16 ਅਕਤੂਬਰ 2015 ਵਾਲੇ ਦਿਨ ਡੇਰਾ ਸੌਧਾ ਦੇ ਸਾਧ ਮੁਖੀ ਗੁਰਮੀਤ ਰਾਮ ਨੂੰ ਦਿੱਤੀ ਗਈ ਮੁਆਫੀ ਵਾਪਸ ਲੈ ਲਈ ਗਈ। 

24 ਸਤੰਬਰ 2015 ਵਾਲੇ ਦਿਨ, ਡੇਰਾ ਸੌਦਾ ਦੇ ਸਾਧ ਮੁਖੀ ਗੁਰਮੀਤ ਰਾਮ ਨੂੰ, ਸ੍ਰੀ ਆਕਾਲ ਤਖਤ ਸਾਹਿਬ ਦੇ ਜੱਥੇਦਾਰ, ਗਿਆਨੀ ਗੁਰਬਚਨ ਸਿੰਘ ਵਲੋਂ, ਬਗੈਰ ਮੰਗਿਆਂ ਮਾਫੀ ਦੇ ਦਿੱਤੀ ਗਈ।

29 ਸਤੰਬਰ 2015 ਵਾਲੇ ਦਿਨ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਜਨਰਲ ਇਜਲਾਸ ਨੇ, ਸ੍ਰੀ ਅਕਾਲ ਤਖ਼ਤ ਸਾਹਿਬ ਦੇ ਜਥੇਦਾਰ ਗਿਆਨੀ ਗੁਰਬਚਨ ਸਿੰਘ ਵੱਲੋਂ ਜਾਰੀ, ਡੇਰਾ ਸੌਦਾ ਦੇ ਸਾਧ ਮੁੱਖੀ ਗੁਰਮੀਤ ਰਾਮ ਨੂੰ ਦਿੱਤੀ ਮਾਫੀ ਦੇ ਆਦੇਸ਼ ਦੇ ਉਤੇ ਅਮਲ ਕਰਨ ਅਤੇ ਕਰਵਾਉਣ ਦੇ ਲਈ ਆਪਣਾ ਬਾਦਲਾਂ ਪੱਖੀ ਫ਼ਰਜ਼ ਨਿਭਾਉਂਦਿਆਂ ਹੋਇਆਂ 24 ਸਤੰਬਰ 2015 ਵਾਲੇ ਦਿਨ, ਡੇਰਾ ਸੌਦਾ ਦੇ ਸਾਧ ਮੁਖੀ ਗੁਰਮੀਤ ਰਾਮ ਨੂੰ ਦਿੱਤੀ ਗਈ ਮਾਫ਼ੀ ਦੇ ਹੋਏ ਹੁਕਮ ਨੂੰ ਲਾਗੂ ਕਰਵਾਉਣ ਦਾ ਮਤਾ ਪਾਸ ਕਰ ਦਿੱਤਾ।

