਿੱਖ ਪਾਰਟੀ, ਸ਼੍ਰੋਮਣੀ ਅਕਾਲੀ ਦਲ ਦੇ ਨਾਂ ਹੇਠ ਰਾਜ ਕਰ ਰਹੀ ਸੀ, ਇਸ ਵਕਤ ਸ੍ਰੀ ਅੰਮ੍ਰਿਤਸਰ ਵਿਖੇ ਇਸੇ ਹੀ ਪਾਰਟੀ ਦੇ ਇਕ ਮੰਤਰੀ, ਜੱਥੇਦਾਰ ਜੀਵਨ ਸਿੰਘ ਉਮਰਾਨੰਗਲ ਵੀ ਸ਼ਹਿਰ ਵਿਚ ਮੌਜੂਦ ਸੀ। ਇਹ ਉਹ ਸ਼ਹਿਰ ਹੈ ਜਿੱਥੇ ਉਸ ਵਕਤ ਪੰਜਾਬ' ਚ ਰਾਜ ਕਰ ਰਹੀ ਸ਼੍ਰੋਮਣੀ ਅਕਾਲੀ ਦਲ ਅਤੇ ਸਿੱਖਾਂ ਦੀ ਪਾਰਲੀਮੈਂਟ ਕਹੀ ਜਾਂਦੀ ਸ਼੍ਰੋਮਣੀ ਗੁਰਦੁਆਰਾ ਪ੍ਰੰਬਧਕ ਕਮੇਟੀ ਦਾ ਮੁੱਖ ਦਫਤਰ ਵੀ ਇਥੇ ਹੀ ਹੈ। ਅਤੇ ਇੱਥੇ ਹੀ ਨਕਲੀ ਨਿਰੰਕਾਰੀਆਂ ਵਲੋਂ ਲੰਮੇ ਸਮੇਂ ਤੋਂ ਸਿੱਖ ਧਰਮ ਉੱਤੇ ਹਮਲੇ ਹੋ ਰਹੇ ਸਨ। ਇਸ ਤੋਂ ਇਲਾਵਾ ਦੂਸਰੀ ਤ੍ਰਾਸਦੀ ਇਹ ਕਹੀ ਜਾਵੇ ਜੀ ਕਿ ਸਿੱਖਾਂ ਦੇ ਸਾਰੇ ਕਾਤਲ ਸਣੇ ਗੁਰਬਚਨ ਦੇ ਸਰੇਆਮ ਪੰਜਾਬ ਤੋਂ ਸੁਰੱਖਿਅਤ ਬਾਹਰ ਕੱਢ ਦਿੱਤੇ ਗਏ।ਅਤੇ ਇਹ ਸੱਭ ਕੁੱਝ ਪੰਜਾਬ ਦੀ ਅਕਾਲੀ ਸਰਕਾਰ ਦੀ ਮਦਦ ਦੇ ਨਾਲ ਅਤੇ ਪੰਜਾਬ ਸਰਕਾਰ ਦੇ ਇਕ ਅਧਿਕਾਰੀ ਨਿਰੰਜਨ ਸਿੰਘ ਅਤੇ ਕਥਿਤ ਤੌਰ 'ਤੇ, ਪੰਜਾਬ ਦੇ ਤਤਕਾਲੀ ਮੁੱਖ ਮੰਤਰੀ ਦੀ ਸ਼ੈਅ ਉੱਪਰ ਹੀ ਸੰਭਵ ਹੋ ਸਕਿਆ ਸੀ।

6 ਅਕਤੂਬਰ, 1978 ਨੂੰ, ਸ੍ਰੀ ਅਕਾਲ ਤਖਤ ਦੇ ਜਥੇਦਾਰ ਵਲੋਂ ਸਿੱਖ ਕੌਮ ਦੇ ਨਾਂ ਇਕ ਹੁਕਮਨਾਮਾ ਜਾਰੀ ਹੋਇਆ। ਜਿਸ ਵਿੱਚ ਸਾਰੀ ਦੁਨੀਆ ਵਿੱਚ ਵਸਦੇ ਗੁਰਸਿੱਖਾਂ ਨੂੰ ਹੁਕਮ ਹੋਇਆ ਕਿ ਇਹਨਾਂ ਨਕਲੀ "ਨਿਰੰਕਾਰੀਆਂ" ਦਾ ਸਮਾਜਿਕ ਬਾਈਕਾਟ ਕੀਤਾ ਜਾਵੇ ਅਤੇ ਇਨ੍ਹਾਂ ਦੇ ਨਾਲ ਕੋਈ ਸਿੱਖ ਰੋਟੀ ਬੇਟੀ ਦੀ ਸਾਂਝ ਨਹੀਂ ਰੱਖੇ ਗਾ। ਇੰਜ ਦਾ ਹੀ ਹੁਕਮਨਾਮਾਂ 10 ਵਾਲੇ ਦਿਨ ਵੀ ਜਾਰੀ ਹੋਇਆਂ ਸੀ।

24 ਅਪ੍ਰੈਲ, 1980 ਨੂੰ ਸਿੰਘ ਸਾਹਿਬ ਭਾਈ ਰਣਜੀਤ ਸਿੰਘ ਜੀ ਨੇ ਖਾਲਸਾਈ ਰਿਵਾਇਤ ਦੇ ਮੁਤਾਬਕ ਇਸ ਨਕਲ਼ੀ ਨਿਰੰਕਾਰੀ ਦੇ ਘਰ' ਚ ਵੜ ਕੇ ਇਸ ਨੂੰ ਸਜਾ ਏ ਮੌਤ ਦਿੱਤੀ ਸੀ।