10 ਅਕਤੂਬਰ 1951 ਵਾਲੇ ਦਿਨ ਪ੍ਰਸਿੱਧ ਹਾਕੀ ਖਿਡਾਰੀ ਸਰਦਾਰ ਸੁਰਜੀਤ ਸਿੰਘ ਦਾ ਦਾ ਜਨਮ ਹੋਇਆ।

10 ਅਕਤੂਬਰ 1951 ਵਾਲੇ ਦਿਨ ਪ੍ਰਸਿੱਧ ਹਾਕੀ ਖਿਡਾਰੀ ਸਰਦਾਰ ਸੁਰਜੀਤ ਸਿੰਘ ਦਾ ਜਨਮ ਪਿੰਡ ਦਾਖ਼ਲਾ, ਗੁਰਦਾਸਪੁਰ ਵਿੱਚ ਸਰਦਾਰ ਮੱਘਰ ਸਿੰਘ ਰੰਧਾਵਾ ਹੁਣਾਂ ਦੇ ਗ੍ਰਹਿ ਵਿਖੇ ਹੋਇਆ।

ਆਪ ਨੇ ਬਟਾਲਾ ਦੇ ਖ਼ਾਲਸਾ ਸਕੂਲ ਤੋਂ ਮੁਢਲੀ ਵਿਦਿਆ ਹਾਸਲ ਕੀਤੀ ਅਤੇ ਫੇਰ ਸਾਲ 1967 ਦੇ ਦੋਰਾਨ ਸੁਰਜੀਤ ਸਿੰਘ ਨੇ ਸਪੋਰਟਸ ਕਾਲਜ ਜਲੰਧਰ ਵਿੱਚ ਦਾਖ਼ਲਾ ਲੈ ਲਿਆ।

1968 ਸਾਲ ਦੇ ਦੋਰਾਨ ਆਪ ਪੰਜਾਬ ਯੂਨੀਵਰਸਿਟੀ ਦੀ ਹਾਕੀ ਟੀਮ ਵਿੱਚ ਸ਼ਾਮਲ ਹੋ ਗਏ ਅਤੇ ਕਈ ਅਹਿਮ ਹਾਕੀ ਦੇ ਮੈਚਾਂ ਵਿੱਚ ਹਿਸਾ ਲਿਆ ਅਤੇ ਆਪਣੀ ਖੇਡ ਦੇ ਜੋਹਰ ਦਿਖਾਏ। ਇਸੇ ਕਾਰਣ ਆਪ ਨੂੰ ਯੂਨੀਵਰਸਿਟੀ ਦੀ ਸਾਂਝੀ ਟੀਮ ਵਿੱਚ ਸ਼ਾਮਲ ਕਰ ਲਿਆ ਗਿਆ ਅਤੇ ਟੀਮ ਦੇ ਨਾਲ ਆਪ ਨੇ ਆਸਟਰੇਲੀਆ ਦਾ ਦੌਰਾ ਕੀਤਾ।