ਸਾਲ 2007 ਦੀ ਸ਼ੁਰੂਆਤ ਵਿੱਚ ਡੇਰਾ ਸੌਦਾ ਸਿਰਸਾ ਦੇ ਸਾਧ ਮੁਖੀ ਗੁਰਮੀਤ ਰਾਮ ਨੇ ਦਸਵੇਂ ਪਾਤਸ਼ਾਹਵ ਸਾਹਿਬੇ ਕਮਾਲ ਗੁਰੂ ਗੋਬਿੰਦ ਸਿੰਘ ਜੀ ਦੀ ਨਕਲ ਕਰਦਿਆਂ ਸਤਿਗੁਰੂ ਦੀ ਵਰਗੀ ਪੋਸ਼ਾਕ ਪਹਿਨ ਕੇ ਜਾਮ-ਏ-ਇੰਨਸਾਨ ਦੇ ਨਾਮ ਹੇਠ, ਦੁੱਧ ਵਿੱਚ ਰੂਹਾਫ਼ਜ਼ਾਹ ਇਕ ਵਡੇ ਬਾਟੇ ਵਿੱਚ ਘੋਲ ਕੇ ਅੰਮ੍ਰਿਤ ਛਕਾਉਣ ਦਾ ਪਾਖੰਡ ਕੀਤਾ ਸੀ।ਜਦੋਂ ਉਸ ਦੀ ਇਹ ਨਾਟਕੀ ਤਸਵੀਰ ਸਾਹਮਣੇ ਆਈ ਤਾਂ ਸਿੱਖਾਂ ਵਿੱਚ ਗੁੱਸੇ ਅਤੇ ਰੋਸ ਦੀ ਇਕ ਲਹਿਰ ਦੌੜ ਗਈ। ਫੇਰ ਇਸ ਗੱਲ ਨੂੰ ਲੈਕੇ ਮਈ 2007 ਵਿੱਚ ਸ੍ਰੀ ਅਕਾਲ ਤਖ਼ਤ ਸਾਹਿਬ ਵਲੋਂ ਇਕ ਹੁਕਮਨਾਮਾ ਜਾਰੀ ਹੋਇਆ ਜਿਸ ਵਿੱਚ ਸਿੱਖ ਪੰਥ ਨੂੰ, ਡੇਰਾ ਸੌਦਾ ਦੇ ਸਾਧ ਮੁਖੀ ਗੁਰਮੀਤ ਰਾਮ ਦੇ ਨਾਲ ਕਿਸੇ ਵੀ ਤਰੀਕੇ ਦੀ ਕੋਈ ਵੀ ਸਾਂਝ ਨਾ ਰੱਖਣ ਦਾ ਹੁਕਮ ਸੁਣਾਇਆ ਗਿਆ।

ਫੇਰ ਇਕ ਦਮ ਬਗੈਰ ਮਾਫੀ ਮੰਗੇ, ਡੇਰਾ ਸੌਦਾ ਦੇ ਸਾਧ ਮੁਖੀ ਗੁਰਮੀਤ ਰਾਮ ਨੂੰ 24 ਸਤੰਬਰ 2015 ਨੂੰ ਸ੍ਰੀ ਅਕਾਲ ਤਖ਼ਤ ਸਾਹਿਬ ਵਿਖੇ ਪੰਜ ਸਿੰਘ ਸਾਹਿਬਾਨਾਂ ਵੱਲੋਂ ਉਸ ਨੂੰ ਮੁਆਫੀ ਦੇ ਦਿੱਤੀ ਗਈ।

29 ਸਤੰਬਰ ਨੂੰ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਜਨਰਲ ਇਜਲਾਸ ਨੇ ਸ੍ਰੀ ਅਕਾਲ ਤਖ਼ਤ ਸਾਹਿਬ ਵੱਲੋਂ ਜਾਰੀ ਮਾਫੀ ਦੇ ਆਦੇਸ਼ ਦੇ ਉਤੇ ਅਮਲ ਕਰਨ ਅਤੇ ਕਰਵਾਉਣ ਦੇ ਲਈ ਆਪਣਾ ਬਾਦਲਾਂ ਪੱਖੀ ਫ਼ਰਜ਼ ਨਿਭਾਉਂਦਿਆਂ ਹੋਇਆਂ 24 ਸਤੰਬਰ 2015 ਵਾਲੇ ਦਿਨ ਪੰਜ ਸਿੰਘ ਸਾਹਿਬਾਨ ਵੱਲੋਂ ਗੁਰਮੀਤ ਰਾਮ ਨੂੰ ਦਿੱਤੀ ਗਈ ਮਾਫ਼ੀ ਦੇ ਹੋਏ ਹੁਕਮ ਨੂੰ ਲਾਗੂ ਕਰਵਾਉਣ ਦਾ ਮਤਾ ਪਾਸ ਕਰ ਦਿੱਤਾ ਗਿਆ। ਇਸ ਜਨਰਲ ਇਜਲਾਸ ਵਿਚ ਮੈਂਬਰਾਂ ਦੀ ਸਹਿਮਤੀ ਦੇ ਮੁਤਾਬਕ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਤਤਕਾਲੀ ਪ੍ਰਧਾਨ ਜਥੇਦਾਰ ਅਵਤਾਰ ਸਿੰਘ ਮੱਕੜ ਵੱਲੋਂ ਅਪੀਲ ਰੂਪੀ ਮਤਾ ਪੜਿਆ ਗਿਆ ਜਿਸ ਦਾ ਕੇ ਕੁਝ ਮੈਂਬਰਾਂ ਵਲੋਂ ਡਟ ਕੇ ਵਿਰੋਧ ਵੀ ਕੀਤਾ ਗਿਆ।

