ੳ- ਉਸ ਪਰਮਾਤਮਾ ਨੂੰ ਜ਼ਰੂਰ ਧਿਆਵੀਂ।

ਅ- ਅਨੰਦਪੁਰ-ਸਾਹਿਬ ਜ਼ਰੂਰ ਤੂੰ ਜਾਵੀਂ।

ੲ- ਇਹ ਜੱਗ ਜਿਸ ਨੇ ਬਣਾਇਆ।

ਸ- ਸਭ ਦਾ ਓ ਕਰਤਾ ਅਖਵਾਇਆ।

ਹ- ਹੱਥ ਨਾਲ ਗੁਰੂ-ਘਰ ਸੇਵਾ ਕਰੀਂ।

ਕ- ਕਲਗੀਆਂ ਵਾਲੇ ਨੂੰ ਯਾਦ ਕਰੀਂ।

ਖ- ਖਾਣ ਨੂੰ ਜੋ ਰਿਜ਼ਕ ਦੇਵੇ।

ਗ- ਗੁਰੂ-ਘਰ ਸੇਵਾ ਨਾਲ ਲੱਗਦੇ ਮੇਵੇ।

ਘ- ਘਰ ਓ ਈਸ਼ਵਰ ਦਾ ਹੈ ਐਸਾ।

ਙ- ਖਾਲੀ ਨਾ ਕੋਈ ਮੁੜਦਾ ਜੈਸਾ।

ਚ- ਚਾਰ ਕੁਰਹਿਤਾਂ ਤੋਂ ਬਚ ਕੇ ਰਹਿ ਜੀ।

ਛ- ਛੱਤ ਨੀਲੀ ਤੋਂ ਡਰਦਾ ਰਹਿ ਜੀ।

ਜ- ਜੋੜਿਆਂ ਦੀ ਭਾਵੇਂ ਸੇਵਾ ਕਰ ਲੈ।

ਝ- ਝਾੜੂ ਲਾ ਪੱਤੇ ਇਕੱਠੇ ਕਰ ਲੈ।

ਞ- ਖਾਲੀ ਥਾਂ ਤੋਂ ਪੱਤੇ ਸਾਫ਼ ਕਰ ਲੈ 1

ਟ- ਟੈਹਲ ਨਾਲ ਪ੍ਰਬੰਧ ਚਲਾਵੀਂ।

ਠ- ਠੰਢੇ ਪਾਣੀ ਦਾ ਜਲ ਛਕਾਵੀਂ।

ਡ- ਡਰ ਗੁਰੂ ਦਾ ਪੂਰਾ ਖਾਵੀਂ।

ਢ- ਢਾਲ ਆਪਣੇ-ਆਪ ਨੂੰ ਲਾਵੀਂ।

ਣ- ਜਾਣ ਇਹ ਗੱਲ ਪੂਰੀ ਜਾਵੀਂ।

ਤ- ਤੱਤੇ ਪਾਣੀ ਨਾਲ ਬਰਤਨ ਧੋ ਲੈ।

ਥ- ਥਾਲ ਵੀ ਚੰਗੀ ਤਰ੍ਹਾਂ ਪਰੋ ਲੈ।

ਦ- ਦੇਗੇ ਵੀ ਤੂੰ ਚੰਗੇ ਮਾਂਜੀ।

ਧ- ਧਰਮ ਅਸਥਾਨਾਂ ਦੀ ਸੇਵਾ ਸਾਂਝੀ।

ਨ- ਨਾਮ ਬਾਣੀ ਵੀ ਜਪਦਾ ਰਹਿ ਜੀ।

ਪ- ਪੰਗਤ ’ਚ ਬੈਠ ਪ੍ਰਸ਼ਾਦਾ ਛੱਕਦਾ ਰਹਿ ਜੀ।

ਫ- ਫੁੱਲਾਂ ਦੀ ਤਰ੍ਹਾਂ ਜੀਵਨ ਬਿਤਾਵੀਂ।

ਬ- ਬਚਨ ਗੁਰਾਂ ’ਤੇ ਅਮਲ ਕਮਾਵੀਂ।

ਭ- ਭਾਣਾ ਗੁਰੂ ਦਾ ਮੰਨਦਾ ਰਹਿ ਜੀ।

ਮ- ਮਨ ’ਤੇ ਨਾ ਕੋਈ ਬੋਝ ਲੈ ਜੀ।

ਯ- ਯਾਰੀ ਪ੍ਰਭੂ-ਪ੍ਰੀਤਮ ਸੰਗ ਰੱਖੀਂ।

ਰ- ਰੋਜ਼ਾਨਾ ਗੁਰੂ-ਘਰ ਆਉਣੀ-ਜਾਣੀ ਰੱਖੀਂ।

ਲ- ਲੋਭ ਨਾ ਕੋਈ ਦਿਲ 'ਚ ਰੱਖੀਂ।

ਵ- ਵਧੀਆ ਪੂਰਾ ਗੁਰਸਿੱਖੀ ਜੀਵਨ ਰੱਖੀਂ।

ੜ- ੜਾੜ ਨਾ ਕੋਈ ਹਰਜੀਤ ਸਿੰਘ ਅੰਦਰ ਰੱਖੀਂ।