ਡਾ. ਰਘਬੀਰ ਸਿੰਘ ਬੈਂਸ
ਡਾ. ਰਘਬੀਰ ਸਿੰਘ ਬੈਂਸ 1990 ਵਿੱਚ ਕੈਨੇਡਾ ਆਵਾਸ ਕਰ ਗਏ, ਅਤੇ ਉਦੋਂ ਤੋਂ ਬੀ.ਸੀ. ਵਿੱਚ ਇੰਡੋ-ਕੈਨੇਡੀਅਨ ਅਤੇ ਹੋਰ ਭਾਈਚਾਰਿਆਂ ਦਰਮਿਆਨ ਸੱਭਿਆਚਾਰਕ ਸਮਝ ਅਤੇ ਆਪਸੀ ਸਤਿਕਾਰ ਨੂੰ ਉਤਸ਼ਾਹਿਤ ਕਰਨ ਲਈ ਆਪ ਨੇ ਕਈ ਸੰਸਥਾਵਾਂ ਲਈ ਇੱਕ ਵਲੰਟੀਅਰ, ਕਮਿਊਨਿਟੀ ਕਾਰਕੁਨ ਅਤੇ ਸਿੱਖਿਅਕ ਵਜੋਂ ਅਣਥੱਕ ਕੰਮ ਕੀਤਾ ਹੈ। ਉਹ ਸਿੱਖ ਧਰਮ ਦੇ ਐਨਸਾਈਕਲੋਪੀਡੀਆ ਦੇ ਲੇਖਕ ਹਨ। ਉਹਨਾਂ ਨੇ ਇੰਡੋ-ਕੈਨੇਡੀਅਨ ਭਾਈਚਾਰੇ ਵਿੱਚ ਇੱਕ ਸਰਗਰਮ ਵਲੰਟੀਅਰ ਅਤੇ ਰੋਲ ਮਾਡਲ ਵਜੋਂ ਰੋਲ ਨਿਭਾਇਆ ਅਤੇ ਇੱਕ ਦੁਭਾਸ਼ੀਏ ਵਜੋਂ ਕੰਮ ਕਰਦਿਆਂ ਨਵੇਂ ਪ੍ਰਵਾਸੀਆਂ ਨੂੰ ਕੈਨੇਡੀਅਨ ਜੀਵਨ ਦੇ ਆਦੀ ਬਣਨ ਵਿੱਚ ਸਹਾਇਤਾ ਕੀਤੀ ਹੈ। ਡਾ: ਬੈਂਸ 60 ਤੋਂ ਵੱਧ ਸਥਾਨਕ, ਰਾਸ਼ਟਰੀ ਅਤੇ ਅੰਤਰਰਾਸ਼ਟਰੀ ਪੁਰਸਕਾਰ ਜਿੱਤ ਚੁੱਕੇ ਹਨ। ਉਨ੍ਹਾਂ ਨੂੰ ਪੰਜਾਬ ਸਰਕਾਰ ਦੁਆਰਾ 20ਵੀਂ ਸਦੀ ਦਾ ਸਕਾਲਰ ਘੋਸ਼ਿਤ ਕੀਤਾ ਗਿਆ ਸੀ, ਅਤੇ ਉਨ੍ਹਾਂ ਨੂੰ ਆਰਡਰ ਆਫ਼ ਖਾਲਸਾ, ਭਾਈ ਗੁਰਦਾਸ ਇੰਟਰਨੈਸ਼ਨਲ ਅਵਾਰਡ, ਵਿਜ਼ਡਮ ਆਫ਼ ਏਜ ਮੈਂਟੋਰਸ਼ਿਪ ਅਵਾਰਡ, ਸਰੀ ਸ਼ਹਿਰ ਤੋਂ ਸਾਲ ਦਾ ਵਧੀਆ ਨਾਗਰਿਕ ਅਵਾਰਡ ਅਤੇ ਮਹਾਰਾਣੀ ਦਾ ਪੁਰਸਕਾਰ ਮਿਲਿਆ ਸੀ। ਉਨ੍ਹਾਂ ਨੂੰ ਸ਼ਾਨਦਾਰ ਸਮਾਜ ਸੇਵਾ ਲਈ ਗੋਲਡਨ ਜੁਬਲੀ ਮੈਡਲ ਵੀ ਮਿਲਿਆ ਸੀ। 80 ਸਾਲ ਦੀ ਉਮਰ ਵਿੱਚ ਆਪ ਸੰਨ 2016 ਵਿੱਚ ਇਸ ਸੰਸਾਰ ਤੋਂ ਕੂਚ ਕਰ ਗਏ।
ਸਾਰੇ ਲੇਖ