ਇਸ ਗੱਲ ਨੂੰ ਲੈਕੇ ਖ਼ਾਲਸਾ ਪੰਥ ਵਿੱਚ ਇੱਕ ਵਾਰੀ ਫੇਰ ਗੁੱਸੇ ਦੀ ਲਹਿਰ ਦੇਖਣ ਤੋਂ ਬਾਅਦ 16 ਅਕਤੂਬਰ ਨੂੰ ਡੇਰਾ ਮੁਖੀ ਨੂੰ ਦਿੱਤੀ ਗਈ ਮੁਆਫੀ ਵਾਪਸ ਲੈ ਲਈ ਗਈ।

24 ਸਤੰਬਰ 2015 ਵਾਲੇ ਦਿਨ ਸ੍ਰੀ ਅਕਾਲ ਤਖ਼ਤ ਸਾਹਿਬ ਤੇ ਕਾਬਜ਼ ਸਿੰਘ ਸਾਹਿਬਾਨਾਂ ਵਲੋਂ ਡੇਰਾ ਸੌਦਾ ਦੇ ਸਾਧ ਮੁਖੀ ਗੁਰਮੀਤ ਰਾਮ ਨੂੰ ਮਾਫ਼ ਕਰਨ ਤੋਂ ਬਾਅਦ ਇਹ ਗੱਲ ਸਾਹਮਣੇ ਆਈ ਕੇ ਬਾਲੀਵੁੱਡ ਦੇ ਇਕ ਅਦਾਕਾਰ ਅਕਸ਼ੇ ਕੁਮਾਰ ਨੇ ਰਾਮ ਰਹੀਮ ਨੂੰ ਮਾਫ਼ ਕਰਵਾਉਣ ਵਿਚ ਅਹਿਮ ਭੂਮੀਕਾ ਨਿਭਾਈ ਹੈ। ਇਸ ਦੇ ਲਈ ਅਕਸ਼ੇ ਕੁਮਾਰ ਦੇ ਮੁੰਬਈ ਵਿੱਖੇ ਬੰਗਲੇ ਵਿੱਚ ਸ੍ਰੀ ਸੁਖਬੀਰ ਸਿੰਘ ਬਾਦਲ ਅਤੇ ਡੇਰਾ ਮੁੱਖੀ ਗੁਰਮੀਤ ਰਾਮ ਦੀ 20 ਸਤੰਬਰ, 2015 ਵਾਲੇ ਇਕ ਮੀਟਿੰਗ ਹੋਈ ਸੀ। ਜਿਸ ਵਿੱਚ ਡੇਰਾ ਮੁੱਖੀ ਨੂੰ ਮਾਫ ਕੀਤੇ ਜਾਣ ਦੇ ਕਈ ਬਕਾਇਦਾ ਸੌਦੇਬਾਜੀ ਹੋਈ ਸੀ।

8 ਮਾਰਚ ਨੂੰ ਦਿੱਤੇ ਆਪਣੇ ਬਿਆਨ ਵਿੱਚ ਗਿਆਨੀ ਇਕਬਾਲ ਸਿੰਘ ਨੇ ਕਿਹਾ ਸੀ ਕਿ 24 ਸਤੰਬਰ, 2015 ਨੂੰ ਡੇਰਾ ਸਿਰਸਾ ਦੇ ਮੁਖੀ ਨੂੰ ਮੁਆਫ਼ੀ ਦੇਣ ਦੀ ਬਾਦਲਾਂ ਦੀ ਪਹਿਲਾਂ ਤੋਂ ਹੀ ਸਕੀਮ ਸੀ।

