editor@sikharchives.org

ਮਰਿਯਾਦਾ

ਗਿਆਨ ਤੋਂ ਅਧੂਰਾ ਬੰਦਾ, ਧਿਆਨ ਜ਼ਰੂਰ ਕਰੀ, ਘਰ ਦਾ ਕਮਰਾ, ਕਿਤਾਬਾਂ ਪੋਥੀਆਂ ਨਾਲ ਭਰੀ ।
ਬੁੱਕਮਾਰਕ ਕਰੋ (0)
Please login to bookmark Close

Surinder Singh Ibadati

ਪੜਨ ਦਾ ਸਮਾਂ: 1 ਮਿੰਟ

ਦਿਨ ਰਾਤ ਪਲਕਾਂ, ਚਾਹੇ ਭਰਕੇ ਨਮ ਰੱਖੀ,
ਐਸ ਨਮੀ ਦੇ ਅੰਦਰ, ਹਾਸਿਆਂ ਦਾ ਦਮ ਰੱਖੀ ।
ਮਾਹੌਲ ਹੈ ਸਿਰਜਿਆ, ਚੁਫੇਰੇ ਖੁਦਕੁਸ਼ੀਆਂ ਨੇ,
ਐਸ ਤ੍ਰਾਸਦੀ ਅੰਦਰ, ਜਿੰਦੜੀ ਚੱਕਦਮ ਰੱਖੀ ।

ਹਰੀ ਓਮ ਸਤਿਨਾਮ ਜਪੋ, ਨਾਅਰੇ ਲਾਉਂਦੇ,
ਨਾਅਰਾ ਮੰਨੀ ਓਹਨਾਂ ਦਾ, ਓਟ ਇੱਕੋ ਤੇ ਰੱਖੀ ।
ਮੈਂ ਤੇ ਮੇਰਾ ਪੰਥ, ਪਰ ਮੇਰੀ ਮਰਿਯਾਦਾ ਵੱਖ ਐ,
ਐਸ ਮਰਿਯਾਦਾ ਦੇ ਵਿਚੋਂ, ਆਪਾ ਬਾਹਰ ਰੱਖੀ ।

ਸੱਜਣ ਹੋਣਗੇ ਬਹੁਤੇ, ਆਪੋ ਆਪਣੇ ਕਾਜਾਂ ਲਈ,
ਪ੍ਰੇਮ ਕਰੀ ਸਭ ਨਾਲ, ਬਰੋਬਰ ਹਿਸਾਬ ਰੱਖੀ ।
ਭਾਰ ਆਵੇ ਤਾਂ ਦਿਖਦਾ ਨਹੀ, ਆਸੇ ਪਾਸੇ ਕੋਈ,
ਸੋ ਭਲਾ ਯਾਰਾਂ ਵਿਚੋ ਵੀ, ਵਿਰਲੇ ਯਾਰ ਰੱਖੀ ।

ਮਰਦ ਤੇ ਇਸਤਰੀ, ਦੋਨੋਂ ਹੱਕਦਾਰ ਜਿਊਣ ਦੇ,
ਮੈੰ ਮਰਦ ਹਾਂ ਵਾਕ ਤੋਂ, ਦੂਰੀ ਬਣਾਕੇ ਰੱਖੀ ।
ਇਸ਼ਕ ਹੈ ਪਾਕ ਪਵਿੱਤਰ, ਰੱਬ ਦੇ ਨਾਂ ਵਰਗਾ,
ਚਮੜੀਆਂ ਦੇ ਢੇਰਾਂ ਤੋਂ, ਰੂਹ ਨੂੰ ਬਚਾਕੇ ਰੱਖੀ ।

ਨਸ਼ਾ ਤੇ ਹੰਕਾਰ ਭੈੜੇ, ਖੋਖਲਾ ਕਰਦੇ ਬੰਦੇ ਨੂੰ,
ਸਵਾਦ ਨਾ ਚੱਖੀ, ਜੀਭ ਉੱਤੇ ਸੰਕੋਚ ਰੱਖੀ ।
ਪਹਿਰਾਵਾ ਵੀ ਸ਼ੁੱਧ, ਕਾਜ ਵੀ ਸੁਥਰੇ ਕਰੀ,
ਨਾਮ ਦਾਨ ਇਸ਼ਨਾਨ, ਦਿਮਾਗੀ ਕੰਠ ਰੱਖੀ ।

ਰੁੱਖ ਦਿੰਦੇ ਨੇ ਛਾਵਾਂ, ਫੁੱਲ ਤੇ ਫਲਾਂ ਨੂੰ ਚੱਖੀ,
ਪੱਕਿਆਂ ਘਰਾਂ ਵਿਚ, ਗਮਲਾ ਤੇ ਬਾਗ ਰੱਖੀ ।
ਗਿਆਨ ਤੋਂ ਅਧੂਰਾ ਬੰਦਾ, ਧਿਆਨ ਜ਼ਰੂਰ ਕਰੀ,
ਘਰ ਦਾ ਕਮਰਾ, ਕਿਤਾਬਾਂ ਪੋਥੀਆਂ ਨਾਲ ਭਰੀ ।

ਆਪਾ ਸਾਰੇ ਇੱਕ ਹਾਂ, ਸਭ ਨਾਲ ਪ੍ਰੇਮ ਕਰੀ,
ਗੁਣਾਂ ਦੀ ਸਾਂਝ ਕਰੀ, ਔਗੁਣਾਂ ਨੂੰ ਚਿਤ ਕਰੀ।
ਗੱਲਾਂ ਕਰਨੀਆਂ ਸੌਖੀਆਂ, ਅਵਸਥਾ ਬਣਾ ਲਈ,
ਅਰਜ਼ ਕਰੀਏ ਸਾਹਿਬ ਨੂੰ, ਆਨੰਦ ਬਖਸ਼ ਦਈ ।

ਬੁੱਕਮਾਰਕ ਕਰੋ (0)
Please login to bookmark Close

ਲੇਖਕ ਬਾਰੇ

ਬੁੱਕਮਾਰਕ ਕਰੋ (0)
Please login to bookmark Close

ਮੇਰੇ ਪਸੰਦੀਦਾ ਲੇਖ

No bookmark found
ਬੇਨਤੀ

ਲਗਦਾ ਹੈ ਕਿ ਤੁਹਾਨੂੰ ਇਹ ਲੇਖ ਪਸੰਦ ਹੈ।

ਸਿਖ ਆਰਕਾਇਵਜ਼ ਤੇ ਹਜ਼ਾਰਾਂ ਹੀ ਲੇਖ ਹਨ। ਕੀ ਤੁਸੀਂ ਜਾਣਦੇ ਹੋ ਕਿ ਆਪਣੀ ਪਸੰਦ ਦੇ ਲੇਖ ਕਿਸੇ ਹੋਰ ਨਾਲ ਸ਼ੇਅਰ ਜਾਂ ਬੁਕਮਾਰਕ ਕਰਕੇ ਦੁਬਾਰਾ ਪੜੵ ਸਕਦੇ ਹੋ?

ਧੰਨਵਾਦ

ਪਾਠਕਾਂ ਵਾਸਤੇ ਅਨੇਕ ਸਹੂਲਤਾਂ ਲਈ ਮੈਂਬਰ ਬਣੋ(ਮੁਫ਼ਤ)