ਬਾਬਾ ਫ਼ਰੀਦ ਜੀ ਦੇ ਆਗਮਨ ਪੁਰਬ ਮੌਕੇ ਫ਼ਰੀਦਕੋਟ ਵਿਖੇ ਪੰਜਾਬੀ ਮੁਹਾਵਰਿਆਂ ਦੀ ਇਹ ਕਿਤਾਬ ਲੋਕ ਅਰਪਣ ਕੀਤੀ ਜਾਵੇਗੀ ਜੀ, ਜਿਸ ਵਿੱਚ 14900 ਤੋਂ ਵੱਧ ਮੁਹਾਵਰੇ ਹਨ। ਪੰਜਾਬੀ ਪਿਆਰਿਆਂ ਦਾ ਅਸ਼ੀਰਵਾਦ ਬਣਿਆ ਰਹੇ। ਉਤਸ਼ਾਹ ਠੰਢਾ ਪੈ ਜਾਣਾ - ਹੌਸਲਾ ਢਹਿ ਜਾਣਾ। ਉਤਸ਼ਾਹ ਭਰਦਾ ਜਾਣਾ - ਹੁਲਾਰਾ ਆਉਂਦਾ ਜਾਣਾ। ਉਤਸ਼ਾਹ ਭਰਨਾ - ਹੌਸਲਾ ਵਧਣਾ, ਕਿਸੇ ਕੰਮ ਲਈ ਖਿੱਚ ਪੈਦਾ ਕਰਨਾ। ਉੱਤਰ ਕਾਟੋ ਮੈਂ ਚੜ੍ਹਾਂ - ਆਪਣੀ ਵਾਰੀ ਮੰਗਣੀ। ਉੱਤਰ-ਪੁੱਤਰ ਹੋ ਜਾਣਾ - ਉਧਾਰ ਉੱਤਰ ਜਾਣਾ, ਨਿਬੇੜਾ ਹੋ ਜਾਣਾ, ਲੇਖਾ ਮੁੱਕਣਾ। ਉੱਤਰਸ਼ਾਹੀ ਲੱਗ ਜਾਣੀ - ਡਰ ਭਰੀ ਅੱਚਵੀ ਲੱਗ ਜਾਣੀ। ਉਤਰਾਉ ਚੜਾਉ ਦੱਸਣਾ - ਫਿਰ ਕੁਝ ਹੋਰ ਕਹਿਣਾ, ਕਈ ਪੈਂਤਰੇ ਬਦਲਣਾ, ਚਕਮਾ ਦੇਣ ਦੇ ਭਾਵ ਨਾਲ਼ ਪਹਿਲਾਂ ਕੁਝ ਹੋਰ ਤੇ ਉਤਲੀ ਹੇਠ ਤੇ ਹੇਠਲੀ ਉੱਤੇ ਕਰਨਾ - ਸਭ ਕੁਝ ਉਲਟ ਪੁਲਟ ਕਰ ਦੇਣਾ, ਤਰਥੱਲੀ ਮਚਾ ਦੇਣੀ। ਉਤਲੀਆਂ ਹੇਠਲੀਆਂ ਮਾਰਨੀਆਂ - ਇਧਰ ਉਧਰ ਦੀਆਂ ਗੱਪਾਂ ਮਾਰਨੀਆਂ, ਬੇਥਵੀਆਂ ਗੱਲ਼ਾ ਕਰਨੀਆਂ। ਉਤਲੇ ਮਨੋ ਕਹਿਣਾ - ਦਿਲੋਂ ਨਾ ਕਹਿਣਾ। ਉਤਲੇ ਮੂੰਹੋਂ ਕਹਿਣਾ - ਉਪਰੋਂ ਉਪਰੋਂ ਮੂੰਹ ਰੱਖਣਾ, ਦਿਲੋਂ ਗੱਲ ਨਾ ਕਹਿਣੀ। ਉੱਤਾ ਨਾ ਵਾਚਣਾ - ਗੌਰ ਨਾ ਕਰਨੀ, ਧਿਆਨ ਨਾ ਦੇਣਾ। ਉੱਤਾ ਵਾਚਣਾ - ਸਾਰ ਲੈਣੀ, ਧਿਆਨ ਦੇਣਾ। ਉਤਾਰੂ ਹੋਏ ਹੋਣਾ - ਕਾਹਲ਼ੇ ਪੈਣਾ। ਉੱਤੇ ਹੋਣਾ - ਤਰੱਕੀ ਤੇ ਹੋਣਾ, ਵੱਧ ਕੇ ਹੋਣਾ। ਉੱਤੇ ਡਿੱਗਦੇ ਫਿਰਨਾ - ਆਪਣਾ ਸਭ ਕੁਝ ਵਾਰਨ ਨੂੰ ਤਿਆਰ ਹੋ ਜਾਣਾ ਕਿਸੇ ਪਿੱਛੇ ਲੱਟੂ ਹੋਣਾ, ਬਹੁਤ ਖ਼ੁਸ਼ਾਮਦ ਕਰਨੀ । ਉੱਤੇ ਲੱਤ ਰੱਖਣਾ - ਹਾਵੀ ਹੋਣਾ, ਵੱਡਾ ਹੋਣਾ। ਉੱਤੋਂ ਦੀ ਹੋਣਾ - ਹਾਵੀ ਹੋਣਾ, ਦੂਸਰੇ ਤੇ ਛਾ ਜਾਣਾ, ਵਧ ਕੇ ਬੋਲੀ ਦੇਣੀ। ਉੱਤੋਂ ਦੀ ਪੈਣਾ - ਜ਼ਬਰਦਸਤੀ ਕਰਨਾ। ਉੱਤੋਂ ਫੜ੍ਹਨਾ - ਮੌਕੇ ਤੇ ਪਕੜਨਾ।ਉੱਥਲ ਪਾਉਣਾ - ਉਲਟ ਪੁਲਟ ਕਰਨਾ, ਚੀਜ਼ਾਂ ਨੂੰ ਉੱਗੜ-ਦੁੱਗੜ ਕਰਨਾ, ਥੱਲ ਪਥੱਲ ਕਰਨਾ। | 