8 ਮਾਰਚ ਨੂੰ ਤਖ਼ਤ ਸ੍ਰੀ ਪਟਨਾ ਸਾਹਿਬ ਦੇ ਸਾਬਕਾ ਜੱਥੇਦਾਰ ਇਕਬਾਲ ਸਿੰਘ ਨੇ ਪੰਜਾਬ ਵਿੱਚ ਬੇਅਦਬੀ ਦੀਆਂ ਘਟਨਾਵਾਂ ਤੇ ਉਸ ਤੋਂ ਵਾਪਰੀਆਂ ਪੁਲਿਸ ਗੋਲੀਬਾਰੀ ਦੀਆਂ ਘਟਨਾਵਾਂ ਦੀ ਜਾਂਚ ਕਰ ਰਹੀ ਵਿਸ਼ੇਸ਼ ਜਾਂਚ ਟੀਮ ਭਾਵ ਐੱਸਆਈਟੀ ਕੋਲ ਆਪਣੇ ਸੱਤ–ਪੰਨਿਆਂ ਦੇ ਲਿਖਤੀ ਬਿਆਨ ਵਿੱਚ ਇਹ ਦਾਅਵਾ ਕੀਤਾ ਸੀ ਕਿ ਡੇਰਾ ਸਿਰਸਾ ਦੇ ਮੁਖੀ ਗੁਰਮੀਤ ਰਾਮ ਨੂੰ ਮਾਫ਼ੀ ਦਿਵਾਉਣ ਦਾ ਫ਼ੈਸਲਾ ਬਾਦਲਾਂ ਨੇ ਪਹਿਲਾਂ ਤੋਂ ਹੀ ਕੀਤਾ ਹੋਇਆ ਸੀ। ਜੱਥੇਦਾਰ ਇਕਬਾਲ ਸਿੰਘ ਦਾ ਇਹ ਬਿਆਨ ਹੁਣ ਐੱਸਆਈਟੀ ਵੱਲੋਂ ਪੇਸ਼ ਕੀਤੀ ਗਈ ਚਾਰਜਸ਼ੀਟ ਦਾ ਹਿੱਸਾ ਹੈ।

ਗਿਆਨੀ ਇਕਬਾਲ ਸਿੰਘ ਨੇ ਐੱਸਆਈਟੀ ਦੇ ਅੱਗੇ ਦਿੱਤੇ ਆਪਣੇ ਬਿਆਨ ਵਿੱਚ ਇਹ ਵੀ ਦਾਅਵਾ ਕੀਤਾ ਹੈ ਕਿ ਸ੍ਰੀ ਅਕਾਲ ਤਖ਼ਤ ਸਾਹਿਬ ਦੇ ਤਤਕਾਲੀ ਜੱਥੇਦਾਰ ਗਿਆਨੀ ਗੁਰਬਚਨ ਸਿੰਘ ਨੇ ਤਤਕਾਲੀਨ ਮੁੱਖ ਮੰਤਰੀ ਸ੍ਰੀ ਪ੍ਰਕਾਸ਼ ਸਿੰਘ ਬਾਦਲ ਅਤੇ ਉਨ੍ਹਾਂ ਦੇ ਕਾਕੇ ਸ੍ਰੀ ਸੁਖਬੀਰ ਸਿੰਘ ਬਾਦਲ ਦੇ ਦਬਾਅ ਹੇਠ ਆ ਕੇ ਡੇਰਾ ਮੁਖੀ ਨੂੰ ਮੁਆਫ਼ੀ ਦਿੱਤੀ ਸੀ।

