ਸਮੇਂ ਦਾ ਵੀ ਮਿੱਤਰੋ ਸਫ਼ਰ ਨਿਆਰਾ
ਅੱਜ ਮਾਪੇ ਜਿੱਥੇ ਛੱਡੇ ਕਾਲੂੰ ਤੁਸੀਂ ਉੱਥੇ ਜਾਣਾ
ਮਾਪਿਆਂ ਦੀ ਮਿੱਠਤ ਕੋੜ ਅੱਜ ਜਾਪਦੀ
ਪਤਾ ਲੱਗੂ ਪਦਵੀ ਸੰਭਾਲੀ ਜਦੋਂ ਬਾਪ ਦੀ
ਨਿੱਤ ਦਾ ਕਲੇਸ਼ ਕਹਿੰਦੇ ਘਰੇ ਹੁੰਦਾ ਮਾੜਾ
ਅੱਜ ਮਾਪੇ ਜਿੱਥੇ ਛੱਡੇ . . .

ਦੋਵੇਂ ਭਰਾਵਾਂ ਨੇ ਪਾਈਆਂ ਦੋ ਕੋਠੀਆਂ
ਮਾਪਿਆਂ ਨੂੰ ਰੱਖਣ ’ਤੇ ਹੋ ਜਾਣ ਛੋਟੀਆਂ
‘ਦਮਨ ਕੰਗ’ ਐਸੇ ਨਾਲੋਂ ਚੰਗਾ ਏ ਉਜਾੜਾ
ਅੱਜ ਮਾਪੇ ਜਿੱਥੇ ਛੱਡੇ . . .

ਬਿਰਧ ਆਸ਼ਰਮ ਵਿਚ ਛੱਡ ਕੇ ਮਾਪੇ
ਆਖਦੇ ਓ ਜ਼ਿੰਦਗੀ ਦੇ ਮੁੱਕ ਗਏ ਸਿਆਪੇ
ਹਰ ਕੋਈ ਆਖੇ ਮੈਂ ਹੀ ਆ ਸਿਆਣਾ
ਅੱਜ ਮਾਪੇ ਜਿੱਥੇ ਛੱਡੇ . . .

ਖੰਨੇ ਵਾਲੇ ਦੀ ਗੱਲ ਦਾ ਅਹਿਸਾਸ ਉਦੋਂ ਹੋਣਾ
ਰੋਂਦਿਆਂ ਨੂੰ ਜਦੋਂ ਕਿਸੇ ਚੁੱਪ ਨਾ ਕਰਾਉਣਾ
ਪਛਤਾਵੇ ਨੇ ਦਿਲ ਵਿਚ ਪਾਉਣੀਆਂ ਦਰਾੜਾਂ
ਅੱਜ ਮਾਪੇ ਜਿੱਥੇ ਛੱਡੇ . . .