ਹਾਕੀ ਖਿਡਾਰੀ ਹੋਣ ਕਰਕੇ ਭਾਰਤੀ ਰੇਲਵੇ ਵਿੱਚ ਕਮਰਸ਼ੀਅਲ ਇੰਸਪੈਕਟਰ ਵਜੋਂ ਨੌਕਰੀ ਮਿਲ ਗਈ। ਸੁਰਜੀਤ ਸਿੰਘ ਨੇ ਓਲੰਪਿਕ ਗੇਮਾਂ, ਏਸ਼ਿਆਈ ਗੇਮਾਂ ਅਤੇ ਵਿਸ਼ਵ ਕੱਪ ਵਿੱਚ 13 ਵਾਰੀ ਭਾਰਤੀ ਹਾਕੀ ਟੀਮ ਦੀ ਨੁੰਮਾਇੰਦਗੀ ਕੀਤੀ। 1972 ਵਿੱਚ ਆਪ ਨੇ ਪੰਜਾਬ ਸੂਬੇ ਵੱਲੋਂ ਪਹਿਲੀ ਵਾਰੀ ਕੌਮੀ ਪੱਧਰ ’ਤੇ ਖੇਡ ਵਿੱਚ ਹਿਸਾ ਲਿਆ ਅਤੇ ਇਥੇ ਵੀ ਆਪਣਾ ਲੋਹਾ ਮਨਵਾਇਆ। ਇਸੇ ਅਧਾਰ ’ਤੇ ਆਪ ਨੂੰ ਸਾਲ 1973 ਦੇ ਐਮਸਟਰਡਮ ਵਿਸ਼ਵ ਕੱਪ ਵਿੱਚ ਹਾਕੀ ਖੇਡਣ ਵਾਲੀ ਭਾਰਤੀ ਟੀਮ ਦੇ ਮੈਂਬਰ ਵਜੋਂ ਨਿਯੁੱਕਤ ਕੀਤਾ ਗਿਆ। ਆਪ 1972 ਦੀ ਮਿਊਨਿਕ਼ ਓਲੰਪਿਕ ਵਿੱਚ ਵੀ ਭਾਰਤੀ ਟੀਮ ਵਲੋਂ ਸ਼ਾਮਲ ਹੋਏ।

ਹਾਲੈਂਡ ਅਤੇ ਭਾਰਤ ਦਰਮਿਆਨ ਵਿਸ਼ਵ ਕੱਪ ਦੇ ਫਾਈਨਲ ਮੈਚ ਵਿਚ ਪਹਿਲੇ ਸੱਤ ਮਿੰਟਾਂ ਵਿੱਚ ਮਿਲੇ ਦੋ ਪਨੈਲਟੀ ਕਾਰਨਰਾਂ ਨੂੰ ਸੁਰਜੀਤ ਸਿੰਘ ਨੇ ਕਰਾਰੇ ਸ਼ਾਟ ਲਾਉਂਦਿਆਂ ਗੋਲਾਂ ਵਿੱਚ ਬਦਲ ਦਿੱਤਾ। ਪਰ ਇਨ੍ਹਾਂ ਦੀ ਬੇਹਤਰੀਨ ਖੇਡ ਉਸ ਵਕਤ ਕੰਮ ਨਾ ਆਈ ਜਦੋਂ ਬਰਾਬਰੀ ’ਤੇ ਖ਼ਤਮ ਹੋਏ ਮੈਚ ਦਾ ਆਖਰੀ ਨਤੀਜਾ ਪਨੈਲਟੀ ਸਟਰੌਕ ਦੇ ਰਾਹੀਂ 4-2 ਦੇ ਫਰਕ ਦੇ ਨਾਲ ਹਾਲੈਂਡ ਦੇ ਹੱਕ ਵਿੱਚ ਦੇ ਦਿੱਤਾ ਗਿਆ।

 6 ਜਨਵਰੀ 1984 ਵਾਲੇ ਦਿਨ ਹਾਕੀ ਦੇ ਇਸ ਮਹਾਨ ਖਿਡਾਰੀ ਨੇ ਇਸ ਫਾਨੀ ਸੰਸਾਰ ਨੂੰ ਅਲਵਿਦਾ ਆਖ ਦਿੱਤਾ। ਇਸ ਮਹਾਨ ਖਿਡਾਰੀ ਦੇ ਇਸ ਫਾਨੀ ਸੰਸਾਰ ਨੂੰ ਅਲਵਿਦਾ ਕਹਿ ਜਾਣ ਤੋਂ 15 ਵਰ੍ਹੇ ਮਗਰੋਂ ਆਪ ਦੀ ਭਾਰਤ ਸਰਕਾਰ ਨੂੰ ਪਛਾਣ ਹੋਈ ਜੋ ਆਪ ਆਪ ਦੇ ਦੇਹਾਂਤ ਤੋਂ ਬਾਅਦ 1998 ਵਿੱਚ ਆਪ ਨੂੰ ਅਰਜੁਨਾ ਐਵਾਰਡ ਦਿੱਤਾ ਗਿਆ।