ਉਨ੍ਹਾਂ ਇਹ ਵੀ ਦੋਸ਼ ਲਾਇਆ ਸੀ ਕਿ ਡੇਰਾ ਮੁਖੀ ਦੀ ਚਿੱਠੀ ਸ੍ਰੀ ਅਕਾਲ ਤਖ਼ਤ ਸਾਹਿਬ ਵਿਖੇ ਦੋਬਾਰਾ ਸੋਧੀ ਗਈ ਸੀ ਅਤੇ ਹੇਠਾਂ ਡੇਰਾ ਮੁਖੀ ਦੇ ਜਾਅਲੀ ਦਸਤਖ਼ਤ ਵੀ ਕੀਤੇ ਗਏ ਸਨ।ਗਿਆਨੀ ਇਕਬਾਲ ਸਿੰਘ ਨੇ ਕਿਹਾਸੀ ਕਿ ਸੁਖਬੀਰ ਸਿੰਘ ਬਾਦਲ ਦਾ ਮੰਤਵ ਸਿਰਫ਼ ਡੇਰਾ ਸਿਰਸਾ ਦੀਆਂ ਲੱਖਾਂ ਵੋਟਾਂ ਹਾਸਲ ਕਰਨਾ ਸੀ।

4 ਸਤੰਬਰ 2018 ਵਾਲੇ ਦਿਨ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮਟੀ ਦੇ ਸਾਬਕਾ ਪ੍ਰਧਾਨ ਅਵਤਾਰ ਸਿੰਘ ਮੱਕੜ ਨੇ ਇੰਡੀਅਨ ਐਕਸਪ੍ਰੈਸ ਨੂੰ ਆਪਣਾ ਇੱਕ ਬਿਆਨ ਦੇਂਦਿਆਂ ਕਿਹਾ ਸੀ ਕਿ ਡੇਰਾ ਸੌਦਾ ਦੇ ਸਾਧ ਮੁਖੀ ਨੂੰ ਮੁਆਫ਼ੀ ਦਿੱਤੇ ਜਾਣ ਬਾਰੇ ਸੁਖਬੀਰ ਬਾਦਲ ਨੇ ਬਿਲਕੁਲ ਆਖ਼ਰੀ ਪਲਾਂ ਵਿਚ ਉਨ੍ਹਾਂ ਨੂੰ ਦੱਸਿਆ ਸੀ। "ਦਿ ਇੰਡੀਅਨ ਐਕਸਪ੍ਰੈਸ" ਦੇ ਨਾਲ ਗੱਲ ਕਰਦਿਆਂ ਜਥੇਦਾਰ ਮੱਕੜ ਨੇ ਦਾਅਵਾ ਕੀਤਾ ਸੀ ਕਿ ਉਨ੍ਹਾਂ ਨੇ ਸੁਖਬੀਰ ਬਾਦਲ ਨੂੰ ਚਿਤਾਵਨੀ ਦਿੰਦਿਆਂ ਅਜਿਹਾ ਨਾ ਕਰਨ ਲਈ ਵੀ ਕਿਹਾ ਸੀ।

ਮੱਕੜ ਨੇ ਦਾਅਵਾ ਕੀਤਾ ਦੀ ਕਿ ਉਸ ਨੂੰ ਉਦੋਂ ਪਤਾ ਲੱਗਾ ਸੀ ਜਦੋਂ ਸੁਖਬੀਰ ਬਾਦਲ ਨੇ ਉਸ ਨੂੰ ਚੰਡੀਗੜ੍ਹ ਵਿੱਚ ਆਪਣੀ ਕੋਠੀ ਵਿੱਚ ਸਦਿਆ ਸੀ ਅਤੇ 24 ਸਤੰਬਰ 2015 ਦੀ ਮਾਫ਼ੀ ਦਿੱਤੇ ਜਾਣ ਵਾਲੀ ਪਲਾਨਿੰਗ ਬਾਰੇ ਦੱਸਿਆ ਸੀ। ਮੱਕੜ ਦੇ ਕਹੇ ਮੁਤਾਬਿਕ ਉਸਨੇ ਇਸ ਬਾਰੇ ਛੋਟੇ ਬਾਦਲ ਨੂੰ ਸਾਵਧਾਨ ਵੀ ਕੀਤਾ ਸੀ ਅਤੇ ਕਿਹਾ ਸੀ ਕਿ ਪਹਿਲਾਂ ਸਾਰੀਆਂ ਸਿੱਖ ਸੰਸਥਾਵਾਂ ਨਾਲ ਗੱਲ ਕਰਕੇ ਉਨ੍ਹਾਂ ਨੂੰ ਭਰੋਸੇ 'ਚ ਲਿਆ ਜਾਵੇ।"