15 ਅਕਤੂਬਰ 1605 ਵਾਲੇ ਦਿਨ, ਸਤਿਗੁਰੂ ਗੁਰੂ ਅਰਜੁਨ ਦੇਵ ਜੀ ਨੂੰ ਸ਼ਹੀਦ ਕਰਣ ਵਾਲਾ, ਨੂਰੁੱਦੀਨ ਸਲੀਮ, ਜਹਾਂਗੀਰ ਦੇ ਨਾਮ ਦੇ ਨਾਲ ਗਦੀ’ਤੇ ਬੈਠਾ ਅਤੇ, 7 ਨਵੰਬਰ 1627 ਭਾਵ ਆਪਣੀ ਮੌਤ ਤੱਕ ਉਸਨੇ ਰਾਜ ਕੀਤਾ।

30 ਅਗਸਤ 1569 ਵਾਲੇ ਦਿਨ ਨੂਰੁੱਦੀਨ ਸਲੀਮ ਜਹਾਂਗੀਰ ਦਾ ਜਨਮ ਹੋਇਆ ਸੀ ਅਤੇ 7 ਨਵੰਬਰ 1627 ਵਾਲੇ ਦਿਨ ਇਸ ਦਾ ਇੰਤਕਾਲ ਹੋ ਗਿਆ। ਇਹ ਚੌਥਾ ਮੁਗ਼ਲ ਸਮਰਾਟ ਸੀ। ਜਿਸ ਨੇ 15 ਅਕਤੂਬਰ 1605 ਤੋਂ ਲੈਕੇ, 7 ਨਵੰਬਰ 1627 ਭਾਵ ਆਪਣੀ ਮੌਤ ਤੱਕ ਰਾਜ ਕੀਤਾ।

24 ਅਕਤੂਬਰ 1605, ਵਾਲੇ ਦਿਨ, ਸਤਿਗੁਰੂ ਗੁਰੂ ਅਰਜੁਨ ਦੇਵ ਜੀ ਨੂੰ ਸ਼ਹੀਦ ਕਰਣ ਵਾਲੇ, ਇਸ ਨੂਰੁੱਦੀਨ ਸਲੀਮ ਜਹਾਂਗੀਰ ਦੀ ਆਗਰਾ ਵਿਖੇ ਤਾਜਪੋਸ਼ੀ ਹੋਈ ਸੀ।

ਨੂਰੁੱਦੀਨ ਸਲੀਮ ਜਹਾਂਗੀਰ ਦਾ ਜਨਮ, ਫਤਿਹਪੁਰ ਸੀਕਰੀ ਵਿੱਖੇ ਸਥਿਤ ‘ਸ਼ੇਖ ਆਗਾ ਸਲੀਮ ਚਿਸ਼ਤੀ’ ਦੀ ਦੁਆ ਦੇ ਨਾਲ਼ ਹੋਇਆ ਸੀ ਇਸ ਕਰ ਅਕਬਰ ਨੇ ਇਸ ਦਾ ਨਾ ਸਲੀਮ ਰੱਖਿਆ ਸੀ। ਇਹ ਨੂਰੁੱਦੀਨ ਜਹਾਂਗੀਰ ਦੇ ਨਾਂ ਦੇ ਨਾਲ ਤਖਤ ਤੇ ਬੈਠਾ ਸੀ। ਅਕਬਰ ਦੇ ਤਿੰਨ ਸ਼ਹਿਜ਼ਾਦੇ ਸਨ। ਜਿਨ੍ਹਾਂ ਦੇ ਨਾਂ ਸਨ, ਸਲੀਮ, ਮੁਰਾਦ ਅਤੇ ਦਾਨਯਾਲ। ਮੁਰਾਦ ਅਤੇ ਦਾਨਯਾਲ ਆਪਣੇ ਬਾਪ, ਅਕਬਰ ਦੇ ਜਿਊਂਦੇ ਜੀਅ ਹੀ ਸ਼ਰਾਬਨੋਸ਼ੀ ਦੀ ਵਜ੍ਹਾ ਕਾਰਣ ਗੁਜ਼ਰ ਚੁੱਕੇ ਸਨ। ਇਕੱਲਾ ਸਲੀਮ ਹੀ ਬਚਿਆ ਸੀ ਵੈਸੇ ਇਹ ਵੀ ਪੂਰਾ ਸ਼ਰਾਬੀ ਸੀ।

ਉਸਦਾ ਪਿਤਾ ਸ਼ਹਿਨਸ਼ਾਹ ਅਕਬਰ, ਉਸਦੀਆਂ ਇਨ੍ਹਾਂ ਬੁਰੀਆਂ ਆਦਤਾਂ ਤੋਂ ਖਾਸਾ ਪ੍ਰੇਸ਼ਾਨ ਸੀ ਅਤੇ ਉਸਨੇ ਇਸ ਦੀਆਂ ਇਹ ਬੁਰੀਆਂ ਆਦਤਾਂ ਛਡਾਉਣ ਦੀ ਪੂਰੀ ਕੋਸ਼ਸ਼ ਕੀਤੀ ਸੀ, ਪਰ ਉਸਨੂੰ ਸਫਲਤਾ ਨਹੀਂ ਮਿਲੀ, ਜਿਸ ਕਾਰਣ ਉਹ ਜੀਵਨਭਰ ਦੁਖੀ ਰਿਹਾ। ਉਹ ਆਪਣੇ ਜਿਉਂਦੇ ਜੀਅ ਆਪਣੇ ਪੋਤੇ ਖੁਸਰੋ ਨੂੰ ਤਾਜ ਦੇਣਾ ਚਾਹੁੰਦਾ ਸੀ ਪਰ ਐਸਾ ਹੋ ਨਾ ਸਕਿਆ। ਅਤੇ ਆਖਰ ਅਕਬਰ ਦੀ ਮੌਤ ਦੇ ਬਾਦ 36 ਸਾਲ ਦੀ ਉਮਰ ਵਿੱਚ ਜਹਾਂਗੀਰ ਹੀ ਤਖ਼ਤ' ਤੇ ਬੈਠਾ।

ਅਜਿਹੇ ਬਦਨਾਮ ਵਿਅਕਤੀ ਦੇ ਗੱਦੀਨਸ਼ੀਨ ਹੋਣ' ਤੇ ਹਿੰਦੂਸਤਾਨ ਦੀ ਜਨਤਾ ਨਾਖੁਸ਼ ਸੀ। ਇਹ ਆਪਣੀ ਪਤਨੀ ਮਲਿਕਾ ਨੂਰ ਜਹਾਂ ਨਾਲ ਬਹੁਤ ਮੁਹੱਬਤ ਕਰਦਾ ਸੀ ਅਤੇ ਉਸ ਦੀ ਹਰ ਗਲ ਮੰਨਦਾ ਸੀ। ਜਹਾਂਗੀਰ ਦੇ ਰਾਜ ਵਿੱਚ ਹੀ ਸਾਲ 1613 ਦੇ ਦੋਰਾਨ ਬ੍ਰਿਟਿਸ਼ ਈਸਟ ਇੰਡੀਆ ਕੰਪਨੀ ਨੂੰ ਗੁਜਰਾਤ ਦੇ ਸੂਰਤ ਸ਼ਹਿਰ ਵਿੱਚ, ਇੱਕ ਵਪਾਰ ਅਹੁਦਾ ਭਾਵ ਪੋਸਟ ਸਥਾਪਿਤ ਕਰਨ ਲਈ ਇਜਾਜ਼ਤ ਦੇ ਦਿੱਤੀ ਗਈ ਸੀ।